१ कोरीन्‍थुपा 5:12 - ॱलोवा

¹² फीदी मीक्‍याई ठीम्‍चो़ झ्‍येरी ङाला घी हुङगीलाक से? क्षो़छोक नाङगी मीक्‍याला खेक्‍याई ठीम चे घोगुमाले?

१ कोरीन्‍थुपा 5:12 ပူးပေါင်းရင်းမြစ်များ

मारकु 4:11

धेनी येशुगी खुङक्‍याला सुवालाक, “को़न्‍क्षोकगी ग्‍याखापगी साङवा, खेक्‍याला ॱनाङ हो़तालाक। हीना फीदागी मीक्‍याला लाब घीरी पेगी थोक्‍ने स्‍येगीलाक,

लुका 12:14

धेनी येशुगी सुवालाक, “रोवाओ, ख्‍यी़ खाला ठीम झ्‍यीये याङना ग्‍यु घो़गीन, ङाला सी़ को़जो?”

योहान्‍ना 18:36

येशुगी लेन जेपालाक, “ङी ग्‍यासी दे जीक्‍तेनगी मेन। ङी ग्‍यासी जीक्‍तेनगी हीन्‍ना, ङा याहुदापाक्‍याई लाकदु ॱमीछी़येला, ङी ॱयोक्‍पोक्‍याई टाप्‍यी हो़टु। हीना ङी ग्‍यासी दे जीक्‍तेनगी मालाक।”

कोलोसेपा 4:5

घुकाप घी थोप्‍ना भेचो़ शाङपो झ्‍येरी, मास्‍यीकावा मेन्‍गीनक्‍यामुला च्‍याङजे झ्‍येरी च्‍यो़पा झ्‍यी।

१ थेसालोनीकेपा 4:12

देरे झ्‍यीना धेपा मीझ्‍यीगीनक्‍याई, खेरी मीछे केताङला घुस्‍याप झ्‍यीगीलाक धेनी खेक्‍या मी श्‍येम्‍माला रे मेघो़गीलाक।

१ तीमोथेउ 3:7

फीदी मीक्‍यागी तादाङदुवा, खो शाङा हो़गीनगी ङेन्‍डा हुङघो़गीलाक। देरे मेन्‍ना खो ङोजा धाङ धी़कगी ॱङीपला छी़येगी ङेन्‍का हो़तालाक।