१ कोरीन्‍थुपा 14:37 - ॱलोवा

³⁷ खेक्‍याने राङला ॱङो़नस्‍येखेन याङना थुक्‍ङीगी ॱनाङज्‍यीन हो़गीन साम्‍गीनगी़, ङी ढीक्‍टा लाब देक्‍या चोवोगी का लाक ॱनेरी, खी़ खेलेन झ्‍यीघो़।

१ कोरीन्‍थुपा 14:37 ပူးပေါင်းရင်းမြစ်များ

लुका 10:16

येशुगी ङेनेक्‍याला सुवालाक, “खेक्‍याला ङेन्‍गीनगी़ ङाला ङेन्‍गीलाक। धेनी खेक्‍याला खेमेलेन्‍गीनक्‍याई ङाला खेमेलेन्‍दालाक धेनी ङाला खेमेलेन्‍गीनक्‍याई ङाला ताङगीनला खेमेलेन्‍दालाक।”

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

१ कोरीन्‍थुपा 14:29

ॱङो़नस्‍येखेन ॱङी याङना सुमगी ॱङो़न स्‍येघो़ धेनी मी माप्‍चीक्‍याई, खुङक्‍याई स्‍येगीनगोला घामोमा ताक्‍चा झ्‍यीघो़।

१ कोरीन्‍थुपा 14:36

याङ को़न्‍क्षोकगी का खेक्‍याने झ्‍युवाले? याङना खीकीचारु च्‍यीगा होवाले?

१ कोरीन्‍थुपा 14:38

हीना देला यामे ताङगीन मीगोलाः, यामे ताङा जेगीलाक।

१ कोरीन्‍थुपा 2:15

धाम्‍पे थुक्‍ङीला तेन्‍गीन मीक्‍याई, घीरीगी ताक्‍चो़ झ्‍यीदालाक हीना खोला सी़या ताक्‍चो़ झ्‍यी ॱमीथुक्‍वालाक।

१ कोरीन्‍थुपा 3:1

पी़नक्‍याओ, ङा खेक्‍यामुला सेम्‍ङीगी मीमुला लाब ताङगीन च्‍योक्‍रे, लाब ताङ ॱमाथुक्‍जुङ हीना जीक्‍तेनगी मी धेनी मास्‍यीकागी नाङ टुवा ॱमाङ्याकक्‍याला लाब ताङगीन च्‍योक्‍रे ताङ थुक्‍जुङ।

१ कोरीन्‍थुपा 7:25

धा भोमो नाच्‍युङमाक्‍याई कोरला चोवोगी का ङाला मेक, हीना ङा चोवोगी थुक्‍जेगी गोने ॱलो काथुक्‍कीन मी च्‍यीक झ्‍येरी, ङारी साम्‍जु स्‍येदाहीन।

१ कोरीन्‍थुपा 7:40

हीना ङी साम्‍लोला, मो मोरोङमा राङ धेना मोला ॱयो़ल्‍ले कीदा झ्‍युङगीलाक। धेनी ङी दे ॱनी घाङला, ङा खेक्‍याला को़न्‍क्षोकगी थुक्‍ङी गोने ॱलोप्‍तो़न तेरी हो़क ॱनेरी, ङी साम्‍लो हो़क।

१ कोरीन्‍थुपा 8:2

मी च्‍यीकगी “ङाला स्‍येयेहो़क” ॱनेरी साम्‍ना, खी़ स्‍येघो़गीनगो खी़ ॱमेस्‍येलालाक।

२ कोरीन्‍थुपा 10:12

राङगी तो़टा राङ ताङगीन मी रीङगाक्‍यामुला, हेक्‍या हेराङला छे च्‍यीकला श्‍याक्‍ये याङना राङला खुङक्‍यामुला दुरयेगी ॱलोगोक मीझ्‍यीहो़क। हीना खुङक्‍या खोराङक्‍या नाङदु च्‍यीकगी च्‍यीकला छे ग्‍याराङ याङना दुराराङ, खोराङक्‍या ॱलेन्‍दा झ्‍युङालाक।

२ कोरीन्‍थुपा 10:7

खेक्‍याई ॱमीकगी दोङदु हो़गीनगोला तो़। धेनी राङला मास्‍यीकागी हीन्‍गीनगोला यीच्‍चे तेन्‍पो हो़ना, खी़ राङला मास्‍यीकागी हीन्‍गीन च्‍योक्‍रे हेक्‍याः मास्‍यीकागी लाक ॱनेरी, ढेन्‍सो ॱलाङघो़।

२ कोरीन्‍थुपा 11:4

घीझ्‍येरी ॱनाना मी रीङगा होरी हीकी सेटाक झ्‍येजा, येशु मेन्‍दा श्‍येम्‍मा च्‍यीक सेटाक झ्‍यीना याङना खेक्‍याई थोप्‍था थुक्‍ङी मेन्‍दा, सेम्‍ङी श्‍येम्‍मा खेक्‍याई खेलेन्‍ना याङना खेक्‍याला थोप्‍था ताम्‍शाङने श्‍येम्‍मा ताम्‍शाङ खेक्‍याई खेलेन्‍ना, खेक्‍या दे घीरीगी होकला लेल्‍हामोमा छी़दालाक।

गालातीयापा 6:8

धीक्‍चेनगी राङश्‍यीला थी़न्‍गीन च्‍यो़पा ताप्‍कीनक्‍याई, राङश्‍यी देने छीवागी ढेबु धुगीलाक। हीना धाम्‍पे थुक्‍ङीला थी़न्‍गीन च्‍यो़पा ताप्‍कीनक्‍याला, थुक्‍ङीने थामेपे छेसोकगी ढेबु धुगीलाक।

२ पेटो 3:2

धाम्‍पे ॱङो़नस्‍येखेनक्‍याई एम्‍मा ॱनाङना ॱङो़नस्‍येक्‍या धाङ होरी चोवो धाङ क्‍याम्‍गो़नगी कुछापक्‍याई थोक्‍ने ॱनाङना काक्‍या, खेक्‍याई ढेन्‍सो़ झ्‍यीगीनगो ङा दो़दीहो़क।

१ योहान्‍ना 4:6

होराङक्‍या नी, को़न्‍क्षोकने लाक धेनी को़न्‍क्षोकला ङोस्‍येगीनक्‍याई, हीकी लाबला ङेन्‍दालाक हीना को़न्‍क्षोकने मेन्‍गीनक्‍याई हीकी लाबला मेङेन्‍दालाक। धेनी दी गोनेराङ होराङक्‍याई धेन्‍पे सेम्‍ङी धाङ शोकगी सेम्‍ङीगो ङो स्‍येलालाक।

युदा 1:17

हीना चेवे पी़नक्‍याओ, खेक्‍यागो होरी चोवो येशु मास्‍यीकागी कुछापक्‍याई, एम्‍माने सुङगीन काक्‍याला ढेन्‍सो़ झ्‍यी।