Zekaria 6:13 - KITABU KITAKATIFU

¹³ Niye ulakaliumbake kandi alakanyoole luyali luduukanaa mwami; kandi alakamiihi avandu veve. Musaalisi alakave kondeve yu vwami vwivwe, kandi valakakole miyinzi harara naye mu mirembe kandi mu lihambana.’

Zekaria 6:13 ပူးပေါင်းရင်းမြစ်များ

Litanga 14:18

Melikizedeki, uwaali mwami wa Salemi kandi musaalisi wa Nyasaye oveeye igulu ligali, yaleetera Aburamu mugadi kandi iwaini.

2 Samweli 7:13

Niyie ulinyumbakira Litembeli kandi ndalora ndi endeve yu vwami vwivwe ilazizagilira mihiga ni mihiga.

Zaburi 110:1

Yahova yavolera mwami wange “Yikala ha mukono gwange mulungi kuduuka lwa mbikaa avasigu vovo isi wi virenge vivio.”

Zaburi 110:4

Yahova yalomba lisuuvirizwa na sialagirung'anyia zing'anagani zizie mba, “Ivi ulava musaalisi mihiga ni mihiga kolondekana ku ovolohizi vwu vusaalisi vwa Melikizedeki.”

Zaburi 21:4

Yaakoteeva livamwoyo, na ivi wamuha, wamuha livamwoyo lie mihiga ni mihiga.

Zaburi 21:5

Uvukumi vwivwe voveeye vonene kigira ovokonyi vuvwo. Ivi umali kumuha liizominywa lwuluyali.

Isaya 11:10

Lidiku lizaa lwu mwami muhia kutura munyumba yu vwami vwa Daudi alava kelolero ku zihiiri ziosi. Valavunga harara mu lidaala lilie liu vwami nukumuha luyali.

Isaya 22:24

“Navuzwa avana veve na aviiko veve vosi, valakave vuliduhu kuye. Valiehanika kuye kuli iviju vie inyumba, kutura ku vikekeke, kuduuka ku vinene viosi!

Isaya 54:10

Vigulu vinyala kutura ho, utugulu tunyala kutulizwa ho, navuzwa zimbavasi ziu vuyanzi vwange vutali ne keheri sivulatula ku ivi kali hakuzu mba. Lilagana liange lie mirembe sililatulizwa ho mba.” Inzi Yahova overereraa ivi mali kovora.

Isaya 9:5

Vilato via mahi gingiliraa kandi zinguvu ziavo ziosi zie viba via masahi vilasambwa nu muliru.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 23:5

Yahova avoora, “Ku ing'inga yiza lwa nandovole mwami mulungi mu kisukururwi cha Daudi. Mwami mwene oyo nayamiihi novogeri kandi yaza akole agaveeye malahi kandi malungi mukivala choosi.

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Jeremia 33:15

Ing'inga yene yeyo ndakatovole kisukururwi kilungu cha Daudi kuva umwami. Mwami oyo alakakole agaveeye amalungi kandi likalaga lirungi mukivala choosi.

Mika 5:4

Lwa aliiza, alakamiihi avandu veve nizinguru zitulaa ku Yahova kandi nuvunyari vwa Yahova Nyasaye mwene. Avandu veve valakamenyee mu mirembe kigira vandu kutura mu lirova liosi valakamanya ovonene vwivwe, kandi alaleeta mirembe.

Zekaria 4:14

Maku yavoola, “Yava na vasaza 2 va Nyasaye amali kotovola nu kuvavaka maguta vaduuki kutumikira Yahova wi kivala choosi.”

Zekaria 4:9

“Zerubabeli umali ku viika muse gwi Litembeli, kandi alamaliriza kuliumbaka. Lwayaga gekoleka, avandu vange valamanya ndi ninzi umali kukutuma kuvo.

Zekaria 6:11

Olombe igudwa kutura ku ifeza ni zahabu yavamali kuhaana, ma uviiki kumutwi gwa Joshua musaalisi munene, muyaayi wa Jehozadaki.

Varumi 5:1

Kunangwa kumali kokolwa avalungi imbiri wa Nyasaye kuvitira mu lisuuvira, koveeye ni mirembe na Nyasaye kuvitira mu Mwami wiitu Yeso Kristo.

Vakolosai 1:2

kong'oderaa munyi Vakrisitayo vosi harara na avaamitu avasuuvirifu mu Kristo avaveeye ha Kolosai: Zimbavasi ni mirembe zive ku munyi kutura ku Nyasaye Baba wiitu.

Vahebraina 3:1

Kunangwa, avaamitu vange vatakatifu, avilisanga mu lilangwa lia Nyasaye, muviiki zing'anagani zienyu ku Yeso, wa Nyasaye yatuma kuva Musaalisi Munene wilisuuvira lia kulandizaa.

Vahebraina 6:20

Yeso yitaa kwingira mu, mu vogono vwitu, kandi umali kuva musaalisi munene mihiga ni mihiga kolondekana novolohizi vwu vusaalisi vwa Melikizedeki.

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.