Zekaria 9:15 - KITABU KITAKATIFU

¹⁵ Yahova Wuvunyali alakakingi avandu veve, kandi alakadivizi avasigu vaavo. Valakahanzuki mu liihi kuli vahambiku, kandi valakatahizi avasigu vaavo masahi, galakidoleke kuli masahi gi visiuviliru, gasundulwa ku vwali kutura ku ibakuli.

Zekaria 9:15 ပူးပေါင်းရင်းမြစ်များ

Ayubu 41:28

Umbano gwuvuta sigunyala kugekola yiruki mba. Amagina galaswa kuyo gaveeye vuzwa kuli umukuzi.

Zaburi 78:65

Mu limalirika Yahova yavuka kuli utulaa mu zindoolo. Yaali kuli mundu wizingulu uhanzuka kigira iwaini ya yaali nanweye.

Kutwula 27:2

Olombe zinziga ku zisonga zine mu zikona ziavwo zine. Nazio zilalomba kedonye kilala nu vwali navwo vwosi vulavakwa mugasa.

Lwimbu lwa Solomoni 1:4

Umbuguli nzie nivi, kandi kwiluki mwami wange nivi, kandi kwiluki ove mwami wange na imbiri winyumba yooyo. Kulayaanza nukusangara harara, kulanwa iwaini, kandi kulayaanzana. Nicho kigira avakali vosi nivakuyaanza!

Lwimbu lwa Solomoni 5:1

Inzi mali kwingira mu mulimi gwange, muyanze wange, kandi muselerwa wange, mbungizaa mudalasini gwange kandi vifunya mwayu, ndiza vwuki na mana gene; Nwezaa iwaini yange kandi maveere gange. Vayanze vange, mulie kandi munwi kuduuka lwa muhaambika vuyanzi!

Lwimbu lwa Solomoni 7:9

munwa gugwo guveeye kuli iwaini indahi. Maku oleke iwaini yitululuki kuduuka ku muyanze wange, yitululuki ku munwa gwigwe kandi kuminu geege.

Isaya 37:35

Ndakinga kandi ndahonyia lidaala yili, kigira luyali lwange mwene kandi kigira lisuuviriza lia ndalomba ku mutumikiri wange Daudi.’ ”

Isaya 55:1

Yahova avoora; “Hambi, sa mulala oveeye nuvuluhu, mazi gaveeye hano! Hambi munyi avatali namabesa, muguli vuswage ma mulie! Hambi! Guli iwaini na maveere, simulatunga kindu mba!

Kyavalevi 4:18

Alaviika malala ku masahi yago ku zinziga ziuku vwali vwi kimuli ovoveeye mu Lihema. Alasundula masahi gatigaye goosi ku lwaalo lwu uvwali vwi kihanwa chukusambwa ovoveeye ha vwingiliru hi Lihema.

Kyavalevi 4:25

Musaalisi aliina kedete chiche mumasaahi gi kihanwa chu vwoni nokugavaka ku zinziga ziu uvwali. Alasundula masahi gatigalaa ku vwaaliru vwu uvwali vwukusamba ku vihaanwa.

Kyavalevi 4:7

Musaalisi alavugula ku masahi nukugaviika ku zinziga ziu uvwali ahukusambira kimuli mu Lihema. Alasundula masahi gatigaye goosi ku uvwaliru vwu vwukusambira ku visiuviliru, ovoveeye mu vwingiliru vwi Lihema.

Mika 5:8

Yavo avalilekwa hagati hi zihiiri valava kuli isimba ihiimaa chukulia mu mulitu anoho ichayo: ichenyola hagati ha magondi, ituuma kucho, kandi igatandulanyia mu vidonye; kandi sihaveeyeho nunyala kugahonyia mba.

Zekaria 10:5

Avandu vi Ivuyuda valakaguuti kuli vasikari vaduvagira vasigu vaavo mu madohi gizinzira. Valakalwaane kigira Yahova aveeye harara navo, kandi valakaguuti kali avasigu valiva ku zibarasi.

Zekaria 10:7

Avandu va Isiraeli valakave ni zinguru kuli vasikari, valakave nu vuyanzi kuli avandu vamali kunwa iwaini, visukululwi viavo vilakizulizi liguuta yili, kandi valakave nu vuyanzi ku ga inzi Yahova mali kokora.

Zekaria 12:6

“Ing'inga yene yeyo ndakakole zihiiri zie Vuyuda kuva kuli inyingu eveeye ku lomemo liumuliru hagati hu mulitu, anoho kuli muliru hagati hu mulimi gwu vuswage vwumu; muliru gulakadivizi zihiiri ziosi ziavakumberiza. Avandu va Jerusalemi valakamenye mu mirembe mu lidaala linene.

Zekaria 12:8

Ing'inga yene yeyo, ndakasole yavo avamenyi mu Jerusalemi, kali yavo avaveeye avadedekere hagati haavo, valakave ni zinguru kuli Daudi yaali. Visukululwi via Daudi vilakavimiliri kuli engelosi wa Yahova Nyasaye kuli mwene.

Zekaria 14:20

Ing'inga yeyo, kali zigengere zie lijamu lie zibarasi zilakang'odwe ku mang'oda yaga, “CHATAKASWA KU YAHOVA”. Zinyingu zio kodekera mu Litembeli zilakave zindakatifu kuli viju viveeye imbiri wu vwali.

Zekaria 14:3

Maku Yahova alakatuli nu kulwaana zihiiri yizio kuli yakola maziambiri.

Zekaria 2:9

“Yahova mwene alamulwaana, kandi avandu vaali vatumikiri vovo maziambiri, valamuhira mu vuhambe.” Lwayaga galiekoleka, vuli mundu alakamanye ndi Yahova Wuvunyali yanduma.

Zekaria 9:17

Kivala kilakave kilahi kandi chu kuyaanziza ligali kuli ndi vayaayi vasoleri valakaviluki ni zinguru kigira vuswage, vakana valakaviluki kigira iwaini imbia.

1 Vakorintho 1:18

Likuva lie likuza lia Kristo ku musalaba liveeye uvusiru ku yavo avadivaa, navuzwa ku kunyi avahonywa, liveeye zinguru zia Nyasaye.

Vafeso 5:18

Mutahambika iwaini mba kigira imanya imudivizi; navuzwa mwizuli Roho du.

1 Samweli 17:45

Daudi yativura, “Ivi uzaa kunwana ni kivavi, litimu, lubanga kandi inguva; navuzwa inzi ndakulwaana mu lieta lia Yahova Wuvunyali, Nyasaye wa mahe ga Isiraeli, uwa ivi umali konyega.