१ कोरीन्‍थुपा 9:25 - ॱलोवा

²⁵ चेमोला दुरकीनक्‍या दो़न घीरीला राङ छो़ शीम्‍गीन हुङालाक। खुङक्‍या मेताला डुगीन ज्‍यागागी क्षीदु देरे झ्‍यीदालाक हीना होराङक्‍या मेताला मेडोगीन ज्‍यागागी क्षीदु झ्‍यीदालाक।

१ कोरीन्‍थुपा 9:25 ပူးပေါင်းရင်းမြစ်များ

१ कोरीन्‍थुपा 15:54

धेनी मेताला डोगीनगी मेताला मेडोगीन धाङ छीवाला डोये हीन्‍गीन ली़गी, छीवा मेगीन ली़ला ग्‍युरी घाङला देरे ढीक्‍टा कागो डुप्‍कीलाक, “छीवा नी ॱमाक थाप्‍कीनला फाम्‍बालाक।”

गालातीयापा 5:23

ॱङ्यामच्‍युङ धाङ राङ छो़ शीम्‍गीन लाक। देक्‍याला ॱमीथी़न्‍गीन क्षो़ठीम मेतालाक।

१ तीमोथेउ 6:12

होरी धेपागी ॱमाक शाङपोगो टोप। धेनी पाङपो माङागी दोङदु, ख्‍यी़ खेलेन शाङपो लेन्‍ला झ्‍येरी, थामेपे छेसोकगी क्षीला ख्‍यो़ भो़वालाक। धेनी देला शीम्‍दी धो़क।

२ तीमोथेउ 2:5

देरे झ्‍येरीराङ गेपा च्‍यीकगी ठीमला चीरी मीदुरना, खोला होदेगी ज्‍यागा ॱमेथोवालाक।

तीतोस 1:8

हीना खो डो़नला फेप्‍सु श्‍यी़येला घागीन धाङ ले शाङपो झ्‍यीयेला घागीन धाङ राङ छो़ शीम्‍गीन धाङ ढाङपो धाङ धाम्‍पा धाङ च्‍यो़पा ढुङा झ्‍युङ घो़गीलाक।

तीतोस 2:2

मी गेम्‍पाक्‍या राङ छो़ शीम्‍गीन धाङ याराप धाङ साम्‍लो थोङा धेनी धेपा धाङ झाम्‍पा धाङ शो़पाला तेन्‍पो हुङघो़गीलाक ॱनेरी स्‍यो़क।

ईब्‍रीपा 12:28

होझ्‍येरी घु-घु ताङ ॱमीथुक्‍कीन ग्‍यासी थोप्‍था, होराङक्‍या को़न्‍क्षोकला काटीन्‍क्षे श्‍युउ। धेनी कुरती धाङ जीक्‍नाङगी थोक्‍ने, को़न्‍क्षोकला थुक्‍ङेउ झ्‍युङगीन क्षाक्‍क्षो़पा पुलो।

ईब्‍रीपा 12:4

खेक्‍या धीक्‍पामुला थाप्‍पाराङ ठाक ॱली़ घोयेगी ॱनेछु थुक्‍पे, धोराङाः खेक्‍या ॱमालेप हो़तालाक।

याकोब 1:12

दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।

१ पेटो 1:4

धेनी नाम्‍खे श्‍यीङखामदु खेक्‍याई क्षीदु नामा मेजोक्‍कीन धाङ ढीमा मेगीन धाङ येरी मेडोगीन, ग्‍युज्‍यीन श्‍याक जे हो़तालाक।

१ पेटो 5:4

धेनी झ्‍यीवु चोगो ॱङो़न्‍सुमदु फेवी घाङला, खेक्‍याला नामा येरी मेडोगीन शीजेगी चोपो़न थोप्‍कीलाक।

२ पेटो 1:6

धेनी स्‍येयो़नला राङ-छो़ शीम्‍गीन धेनी राङ-छो़ शीम्‍गीनला शो़पा धेनी शो़पाला क्षो़सेम,

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 3:11

ङा ग्‍योक्‍जे हुङाहीन। धेनी ख्‍यी़ चो़पेनगो सी़या ठोक ॱमीथुक्‍येगी क्षीदु, ख्‍यी़मुला घी हो़गीनगो तेन्‍पोमा झ्‍येरी ॱरुङ।

ॱङो़न्‍पा 4:10

होदे ॱलोपो़न ङीस्‍यु चापश्‍यीगो श्‍युक्‍ठीरु श्‍युक्‍वा जेगीनगी, दोङदु क्षाक छाली धेनी धी़ तेन्‍दु ॱनेया जेगीनगोला, खुङक्‍या क्षाक्‍क्षो़पा पुली। धेनी खुङक्‍याई राङ-राङगी चो़पेनक्‍या श्‍युक्‍ठी दोङदु श्‍याक्‍ती देरे ॱलु पुली,

ॱङो़न्‍पा 4:4

होदे श्‍युक्‍ठीगी थाकोरला श्‍युक्‍ठी ङीस्‍यु चापश्‍यी दुक। धेनी उला सेरगी चो़पेन धाङ घो़ काउ घो़न्‍गा, ॱलोपो़न ङीस्‍यु चापश्‍यी होदे श्‍युक्‍ठीक्‍याखाला श्‍युक्‍कीनगो ङी ज्‍याजुङ।