Zekaria 6:11 - KITABU KITAKATIFU

¹¹ Olombe igudwa kutura ku ifeza ni zahabu yavamali kuhaana, ma uviiki kumutwi gwa Joshua musaalisi munene, muyaayi wa Jehozadaki.

Zekaria 6:11 ပူးပေါင်းရင်းမြစ်များ

2 Samweli 12:30

Daudi yavugula itaji yi zahabu iyaali nuvulitu vwi zikilo salasini na tano kandi yaali namagina guvuguli vutambi muyo Moleki, umunyasaye wa vandu va Amoni. Daudi yavugula ligina liuvuguli zana kandi yaaliviika ku itaji yeeye. Yavugula kandi vilaanye vinyingi ligali kutura mu lidaala lia Raba.

Ezara 10:18

Yaga na mita ga vasaza vaali na vakali avageni: Avasaalisi: Kutura mu ihiiri ya Joshua mwana wa Zadoku na vamwavo veve vaali: Maaseia, Elieza, Jaribu na Gedalia.

Ezara 3:2

harara na Joshua mwana wa Jehozadaki, avasaalisi vache, na Zerubabeli mwana wa Sheyalitieli, harara naviiko veve; vumbaka vuhia uvwali vwa Nyasaye wa vandu va Isiraeli, kunangwa vaduuki kusambira ku visiuviliru kuli gang'odwa mulilaga lia Musa umundu wa Nyasaye.

Zaburi 21:3

Ivi waza kuye nuvugasu vonene ligali kandi nuviika itaji yi zahabu indahi ku mutwi gwigwe.

Kutwula 29:6

Umuviiki ekelemba, ma ovohe kucho ikimanyiru kitakatifu keng'odeywi ku amang'oda gavoora, ‘Umali kutakaswa kigira vutumiki vwa Yahova.’

Kutwula 39:30

Valomba isahani, itaji indakatifu kutura ku izahabu indahi, ni vang'oda ku amang'oda kuli gu muhuri, “Mutakatifu ku Yahova.”

Lwimbu lwa Solomoni 3:11

Avakali va Ziyoni, hambi mulore mwami Solomoni; Yiviiki itaji ya mama weve yamuvika lidiku lie keserero chiche. Lidiku liu vuyanzi nu vusangali mumwoyo gwigwe.

Kyavalevi 8:9

Yamuvika kelemba ku mutwi gwigwe, kandi imbiri wacho yavika ku mangirinya gi izahabu, eve kelolero kimanyia ligasizwa litakatifu; kuli Yahova yalaga Musa.

Haggai 1:1

Mulidiku liu kutanga liu mweli gwa sitamu muhiga gwa kaviri gwi liamiiha liu mwami Dariasi wa Pasia, Yahova yamoloma kuvitira ku muporofeti Hagai, ku Zerubabeli mwana wa Shealitieli, mwamihi wivuyuda, kandi ku Joshua mwana wa Jehozadaki, musaalisi munene.

Haggai 1:14

Yahova yadinyiriza vandu kuyinzira ku Litembeli: Zerubabeli mwami wi Ivuyuda, Joshua musaalisi munene na vandu vosi vaali ni vatuli mu vuhaambe, vosi vatanga kuyinzira ku Litembeli lia Yahova Wuvunyali, Nyasaye wavo.

Haggai 2:4

Navuzwa kalunu kali mundu mulala ku munyi atakuza mwoyo mba. Mukore miyinzi kigira mbeeye harara na munyi.

Zekaria 3:1

Maku Yahova yamanyia Joshua musaalisi munene nasingi imbiri we engelosi yeeye. Setani yaali nasingi ku mukono gwigwe mulungi ni yenya kumuyaara.

Zekaria 3:5

Yahova yalaga vatumikiri kuviika Joshua kelemba kinifu kumutwi gwigwe; vakora ndio, kandi vamuvika zinguvu zimbia lwengelosi wa Yahova yaali na siingi hene yaho.

Zekaria 6:14

Igudwa yiyi ilakave mu Litembeli lia Yahova kuli chukwizuliziraku Helidai, Tobija, Jedaya na Josia muyaayi wa Zefania.”

Vahebraina 2:9

Navuzwa kololaa Yeso, wakolwa kuva mukekeeke ku zingelosi ku ing'inga engekeeke, kunangwa kuvitira mu zimbavasi zia Nyasaye, aduuki kukuzira avandu vosi. Kumulolaa kalunu naavikiywi itaji yu vukumi kandi yuluyali kigira uvusaliri vwi likuza lilie.

Likunula 19:12

Izimoni zizie ziveeye kuli olomemo lwu muliru. Yiviika izitaji zinyingi ku umutwi gwigwe. Yaali ni lieta ling'odeywe, kuye, kandi sihaveeye ho nu mundu umanyi cha livoora nataveeye oyo umwene.

Likunula 6:2

Ndahenza nindora ibarasi indavu! Muhiri wi barasi yaali nu vuta kandi yahevwa itaji. Kunangwa yatura kugihira kuli umuguuti uzizagilira kuguuta.