१ कोरीन्‍थुपा 10:11 - ॱलोवा

¹¹ खुङक्‍या खाला झ्‍युजा दे घीरी, होरी क्षीदु पे झ्‍युङयेला लाक। धेनी होराङ धी़गी थाला ॱलेप हो़गीनक्‍याला ङेन्‍ता झ्‍युङयेला, देक्‍या ढीक्‍ती श्‍याक हो़तालाक।

१ कोरीन्‍थुपा 10:11 ပူးပေါင်းရင်းမြစ်များ

मेथा 13:39

धेनी युक्‍पु ताप्‍कीन डागो धी़क लाक। लोदोक धुगीन धी़चो़गो थागी धी़चो़ लाक। धेनी ॱङागीनक्‍या नाम्‍खे भाङछेनक्‍या लाक।

मेथा 13:40

युक्‍पुक्‍या धी़री मेला ॱराक्‍कीन च्‍योक्‍रे, थागी धी़ला देरेराङ झ्‍युङगीलाक।

रोमापा 13:11

देक्‍या माना धान्‍दागी धी़ दे घारे हो़गीनगो, खेक्‍याला स्‍येये हो़तालाक। धा ॱङी छेयेगी धी़चो़गो ॱलेप्‍सादुक घीझ्‍येरी ॱनाना होरी गोमा धेपा झ्‍येजानेः, धान्‍दा होरी थारपागो धोराङा ङ्येरु ॱलेप्‍दुक।

रोमापा 13:12

धा छेन जोक्‍टो दुक धेनी ङीनगो ॱलेप्‍सादुक। होझ्‍येरी मी़नाक्‍पागी लेगा भोरती, होराङ हो़गी गोठापक्‍या घो़न्‍घो।

रोमापा 15:4

धा सुङरापगी ॱनाङगीन शो़पा धाङ सेमस्‍युकगी थोक्‍ने होराङला रेवा थोबास्‍योक ॱनेरी, एम्‍मा ढीक्‍टा घीरी होराङला ॱलापच्‍या तेरयेला ढीक्‍पालाक।

रोमापा 4:23

धेनी “खोङ ढाङपो चीवालाक” ॱनागीन छीक दे, खोङगी क्षीदु च्‍यीगा ढीक्‍पा मालाक।

१ कोरीन्‍थुपा 10:6

खुङक्‍या च्‍योक्‍रे होराङक्‍यागीयाः ङेन्‍पागी दो़पा मीझ्‍यीदास्‍योक ॱनेरी, देक्‍या होरी क्षीदु पे तो़न्‍येला झ्‍युवालाक।

१ कोरीन्‍थुपा 7:29

पी़नक्‍याओ, ङी ॱनागीनगी दो़न्‍दाकगो दे लाक। धी़चो़ तुङा दुक। धा देने ॱहाला केमी हो़गीनक्‍या केमी मेगीन च्‍योक्‍रे, झ्‍येरी मीछे क्‍याघो़।

१ कोरीन्‍थुपा 9:10

खोङबागी दे होराङक्‍याई क्षीदुराङ सुङा माले? दे नी होराङक्‍याई क्षीदुराङ सुवालाक घीझ्‍येरी ॱनाना श्‍यीङ ॱङोगीन धाङ ॱङीमा च्‍याक्‍कीनगी लोदोकगी कादा थोप्‍येगी रेवा झ्‍येरी, लेगा झ्‍यी घोलालाक।

गालातीयापा 4:24

दे नी पे च्‍यीक श्‍याक्‍ना, केमी दे ॱङीउ धाम्‍चा ॱङी लाक। सीना रीने झ्‍युजा धाम्‍चा च्‍यीकगो ढेन्‍योकगी क्षीला, टुवा केगीन हागार लाक।

फीलीप्‍पीपा 4:5

खीकी च्‍यो़पा ॱङ्यामच्‍युङ हो़गीनगो, मी घीरीला स्‍येरु च्‍युक। चोवो फेप्‍ये हीन्‍गीनगो ङ्येदुक।

ईब्‍रीपा 10:25

मी रीङगा छोक्‍दुला डोङी मेदो़गीन हुङालाक हीना होराङक्‍यामुला जोम्‍येला छाम माश्‍याक। हीना चोवोगी ङीमा ङे ॱलेप्‍कीनगो, खेक्‍याई थोथा झ्‍येरी ॱयो़ल्‍ले ल्‍हाक च्‍यीकगी च्‍यीकला सेमस्‍युक पोर।

ईब्‍रीपा 10:37

घीझ्‍येरी ॱनाना तीते च्‍यीकने, “फेप्‍ये हीन्‍गीनगो फेप्‍कीलाक। धेनी खोङगी धाला जेगीमालाक।

१ योहान्‍ना 2:18

चेवे टुवाक्‍याओ, धान्‍दा धी़गी थामागो लाक। मास्‍यीकागी डागो हुङी ॱनेरी, खीकी ॱहाघोर ङ्युङ हो़तालाक धेनी धान्‍दा, मास्‍यीकागी डा माङा होसा हो़तालाक। होझ्‍येरी धी़गी थामागो ॱलेप्‍दुक ॱनेरी, होरी ॱहाघोरालाक।