१ कोरीन्‍थुपा 16:13 - ॱलोवा

¹³ च्‍याङजे झ्‍यी। धेपाला तेन्‍पो ॱनेती धो़क धेनी ॱलोगोक क्षे धाङ स्‍युक क्षे झ्‍युङ।

१ कोरीन्‍थुपा 16:13 ပူးပေါင်းရင်းမြစ်များ

मेथा 25:13

धेनी येशुगी सुवालाक, “खेक्‍याला ङा हुङयेगी ङीमा धाङ धी़चो़गो स्‍येये मेगीन झ्‍येरी च्‍याङजे धो़क।

मेथा 26:41

खेक्‍या छो़ताला ॱमाली़वास्‍योक ॱनेरी, ॱङी मालोक्‍वा सोवा ग्‍योप। सेमगो नी डाढीक दुक हीना ली़गो क्‍योवा दुक।”

लुका 21:36

हीना हुङये झ्‍यीगीन दे घीरीने थारये धाङ मी-भुगी डुङदु लारी धे थुप्‍येगी क्षीला, च्‍योई सोवा ग्‍याप्‍ती च्‍याङजे झ्‍येरी धो़क।”

१ कोरीन्‍थुपा 14:20

पी़नक्‍याओ, साम्‍लो ताङदाङला टुवा च्‍योक्‍रे माझ्‍युङ। ङेन्‍पे क्षीदु टुवा च्‍योक्‍रे झ्‍युङ हीना साम्‍लो ताङदाङला मी क्षे च्‍योक्‍रे झ्‍युङ।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

२ कोरीन्‍थुपा 1:24

खीकी धेपे खाला हीकी वाङ झ्‍यीयेगी दो़पा मेक हीना खेक्‍याई घाटोगी क्षीदु हेक्‍या, खीकीमुला लेगा झ्‍यीदालाक। घीझ्‍येरी ॱनाना खेक्‍या खेरी धेपाला तेन्‍पो दुक।

गालातीयापा 5:1

राङवाङगी क्षीला, मास्‍यीकागी होराङला राङवाङ ॱनावालाक होझ्‍येरी क्षो़ठीमगी ढेन्‍योक होकला ॱमीछी़दा, तेन्‍पो झ्‍येरी धो़क।

एफीसुपा 3:16

को़न्‍क्षोकगी ढाङमेगी शीजेला तेन्‍ती, थुक्‍ङीगी थोक्‍ने नी़थु ॱनाङदी, खेक्‍याई सेमला तोपस्‍युक ॱनाङास्‍योक,

एफीसुपा 6:10

थाःला, खेक्‍या चोवो धाङ खोङबागी नी़थुगी तोप नाङला स्‍युक्‍क्षे झ्‍युङ।

फीलीप्‍पीपा 1:27

खेक्‍याई मीछेगी चो़लामगो, मास्‍यीकागी ताम्‍शाङला थी़न्‍गीन हुङघो़। धेनी ङा होरी खेक्‍याला थुक्‍ना याङना ङा मेनाः, खेक्‍या थुक्‍ङी च्‍यीकला तेन्‍पो ॱनेगीन धाङ धेनी ताम्‍शाङगी धेपागी क्षीला, खेक्‍या सेम्‍ङी च्‍यीक झ्‍युरी काल्‍ले ग्‍याप्‍कीन धाङ

फीलीप्‍पीपा 4:1

होझ्‍येरी ङी पी़नक्‍याओ, ङा खेक्‍याला चीदुङ झ्‍यीदीहो़क धेनी खेक्‍याला ढेन्‍दी हो़क। खेक्‍या ङी घाटो धाङ चो़पेन च्‍योक्‍रे हीन। धेनी चेवे रोवाक्‍याओ, देरेराङ झ्‍येरी चोवोगी नाङ तेन्‍पो ॱनेती धो़क।

फीलीप्‍पीपा 4:13

ङाला तोपस्‍युक ॱनाङगीनगी गोने, ङी घीरी झ्‍यी थुक्‍वा।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

कोलोसेपा 4:2

काटीन्‍क्षे श्‍युरी धेनी च्‍याङजे झ्‍युरी, ॱमो़लाम ॱमेक्षेदा ग्‍योप।

१ थेसालोनीकेपा 3:8

खेक्‍या चोवोगी नाङ धेपाला तेन्‍पो ॱनेना, हेक्‍या ॱङोन्‍ने सो़न्‍पो हीन।

१ थेसालोनीकेपा 5:6

होझ्‍येरी श्‍येम्‍माक्‍या च्‍योक्‍रे, होराङ ॱङी लोक्‍ती माधेता चाङजे झ्‍येरी, छो़ शीम्‍दी धेदु।

२ थेसालोनीकेपा 2:15

होझ्‍येरी पी़न्‍दाक्‍याओ, तेन्‍पो झ्‍येरी धो़क धेनी हीकी खाने ॱनेना तामक्‍या याङमेना ढीक्‍टा यीक्‍याने, खेक्‍याला तेरता ॱलापच्‍याक्‍या तेन्‍पो झ्‍येरी ॱरुङ।

१ तीमोथेउ 6:12

होरी धेपागी ॱमाक शाङपोगो टोप। धेनी पाङपो माङागी दोङदु, ख्‍यी़ खेलेन शाङपो लेन्‍ला झ्‍येरी, थामेपे छेसोकगी क्षीला ख्‍यो़ भो़वालाक। धेनी देला शीम्‍दी धो़क।

२ तीमोथेउ 2:1

ङी भु ख्‍यो़, मास्‍यीका येशुगी थुक्‍जे नाङदु ॱङीङक्षे झ्‍युङ श्‍यीक।

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

२ तीमोथेउ 4:7

ङी ॱमाक शाङा टाप हो़क धेनी ङी भाङदुरगो तासाहो़क धेनी ङी धेपा ॱरुङहो़क।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

१ पेटो 5:8

खेक्‍याराङ छो़ शीम्‍दी, च्‍याङजे झ्‍यी। खेक्‍याई डा हीन्‍गीन धी़क नी, ङारके तो़न्‍गीन सीङगे च्‍योक्‍रे, सुला ॱङेदी शागुनाङ ॱनेरी चारी ग्‍युक्‍वालाक।

ॱङो़न्‍पा 16:15

“तो़दाङ, ङा कुमु च्‍योक्‍रे ॱहाताक्‍पाला हुङयेहीन। धेनी ॱमाराङा मीग्‍युक्‍ये धाङ ङोजा मीझ्‍युङयेगी क्षीदु, ॱङी मालोक्‍वा राङगी घोलाक घो़न्‍दी धेगीन मीगो, झ्‍यीलाप क्षे लाक।”