१ कोरीन्‍थुपा 11:26 - ॱलोवा

²⁶ घीझ्‍येरी ॱनाना खीकी दे ग्‍याङगा दे शाये धाङ फोरा देने थुङी घाङला, चोवो ॱमाफेप थुक्‍पे चोवो कु ढोङगीनगोला, खेक्‍याई सेटाक झ्‍यीदालाक।

१ कोरीन्‍थुपा 11:26 ပူးပေါင်းရင်းမြစ်များ

योहान्‍ना 14:3

धेनी ङा सोरी खीकी क्षीला धेजा डाढीक झ्‍येसारती, ङा धाब्‍ले हुङयेहीन। धेनी खेक्‍याला ङा हो़जारु ठीक्‍ती डोयेहीन। धेनी ङा घारु हो़जारु, खेक्‍याः हुङगीलाक।

योहान्‍ना 21:22

येशुगी खोला सुवालाक, “ङा मायोङ थुक्‍पे खो सो़न्‍पो ॱनेयेगी ङी दो़पा हीन्‍ना, ख्‍यो़ला ढेवा घी हो़तो? ख्‍यो़ ङी स्‍याबाला डोङ।”

योहान्‍ना 21:23

होझ्‍येरी ङेने दे स्‍यीगीमालाक ॱनेरी पी़नक्‍याई नाङला ख्‍याप्‍पालाक। हीना येशुगी खो स्‍यीगुमालाक सुरी ॱमासुवालाक हीना, “ङा मायोङ थुक्‍पे खो सो़न्‍पो ॱनेयेगी ङी दो़पा हीन्‍ना, ख्‍यो़ला ढेवा घी हो़तो?” सुरी सुवालाक।

जेपा 1:11

होदे मी ङीउगी ॱनेवालाक, “खे गालीलगी मीक्‍याओ, खेक्‍या घीझ्‍येरी लारी ॱनाम स्‍योकला तेरी धेदाले? खेक्‍याई खोक्‍ने ठीया जेजा येशु नी, धान्‍दा नाम्‍खे श्‍यीङखामदु फेप्‍कीनगो खेक्‍याई थोथा च्‍योक्‍रे, याङ खोङबा खेक्‍याचारु देरेराङ झ्‍येरी फेप्‍कीलाक।”

१ कोरीन्‍थुपा 15:23

हीना दे नी रेमीला झ्‍युङगीलाक, ढेबु धाङपोगो मास्‍यीका लाक धेनी मास्‍यीका धाब्‍ले फेई घाङला, खोङगी हीन्‍गीनक्‍या छीवाने सो़न्‍गीलाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

१ थेसालोनीकेपा 4:16

घीझ्‍येरी ॱनाना चोवो खोङबाराङ नाम्‍खे श्‍यीङखामने, सुङकेक क्षे धाङ को़न्‍क्षोकगी भाङछेनक्‍याई भो़टाक धाङ को़न्‍क्षोकगी दुङक्षेगी केकमुला फेप्‍कीलाक। धेनी चोवो येशुला धेपा झ्‍येरी, ढोङगीनक्‍या एन्‍ला सो़न्‍पो ग्‍युरकीलाक।

२ थेसालोनीकेपा 1:10

दे नी चोवो फेप्‍कीन ङीमाला झ्‍युङगीलाक। होदे ङीङमो खोङबाला राङगी धाम्‍पे मीक्‍याने, शीजे थोप्‍कीलाक धेनी धेपा झ्‍यीगीन घीरीने तो़पा राक्‍कीलाक। मी देक्‍या नाङ खेक्‍या छी़गीलाक घीझ्‍येरी ॱनाना खेक्‍याई हीकी तेरता पाङपोक्‍याला धेपा झ्‍येवालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

२ पेटो 3:10

हीना चोवो फेप्‍कीन ङीमागो कुमु हुङगीन च्‍योक्‍रे हुङगीलाक। होदे ङीमाला नाम्‍खा नी, हुरडा क्षे ग्‍याप्‍ती येरी डुगीलाक धेनी झ्‍युङवा श्‍यी नी, मेगी तोरस्‍यीक ताङगीलाक धेनी साश्‍यी धाङ दी नाङ हो़गीन घीरी, को़न्‍क्षोकगी मेताला जेदु च्‍युक्‍कीलाक।

१ योहान्‍ना 2:28

धा चेवे टुवाक्‍याओ, मास्‍यीका ॱङो़न्‍ये धी़ला होराङ ॱलोगोक क्षे झ्‍युङये धाङ खोङ फेप्‍यी घाङला, खोङगी डुङदु होराङ ङोजा झ्‍यी मेघोयेगी क्षीदु, खोङगी नाङ ॱनेती धो़क।

युदा 1:14

आदामने मीराप धी़न्‍बागी ॱङो़नस्‍येखेन, हेनोकगीयाः दे मीक्‍याई कोरला देरे ॱङो़नस्‍ये तो़न हो़तालाक, “तो़दाङ, चोवो राङगी धाम्‍पे भाङछेन तोङडाक माङामुला फेप्‍कीलाक

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।

ॱङो़न्‍पा 22:20

दे लाबक्‍याई पाङपो जेगीनगी सुङालाक, “ॱङोन्‍नेराङ ङा ग्‍योक्‍वा हुङीहो़क।” आमेन। चोवो येशु फेप्‍रोनाङ।