16 होझ्येरी, ङा खेक्याला ङी लेमो झ्यी ॱनेरी कुलाहीन।
ङी मास्यीका लेमो झ्यीगीन च्योक्रे, खेक्यागीयाः ङी लेमो झ्यी।
पी़नक्याओ, ङाला पे श्याक्ती मीछे पी़ धेनी हीकी मीछेला खेक्याई थोथा पे च्योक्रे, मीछे पी़गीनक्याला श्यीप्ता झ्यी।
खेक्याई ङाने घी ज्याङगीन धाङ खेलेन झ्यीगीन धाङ ङेन्गीन धाङ थोङगीन लाबक्या, राङगी मीछेला लाक्लेन झ्यी। धेनी श्यीदेगी को़न्क्षोक खेक्यामुला श्युक्वा जेगीलाक।
ॱमीच्यीकी दुङा क्षेगी खोकलाः खेक्याई धाम्पे थुक्ङीगी घाटो थोक्ने ताम्शाङगो खेलेन्दी, खेक्या हे धाङ चोवोगी लेमो झ्यीगीन झ्युवालाक।
हेक्या हुरे झ्यी छोक्येला आङजा मेगीन मालाक हीना खेक्या हीकी लेमो झ्यीयेला पे तो़न्येला झ्येवी।
खेक्याला को़न्क्षोकगी का स्येगीन, खेरी गोठीक्याला ढेन्बा माझ्ये। खुङक्याई मीछेगी ढेबुला साम्लो तोङ धेनी खुङक्याई धेपागी पे लेन।
खेक्याई लेगेनला हो़गीनक्या खाला आङजा झ्येरी मेन्दा, हीना लुकख्युक्याई क्षीला पे झ्युरी छोक्योङ झ्यी।
