१ कोरीन्‍थुपा 14:15 - ॱलोवा

¹⁵ धा ॱहाना ङा घी झ्‍यीये? ङा सेम्‍ङीगी थोक्‍ने, ॱमो़लाम श्‍युयेहीन धेनी रीक्‍पागीयाः ॱमो़लाम श्‍युयेहीन। धेनी ङा सेम्‍ङीगी थोक्‍ने तो़लु ताङयेहीन धेनी ङी रीक्‍पागीयाः तो़लु ताङयेहीन।

१ कोरीन्‍थुपा 14:15 ပူးပေါင်းရင်းမြစ်များ

जेपा 21:22

धा हेक्‍या घी झ्‍यीये? धा खुङक्‍याई खेराङ दुरु ॱलेप्‍दुक ॱनेरी ॱङोन्‍ने ॱहाघोरकीलाक।

रोमापा 1:9

धेनी ङी सेम तीङने, को़न्‍क्षोकगी सेगी ताम्‍शाङ सेटाक झ्‍यीदीहो़क धेनी खोङ को़न्‍क्षोकराङ, ङी खेक्‍याई कोरला ॱमेक्षेदा च्‍योई ॱमो़लाम ग्‍याप्‍कीनगी पाङपो लाक। ङी ॱमो़लामला, को़न्‍क्षोकगी थुकोङ थोक्‍ने झ्‍युङ थुक्‍ये हीन्‍ना, थामाला ङा खीकीचारु हुङये रास्‍योक ॱनेरी श्‍यी़लीहो़क।

रोमापा 3:5

हीना होरी मेढाङा झ्‍यीगीन लेगाक्‍याई, को़न्‍क्षोकगी ढाङतेन सावो तो़न्‍ना, होराङ घी ॱनाये? को़न्‍क्षोकगी होरी खाला थुक्‍ठो़ जेगीनगोला, खोङ मेढाङा दुक ॱनेरी ॱनाये? (ङा मीगी क्षा श्‍याक्‍ती ॱनाहीन।)

रोमापा 8:31

धा ॱहाना होराङ दो़न देक्‍याई कोरला घी ॱनाये? को़न्‍क्षोक होरी छोकला हो़ना, सु होरी ग्‍यापला लाङ थुक्‍कीलाक से?

१ कोरीन्‍थुपा 10:19

धा ॱहाना ङी ॱनागीनगी दो़नगो, कुन्‍डाला पुपा क्षो़पा दे शामाने ल्‍हाक याङना कुन्‍डा खोराङ ॱङोन्‍ने लाक ॱनेरी, ॱनालाक से?

१ कोरीन्‍थुपा 14:14

घीझ्‍येरी ॱनाना ङा केरीक श्‍येम्‍मागी थोक्‍ने ॱमो़लाम श्‍यी़वाराङ, ङी सेम्‍ङीगी ॱमो़लाम श्‍यी़लालाक हीना ङी रीक्‍पागी ॱहामेघोरालाक।

१ कोरीन्‍थुपा 14:19

हीना क्षो़छोकगी नाङदु ङा केरीक श्‍येम्‍मागी थोक्‍ने छीक ठी च्‍यीक तो़न्‍दी लाब ताङयेने, ङारी रीक्‍पागी थोक्‍ने छीक ॱङा तो़न्‍दी श्‍येम्‍माला ॱलापच्‍या तेरयेला, ङा लाब ताङङी दो़दीक।

१ कोरीन्‍थुपा 14:26

पी़नक्‍याओ, धा ॱहाना घी ॱनाये? खेक्‍यामुला जोमाराङ, खेक्‍या रे-रेला घुर ॱलु याङना ॱलापच्‍या याङना साङवा ॱङो़न्‍ये याङना केरीक श्‍येम्‍मा स्‍येये याङना दो़न्‍दाक टोये हो़तालाक। दे घीरी क्षो़छोक यारके ताङयेगी क्षीदु झ्‍यीघो़।

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

फीलीप्‍पीपा 1:18

धा घीहीन्‍ना, ढाङपो थोक्‍ने हीन्‍ना लाक याङना मेढाङा थोक्‍ने हीन्‍ना लाक, चोगो घीरीगी थोक्‍ने मास्‍यीकागी क्षो़ स्‍येदुक। होझ्‍येरी देलाराङ ङा ङ्यामो घी। धेनी ङा ङ्यामो घायेहीन,

कोलोसेपा 3:16

मास्‍यीकागी का खेक्‍या नाङ मेछो़ली ॱनेघो़। धेनी स्‍येराप घीरीने च्‍यीकगी च्‍यीकला ॱलोप धेनी ॱलापच्‍या ग्‍योप। धेनी को़न्‍क्षोकला राङगी ॱङीङ थाक्‍पाने, काटीन्‍क्षे श्‍यी़री सुङगुर धाङ तो़याङ धाङ घुरलुक्‍या लेन।

याकोब 5:13

खीकी घुङदु दुक्‍पु ङ्याङगीन मी रे हो़ते? होदेगी ॱमो़लाम ग्‍याप्‍घो़। खेक्‍याने ङ्यामो घागीन रे हो़ते? होदेगी तो़लु लेन्‍घो़।

युदा 1:20

हीना चेवे पी़नक्‍याओ, खेक्‍यागो राङगी ॱमीच्‍यीकी धाम्‍पे धेपाला यारके तारी सोङ धेनी धाम्‍पे थुक्‍ङीगी गोने ॱमो़लाम ग्‍योप।