१ कोरीन्‍थुपा 15:50 - ॱलोवा

⁵⁰ धा पी़नक्‍याओ, ङा खेक्‍याला ॱनाहीन स्‍याठाकला को़न्‍क्षोकगी ग्‍यासीगी थोप्‍ताङ ॱमेथोबालाक धेनी मेताला डुगीन ली़ला मेताला मेडोगीनगी थोप्‍ताङ ॱमेथोबालाक।

१ कोरीन्‍थुपा 15:50 ပူးပေါင်းရင်းမြစ်များ

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

१ कोरीन्‍थुपा 1:12

ङी ॱनागीनगो घी लाक ॱनाना, खेक्‍याने रीङगागी “ङा पाउलुगी हीन” धेनी रीङगागी “ङा आपोल्‍लोसगी हीन” धेनी रीङगागी “ङा केफासगी हीन” धेनी रीङगागी “ङा मास्‍यीकागी हीन” ॱनेरी ॱनी।

१ कोरीन्‍थुपा 15:42

देरेराङ छीवाने सो़न्‍गीनक्‍यागीयाः हुङगीलाक। सा होकदु बेगीन ली़ नी मेताला डोवालाक धेनी ॱलार सो़न्‍पो लाङगीन नी, मेताला मेडोवालाक।

१ कोरीन्‍थुपा 15:44

स्‍याठाकगी ली़ला होदे बाःलाक धेनी सेम्‍ङीगी ली़ला होदे सो़न्‍गीलाक। स्‍याठाकगी ली़ हो़गीन च्‍योक्‍रे, सेम्‍ङीगी ली़याः हुङालाक।

१ कोरीन्‍थुपा 6:10

याङना कुमा कुगीनक्‍या याङना ॱहाम्‍बा झ्‍यीगीनक्‍या याङना शीरी ग्‍युक्‍कीनक्‍या याङना ॱमेबेप ताङगीनक्‍या याङना ॱली़गीनक्‍याला, को़न्‍क्षोकगी ग्‍यासीगी थोप्‍ताङ ॱमेथोप्‍कीलाक।

१ कोरीन्‍थुपा 6:13

खेक्‍या “फोवागी क्षीदु शामा धाङ शामागी क्षीदु फोवा लाक।” ॱनेरी ॱनालाक हीना को़न्‍क्षोकगी दे ॱङीगाराला मेताला जेगीलाक। धेनी ली़ नी, लोक्‍येमगी क्षीदु मेन्‍दा चोवोगी क्षीदु लाक धेनी चोवो नी, ली़गी क्षीदु लाक।

१ कोरीन्‍थुपा 6:9

याङना मेढाङाक्‍याला को़न्‍क्षोकगी ग्‍यासीगी थोप्‍ताङ ॱमेथोप्‍कीलाक ॱनेरी, खेक्‍या ॱमेस्‍येलाले? खेक्‍या गो ॱमाखोर घीझ्‍येरी ॱनाना दो़लोक चो़गीनक्‍या याङना ल्‍हाकुन्‍डाला क्षो़गीनक्‍या याङना लोक्‍येम्‍पाक्‍या याङना फोलोमोलो झ्‍यीगीनक्‍या याङना फोगी फोला चो़गीनक्‍या,

१ कोरीन्‍थुपा 7:29

पी़नक्‍याओ, ङी ॱनागीनगी दो़न्‍दाकगो दे लाक। धी़चो़ तुङा दुक। धा देने ॱहाला केमी हो़गीनक्‍या केमी मेगीन च्‍योक्‍रे, झ्‍येरी मीछे क्‍याघो़।

२ कोरीन्‍थुपा 5:1

घीझ्‍येरी ॱनाना होरी ली़ नी, दे जीक्‍तेनदु ॱनेसा घुर च्‍योक्‍रे लाक। धेनी घुर दे स्‍यीक्‍ना, होरी क्षीदु मीगी लाक्‍पी शो़सा मेन्‍दा हीना नाम्‍खे श्‍यीङखामदु धी़ तेन्‍दु ॱनेगीन खाङबा, को़न्‍क्षोकगी ॱनाङ हो़तालाक ॱनेरी होराङ स्‍येलालाक।

२ कोरीन्‍थुपा 9:6

ङी ॱनागीनगी दो़न नी दे लाक, साङा ङ्युङा ताप्‍कीनगी लोदोक ङ्युङा दुवालाक धेनी साङा माङा ताप्‍कीनगी लोदोक माङा दुवालाक।

गालातीयापा 3:17

ङी ॱनागीन लाबगी दो़न्‍दाकगो दे लाक, लो श्‍यीपग्‍या सुमच्‍यु स्‍याम्‍ला होवा क्षो़ठीम दी, को़न्‍क्षोकगी थाक चेगीन धाम्‍चा देला मेताला डोगीन झ्‍येरी स्‍यीक ॱमीथुक्‍कीलाक।

गालातीयापा 5:16

हीना ङा ॱनाहीन, धाम्‍पे थुक्‍ङीने मीछे क्‍यो धेनी ख्‍यी़ खेरी ली़गी दो़पाक्‍या डुप्‍तु च्‍युक्‍कीमालाक।

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

कोलोसेपा 2:4

मी सी़या खेक्‍याला ॱली़गीन ताम ॱङेन्‍बोगी गोकोर ॱमाताङास्‍योक ॱनेरी, ङा देरे ॱनाहीन।

२ तीमोथेउ 4:18

चोवोगी ङाला ज्‍यावा ङेन्‍पा घीरीने क्‍योप जेगीलाक धेनी खोङबागी नाम्‍खे ग्‍यासीगी क्षीला, ङाला थारपा जेगीलाक। खोङबाला ग्‍युने ग्‍युन्‍दु शीजे हुङास्‍योक। आमेन।