Zekaria 8:22 - KITABU KITAKATIFU

²² Avandu vanyingi kandi zihiiri zie zinguru zilakaze mu Jerusalemi kusigamira Yahova Wuvunyali kandi koteva vugasu vwivwe.

Zekaria 8:22 ပူးပေါင်းရင်းမြစ်များ

Zaburi 68:30

Ugaye Egebeti, zinyama ziveeye mu vidundu! Ugaye zihiiri, iziveeye kuli kiduma chi zigiriki harara nivimoli viazio. Kuduuka lwa vosi vegehiza aveene, nukuhaana ku ivi vidonye viavo viefeza. Salanyia avandu yavo avayaanzaa kolomba uvulwani!

Isaya 2:2

Mu madiku gaaza, kukigulu kwi Litembeli lia Yahova liumbakwa kilava igulu ligali kuvita vigulu vindi viosi. Na zihiiri zinyingi valagenda kuzia kucho.

Isaya 2:3

Avandu avanyingi valaza nivavoora, “Gendi kuzie ku Kiguru cha Yahova, ku Litembeli lia Nyasaye wa avandu va Isiraeli. Alakwigiza agayenya kunyi kokole. Kulagenda kuzinzira ziamali kotovola, kigira amalago ga Yahova gaturaa Jerusalemi. Kandi amolomaa ku avandu veve kutura Ziyoni.”

Isaya 25:7

Hene hano, alatuliza ho vwangu lilesi liovovereri iliakunikangi zihiiri ziosi.

Isaya 49:22

Mwami munene Yahova avooreraa avandu veve ndi: “Ndagingira avandu vi zihiiri mukono gwange, kandi ndagiinga ebendera yange igulu kuva kuli kelolekizu ku vandu vange, kandi mulaleeta avana vinyu avayaayi ni vagingiywi ku vilitu vienyu kandi avana vinyu vakaana nivagiingiywi ku mavega ginyu.

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 55:5

Kalunu ulalanga zihiiri zing'eni; ku ing'inga ndala sivamanya ivi mba, navuzwa kalunu valahambana ni ivi nivanyagura zimbiru! Inzi, Yahova Nyasaye woowo, Umutakatifu wa Isiraeli, ndakora yaga goosi gekoleka. Ndakuha uluyali kandi uvukumi.”

Isaya 66:23

Ku vuli lilia liu mweli muhia, kandi ku vuli lisabato, avandu vosi vi ihiiri valaza kusigamira mu lidaala linene lia Jerusalemi,” Yahova avoora.

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Mika 4:2

na avandu vaavo valavoora, “Gendi kuzie igulu ku kiguru cha Yahova, mu Litembeli lia Nyasaye wa avandu va Isiraeli. Kigira Nyasaye alakwigiza agayenya kunyi kokole; kulageenda mu zinzira ziayakotovolera. Kigira amigizu ga Yahova gaturaa mu Lidaala linene lia Jerusalemi; amolomaa ku avandu veve kutura ziyoni.”

Mika 4:3

Yahova alakalaga hagati hi zihiiri zinyingi, kandi alaleeta mirembe hagati hi zihiiri zie zinguru zinene ahimbi ni ihale. Valatura vivavi viavo kolomba zimbago na amatimu gaavo kolomba mihizu ju kuhalulira. Zihiiri sizilazia muvulwani kandi, sivaletegeka ku vulwani kali hakuzu kandi mba.

Haggai 2:7

Ndakaguuti zihiiri ziosi, kandi vutugi vwavo vulakaletwe hano. Litembeli lilakave nu vutugi vunyingi.

Zekaria 14:16

Maku vosi avalihononoka kutura mu zihiiri zilikave ni zingiliye Jerusalemi, valakazie wene yeyo vuli muhiga kusigamira Yahova Wuvunyali kuli mwami. Valakave ni lisavo lia madiri.

Zekaria 8:21

Avandu vi lidaala lilala valakavoolere avandu vi lidaala lindi, ‘Kuziiza kusigamira Yahova Wuvunyali kandi koteeva vugasu vwivwe. Hambi kuzie harara!’

Vagalatia 3:8

Mang'oda Matakatifu gamanyia mulitanga ndi Nyasaye alavugilira vandu vizihiiri kuva avalungi kuvitira mu lisuuvira. Kunangwa Mang'oda Matakatifu gaalandiza makuva malahi ku Aburahamu ndi: “Kuvitira mu ivi, Nyasaye alakagasizi avandu vovo.”

Likunula 15:4

Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”

Likunula 21:24

Izihiiri zilagenda mu uvulavu vwalio, na avami vi lirova valaleta uvukumi vwu uvutugi vwavo mulio.