१ कोरीन्‍थुपा 15:13 - ॱलोवा

¹³ धा छीवाने सो़न्‍पो लाङये मेना, मास्‍यीकालाः छीवाने कुसो़न्‍पो श्‍याङा माजेपालाक।

१ कोरीन्‍थुपा 15:13 ပူးပေါင်းရင်းမြစ်များ

जेपा 23:8

घीझ्‍येरी ॱनाना सादुकीपाक्‍या मी छीवाने सो़न्‍पो लाङगीन धाङ नाम्‍खे भाङछेनक्‍या धाङ सेम्‍ङीक्‍याला यीच्‍चे मीझ्‍यीदालाक। हीना फारुसीपाक्‍या देला धेपा झ्‍यीदालाक।

रोमापा 8:11

धेनी येशुला छीवाने कुसो़न्‍पो जेगीनगी थुक्‍ङी खेक्‍याई नाङ श्‍युक हो़ना, मास्‍यीका येशुला छीवाने कुसो़न्‍पो जेगीनगी खेक्‍याई नाङ श्‍युक्‍कीन, धाम्‍पे थुक्‍ङीगी थोक्‍ने खीकी छीवागी ली़लाः छेसोक ॱनाङगीलाक।

रोमापा 8:23

धेनी को़पा च्‍यीगा मेन्‍दा, होराङ धाम्‍पे थुक्‍ङीगी ढेबु फी़ हो़गीनक्‍याः, को़न्‍क्षोकगी से धाङ सेमु झ्‍युङये धाङ होरी ली़गी थारपागी क्षीला रेवा झ्‍येरी घुक्‍ती धेताराङ, होराङक्‍याः नाङ-नाङने ङ्याङी हो़तालाक।

१ कोरीन्‍थुपा 15:12

धा मास्‍यीका छीवाने कुसो़न्‍पो श्‍याङवालाक ॱनेरी सेटाक झ्‍येहो़ना, खेक्‍याने रीङगागी छीवाने सो़न्‍पो मेलाङालाक ॱनेरी, घाङगी झ्‍येरी ॱनाथुक्‍वाले?

१ कोरीन्‍थुपा 15:14

धेनी मास्‍यीकाला कुसो़न्‍पो श्‍याङ माजे हो़ना, हीकी ताम्‍शाङ स्‍येगीनगो धाङ खेक्‍याई धेपागो दो़न मेगीन झ्‍युङालाक।

१ कोरीन्‍थुपा 15:20

हीना मास्‍यीका ॱङोन्‍नेराङ छीवाने कुसो़न्‍पो श्‍याङा जेपालाक धेनी खोङ नी, ढोरी सोसाक्‍याने सो़न्‍गीन ढेबु धाङपोगो लाक।

१ थेसालोनीकेपा 4:14

घीझ्‍येरी ॱनाना येशु ढोरी कुसो़न्‍पो श्‍याङवालाक ॱनेरी, होराङ यीच्‍चे झ्‍यीदालाक धेनी धेपा झ्‍यीगीन ढोङगीनक्‍याला को़न्‍क्षोकगी येशुमुला ठीया जेगीलाक ॱनेरी, होराङ धेपा झ्‍यीदालाक।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

ईब्‍रीपा 13:20

धा लुकगी लुक्‍जी क्षेन्‍बो हीन्‍गीन होरी, चोवो येशुला थामेपे धाम्‍चागी कुठाकगी थोक्‍ने, छीवाने कुसो़न्‍पो श्‍याङा जेगीन श्‍यीदेगी को़न्‍क्षोकगी,

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।