१ कोरीन्‍थुपा 15:56 - ॱलोवा

⁵⁶ छीवागी दुङ नी धीक्‍पा लाक धेनी धीक्‍पागी वाङ नी क्षो़ठीम लाक।

१ कोरीन्‍थुपा 15:56 ပူးပေါင်းရင်းမြစ်များ

योहान्‍ना 8:21

होझ्‍येरी खोङबागी खुङक्‍याला सुवालाक, “धा ङा डुगुलाक धेनी खेक्‍याई ङाला चागीलाक धेनी खेक्‍या राङगी धीक्‍पागी नाङदु स्‍यीगीलाक। ङा घारु डोजारु खेक्‍या हुङ थुक्‍कीमालाक।”

योहान्‍ना 8:24

खेक्‍या खेरी धीक्‍पागी नाङदु स्‍यीगीलाक ॱनेरी, ङी खेक्‍याला ॱनेवी। धेनी खेक्‍याई ‘ङा खोङराङ हीन’ ॱनेरी धेपा मीझ्‍यीना, खेक्‍या राङगी धीक्‍पागी नाङदु स्‍यीगीलाक।”

रोमापा 4:15

घीझ्‍येरी ॱनाना क्षो़ठीमगी थुक्‍ठो़ खेरती हुङालाक। धेनी क्षो़ठीम मेसारु, क्षो़ठीम ॱमीचीगीन लेगागोवाः मेयोङालाक।

रोमापा 5:15

हीना आदामगी धीक्‍पा धाङ को़न्‍क्षोकगी ॱनाङज्‍यीन ॱङीउ मेडालालाक। घीझ्‍येरी ॱनाना मी च्‍यीकगी धीक्‍पागी झ्‍येरी मी माङा स्‍यी हो़ना, येशु मास्‍यीका च्‍यीकगी थुक्‍जेगी थोक्‍ने, को़न्‍क्षोकगी थुक्‍जे धाङ ॱनाङज्‍यीनगो देले ल्‍हाक मीक्‍याला थोप्‍पालाक।

रोमापा 5:17

धा आदाम मी च्‍यीकगी धीक्‍पागी झ्‍येरी छीवागी वाङ झ्‍येहो़ना, येशु मास्‍यीका मी च्‍यीकगी थोक्‍ने, थुक्‍जे मेछो़ली थोप्‍था धाङ ढाङतेनगी ॱनाङज्‍यीन थोप्‍थाक्‍याई, देले ल्‍हाक छेसोकगी नाङ वाङ झ्‍यीगीलाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

ईब्‍रीपा 9:27

याङ मीक्‍या थेङ च्‍यीक स्‍यी घोवालाक धेनी होदे स्‍याम्‍ने, ठीम्‍चो़ हुङगीन च्‍योक्‍रे,