१ कोरीन्‍थुपा 9:19 - ॱलोवा

¹⁹ ङा मी सी़याः होकदु मेनाः हीना मी माङागी सेम क्‍योप्‍येगी क्षीदु, ङा ङाराङ घीरीगी ॱयोक्‍पो झ्‍युहो़क।

१ कोरीन्‍थुपा 9:19 ပူးပေါင်းရင်းမြစ်များ

मेथा 18:15

“ख्‍यी़ पी़नगी ख्‍यी़ ग्‍यापला धीक्‍पा झ्‍यीना, सोरी खेराङ ॱङीउ च्‍यीगागी घुङदु खी़ नोन्‍डुगो स्‍यो़क। धेनी खी़ ख्‍यो़ला ङेन्‍ना, ख्‍यो़ला राङगी पी़न थोप्‍कीलाक।

रोमापा 1:14

गीरीक केक स्‍येगीन याङना गीरीक केक ॱमेस्‍येगीन हीन्‍ना, धेनी खेवा याङना ॱलेन्‍दा हीन्‍ना, मी घीरीला ताम्‍शाङ स्‍येघोयेगी गेनगो ङी खुरहो़क।

रोमापा 11:14

देरे झ्‍यीगीनगी ङी रेवा नी, ङाराङगी याहुदापा मीरीकक्‍याला ठादोक लाङदु च्‍युक्‍ये धाङ खुङक्‍याने रीङगाला क्‍योप थुक्‍ये लाक।

रोमापा 15:2

धेनी होराङ मी रे-रेगी राङगी खीम्‍चेला फेन्‍ये धाङ खी़ धेपा यारके ताङयेगी क्षीला, खोला घारु च्‍युक घोवालाक।

१ कोरीन्‍थुपा 10:29

ङा ख्‍यी़ स्‍येयो़नगी मेन्‍दा, होदे ॱनागीन मीगी स्‍येयो़नगी कोरला ॱनाहीन। ङी राङवाङगी कोरला मी श्‍येम्‍मागी स्‍येयो़नगी घीझ्‍येरी छो़ झ्‍यीये?

१ कोरीन्‍थुपा 7:16

खे केमीक्‍याओ, खेक्‍याला घी स्‍ये, खीकी राङगी ख्‍योवाला क्‍योप थुक्‍ये हो़टु? याङना खे ख्‍योवाक्‍याओ, खेक्‍याला घी स्‍ये, ख्‍यी़ राङगी केमीला क्‍योप थुक्‍ये हो़टु?

१ कोरीन्‍थुपा 9:1

ङाला राङवाङ मेताले? ङा कुछाप च्‍यीक माले? ङी होरी चोवो येशुला ज्‍या माङ्युवाले? चोवोगी नाङ ङी लेगागी ढेबुगो, खेक्‍या माले?

२ कोरीन्‍थुपा 12:14

धा ङा खीकीचारु थेङमा सुम्‍बागो, हुङयेला डाढीक हो़क। धेनी ङा खीकी क्षीदु घाक्‍वा झ्‍युङयेमेन घीझ्‍येरी ॱनाना ङा खीकी ग्‍युनोर मेन्‍दा, खेक्‍याला चालाहीन। घीझ्‍येरी ॱनाना टुवागी फामी क्षीदु मेन्‍दा, फामागी टुवागी क्षीदु ग्‍यु साक घोवालाक।

२ कोरीन्‍थुपा 4:15

घीझ्‍येरी ॱनाना देक्‍या घीरी खेक्‍याला फेन्‍येगी क्षीदु लाक। धेनी दे नी थुक्‍जेगो मी माङाचारु फेरी डोवाराङ, को़न्‍क्षोकगी शीजे हुङयेला काटीन्‍क्षे श्‍युयेगोवा फेयेगी क्षीदु लाक।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

गालातीयापा 5:1

राङवाङगी क्षीला, मास्‍यीकागी होराङला राङवाङ ॱनावालाक होझ्‍येरी क्षो़ठीमगी ढेन्‍योक होकला ॱमीछी़दा, तेन्‍पो झ्‍येरी धो़क।

गालातीयापा 5:13

पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।

१ तीमोथेउ 4:16

ख्‍यो़राङ धाङ ख्‍यो़री ॱलापच्‍याला शाप-शाप झ्‍येरी धो़क। देलाराङ तेन्‍पोमा ॱनेरे धो़क। देरे झ्‍यीना ख्‍यी़ राङ धाङ ख्‍यो़ला ङेन्‍गीन ॱङीगाराला क्‍योप्‍कीलाक।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

१ पेटो 3:1

केमीक्‍याओ, देरेराङ झ्‍येरी राङगी ख्‍योवागी होकला धो़क। धेनी खुङक्‍याने रीङगागी को़न्‍क्षोक काला ॱमीचीनाः, खोरी केमीक्‍याई च्‍यो़पागी झ्‍येरी स्‍ये मेघोलाला, खुङक्‍याई सेम ग्‍युरवा थेप थुक्‍कीलाक।