१ कोरीन्‍थुपा 9:26 - ॱलोवा

²⁶ होझ्‍येरी ङा ॱमीक्‍यु मेश्‍या भाङ ॱमेताङ हो़क। धेनी ॱलुङबुला जोक्‍री श्‍युरकीन च्‍योक्‍रे, ङा मीश्‍युरहो़क।

१ कोरीन्‍थुपा 9:26 ပူးပေါင်းရင်းမြစ်များ

मेथा 11:12

ठी़सो़खेन योहान्‍नागी धी़चो़ने, धान्‍दा थुक्‍पे नाम्‍खे ग्‍यासीगी दुक्‍पु ङ्याङ हो़तालाक धेनी देला दुक्‍पु ताङगीनक्‍याई रुप्‍ती ठोक्‍पालाक।

लुका 13:24

“घो दोक्‍वाने जुयेला घी थुप-थुप थापस्‍यी झ्‍यी, घीझ्‍येरी ॱनाना ङा खेक्‍याला ॱनाहीन, मी माङक्षेगी होदेने जुयेगी थापस्‍यी झ्‍यीगीलाक हीना ॱमीथुप्‍कीलाक।

१ कोरीन्‍थुपा 14:9

देरेराङ खेक्‍याला झ्‍युङालाक। खेक्‍याई च्‍येमोगी ॱहाघो ॱमीथुक्‍कीन छीकक्‍या स्‍येना, खीकी घी ॱनेजो ॱनेरी सी़ ॱहाघोरये? खेक्‍या नी ॱलुङला लाब ताङगीन च्‍योक्‍रे लाक।

२ कोरीन्‍थुपा 5:1

घीझ्‍येरी ॱनाना होरी ली़ नी, दे जीक्‍तेनदु ॱनेसा घुर च्‍योक्‍रे लाक। धेनी घुर दे स्‍यीक्‍ना, होरी क्षीदु मीगी लाक्‍पी शो़सा मेन्‍दा हीना नाम्‍खे श्‍यीङखामदु धी़ तेन्‍दु ॱनेगीन खाङबा, को़न्‍क्षोकगी ॱनाङ हो़तालाक ॱनेरी होराङ स्‍येलालाक।

२ कोरीन्‍थुपा 5:8

हेक्‍याला यीच्‍चे तेन्‍पो हो़क धेनी ली़ने खा डारी चोवोमुला ॱनेयेगो, हेक्‍या दो़दीहो़क।

गालातीयापा 2:2

को़न्‍क्षोकगी ङाला तो़न्‍दा जेदी, ङा होदुरु सोवी। धेनी ङी झ्‍येजा धाङ झ्‍यीगीन लेगाक्‍या दो़न मेगीन माझ्‍युङास्‍योक ॱनेरी, ङा होदुरु हो़ती घाङला, ङी याहुदापा मेन्‍गीन मीरीकक्‍यामुला स्‍येगीन ताम्‍शाङगी़ कोरला, क्षो़छोकगी गोठीक्‍याला शुरला थुक्‍ती स्‍येवी।

एफीसुपा 6:12

घीझ्‍येरी ॱनाना होरी ॱमाक्‍ठुक नी स्‍याठाकगी मीमुला मालाक हीना पो़न्‍रीकक्‍या धाङ वाङ झ्‍यीगीनक्‍या धेनी जीक्‍तेन देगी मी़नाकगी वाङ झ्‍यीगीनक्‍या, धाङ नाम्‍खाक्‍याला हो़गीन ङेन्‍पागी सेम्‍ङीगी ॱमाक्‍मीक्‍यामुला लाक।

फीलीप्‍पीपा 1:21

घीझ्‍येरी ॱनाना ङी क्षीदु सो़न्‍पो धेयेगी दो़न नी, मास्‍यीका लाक धेनी छीवा नी खेब्‍साङ लाक।

कोलोसेपा 1:29

दो़न दी क्षीला, मास्‍यीकागी ङी नाङदु स्‍युक जेगीन नी़थु क्षेगी थोक्‍नेराङ, ङा ॱमीच्‍यीकी काल्‍ले ग्‍यावाहीन।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 2:5

देरे झ्‍येरीराङ गेपा च्‍यीकगी ठीमला चीरी मीदुरना, खोला होदेगी ज्‍यागा ॱमेथोवालाक।

२ तीमोथेउ 4:7

ङी ॱमाक शाङा टाप हो़क धेनी ङी भाङदुरगो तासाहो़क धेनी ङी धेपा ॱरुङहो़क।

ईब्‍रीपा 12:1

होझ्‍येरी देरे माङा पाङपोगी ॱरीङबागी, होराङला कोरती धेता झ्‍येरी, होराङ खु ॱनाछोक धाङ लेल्‍हामोमा, गोकोर ताङगीन धीक्‍पाला पारी, होराङ होरी दोङदु श्‍याकश्‍या भाङदुरगो शो़पा झ्‍येरी भाङ ताङु।

ईब्‍रीपा 4:1

होझ्‍येरी को़न्‍क्षोकगी ङासु नाङ जुयेगी धाम्‍चागो हो़ती हो़तीयाः, खेक्‍याने सुवाः होदे ङासु नाङ जु ॱमीथुक्‍कीन मीझ्‍युङयेला, होराङक्‍या शाप-शाप झ्‍यीघो़।

१ पेटो 5:1

ङाराङ क्षो़छोकगी गोठी च्‍यीक हीन्‍गीन झ्‍येरी, धेनी मास्‍यीकागी दुक्‍पु ङ्याङगीनगी पाङपो धाङ स्‍याम्‍ला ॱङो़न्‍ये हीन्‍गीन शीजेला मुला थेये हीन्‍गीन च्‍यीक झ्‍येरी, ङा खेक्‍या नाङने गोठीक्‍याला श्‍योवा पुलाहीन,

२ पेटो 1:10

होझ्‍येरी पी़नक्‍याओ, खेक्‍याला को़न्‍क्षोकगी भो़पा धाङ दाम्‍दागोला, ॱङोन्‍ने हीन्‍गीनगो तो़न्‍ये क्षीदु धोराङा ची़न्‍डी़ झ्‍यी घीझ्‍येरी ॱनाना देरे झ्‍यीना, खेक्‍या खेरी धेपाने ल्‍हीम्‍गीमालाक।