Zekaria 8:20 - KITABU KITAKATIFU

²⁰ Yahova Wuvunyali avoora, “Ing'inga yiza lwa vandu kutura mu madaala manyingi valakaze mu lidaala lia Jerusalemi.

Zekaria 8:20 ပူးပေါင်းရင်းမြစ်များ

1 Avami 8:41

“Kandi ndio, lwu mugeni utaveeye mulala ku vandu vovo Isiraeli, navuzwa umali kuuza kutura mu kivala chi hale kigira uhuliyi lusuma lwi lieta liilio,

1 Avami 8:43

huliriza ku lisaala lilie. Mwigulu, mwa ivi omenyi, umuhuliri kandi umukolere cha akoteeva, kunangwa vandu vosi vi lirova vaduuki kumanya ivi kandi vaduuki kutia ivi, kuli vandu vovo Isiraeli vakolanga. Hene yaho valamanya ndi Litembeli lia inzi mali kwumbaka yili ni havundu ha ivi unyala kusigamirwa.

Zaburi 102:22

lwa zihiiri nu vwami vavugana harara nukusigamira Yahova.

Zaburi 22:27

Zihiiri ziosi zielirova valizuliza Yahova. Valagirung'ana kuyeeka kuye kutura havundu hoosi mu lirova avandu vizinimi ziosi kulirova valasigamira Yahova.

Zaburi 72:17

Leka lieta liu mwami lizulizwi mihiga ni mihiga; ulusuma lwilwe luhindiri kuli liuva! Leka zihiiri ziosi ziteeve Nyasaye azigaasizi kuli amali kugasiza mwami!

Zaburi 89:9

Ivi wamihaa kunyanza yi zinguru ligali, ukiring'anyia viguvuli viayo viuvutima vonene.

Isaya 11:10

Lidiku lizaa lwu mwami muhia kutura munyumba yu vwami vwa Daudi alava kelolero ku zihiiri ziosi. Valavunga harara mu lidaala lilie liu vwami nukumuha luyali.

Isaya 45:14

Yahova avooreraa avandu va Isiraeli ndi; “Uvutugi vwa Egebeti na Ezopia vulava uvwinyu, kandi avandu vaveeye avataambi ava Seba valava avatugwa vinyu; valaza ku munyi nivavoheywi minyororo, kandi valagwa hasi imbiri winyu nivavoora, ‘Nyasaye aveeye harara ni munyi, kandi siaveeye ho nuwundi mba.

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Hosea 2:23

Ndaviika avandu vange mu kivala kandi ndavakora kugasizwa. Ndayaanza yavo avalangwa “Avatayanzwa,” kandi ndayaanza yavo avalangwa, “Avandu vataveeye avange.” Kalunu ndavoora, “Munyi muveeye avandu vange,” navo valativura, “Ivi oveeye Nyasaye wiitu.”

Amosi 9:12

Na ndio, avandu va Isiraeli valaguuta nu kuvugura avandu vaatigara nokohona mu kivala cha Edomu, harara na avandu vi zihiiri ziosi izia avalange avange.” Yahova ulikola ivindu yivi kwekoleka.

Mika 4:3

Yahova alakalaga hagati hi zihiiri zinyingi, kandi alaleeta mirembe hagati hi zihiiri zie zinguru zinene ahimbi ni ihale. Valatura vivavi viavo kolomba zimbago na amatimu gaavo kolomba mihizu ju kuhalulira. Zihiiri sizilazia muvulwani kandi, sivaletegeka ku vulwani kali hakuzu kandi mba.

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Matayo 8:11

Na muvooleraa, avandu vanyingi valaza kutura Ivugwi ni madioli, kandi valikala mu lilia harara na Aburahamu, Isaka na Yakobo mu Vwami vwu mwigulu.

Vikolwa 15:14

Simoni umali kwivaala kuli Nyasaye yaatanga kuyaanzilira kuluuta avandu vi Zihiiri, natovora avalala kuvo vaduuki kuva avandu veve.

Vikolwa 15:18

Nindio Mwami, uwakola vindu yivi vimanyikane kutura kale, avoora ndio.’

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”