Zekaria 4:7 - KITABU KITAKATIFU

⁷ Uvudinyu voveeye kuli kiguru kenene, vulagota kutura imbiri woovo. Ulumbaka vuhia Litembeli na lwa uva nuviika ligina lio kumalirika mu vogono yivwo, avandu valahanzuka nokovoora nu mwoyo munene, ‘Vulahi ligali, vulahi ligali!’ ”

Zekaria 4:7 ပူးပေါင်းရင်းမြစ်များ

Ezara 3:10

Lwa avandu vatanga kuviika muse gwi Litembeli, avasaalisi niviviiki zinguvu ziavo vaali muvogono vwavo nikisiriva mumakono gaavo. Avandu vinyumba ya Levi avihiiri ya Asafu vasingira ho nivikuli. Vizominya Yahova kolondekana amalago gavaahevwa kutura ing'inga yu Mwami Daudi wa Isiraeli.

Zaburi 114:4

Vigulu viatumatuma kuli zimburi; utugulu twatumatuma kuli vimeme via magondi.

Zaburi 114:6

Munyi vigulu, kigira ki nimutumatuma kuli zimburi? Munyi utugulu, kigira ki nimutumatuma yiyi ni yiyi kuli vimeme?

Zaburi 118:22

Ligina liavumbaki vasuura, limali gugwa ligina linene liu mukoona.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Isaya 28:16

Yiki nicho cha yahova Wuvunyali avoora: “Mbikaa musingi mudinyu kandi gwizingulu mu Ziyoni. Mbikaa ligina liu mukoona lidinyu ligali ukwa makuva yaga gang'odwa, ‘Lisuuvira liveeye liezingulu liveeye liokwikuzira kandi.’

Isaya 41:15

Ndamukora muve kuli kiju chu kuhuuliraku uvuswage, ekeveeye na miinu mahia kandi amuugi. Mulahuura vigulu nukuvidiviza, kandi muladuvuranyia tugulu kugwa kuli mukuzi.

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Jeremia 51:25

Babiloni, ivi oveeye kuli kiguru ikidivizanga kivala choosi, navuzwa Inzi, Yahova mbeeye musigu woovo. Ndakuvugura, ngusisuli kuduuka kumalova, ma ngoleke noveeye kuli ligoke.

Mika 1:4

Vigulu vilayinguka isi weve kuli ihura eveeye mu muliru; vilasundulwa hasi musi mumavona kuli amazi gasundulwa kutura ku kiguru.

Mika 4:1

Mu madiku gaaza mukigulu chi Litembeli liumbakwa, kilakave kiguru kitambi ligali kuvita vigulu vindi viosi. Zihiiri zinyingi zilangunyana kuzia mu kiguru yiki,

Habakuk 3:6

Lwa asingilaa, kivala chinuyaa; mulihenza lilie, zihiiri zidegera. Vigulu via kale viatanywa; vigulu vie mihiga ni mihiga lieyinaa hasi, ha yagendaa mu zing'inga zia kale.

Zekaria 4:8

Yahova yambolera kandi,

Zekaria 4:9

“Zerubabeli umali ku viika muse gwi Litembeli, kandi alamaliriza kuliumbaka. Lwayaga gekoleka, avandu vange valamanya ndi ninzi umali kukutuma kuvo.

Matayo 21:21

Yeso yavativulira, “Ligali muvooleraa, munyi ni muva ni lisuuvira vugira kuhayahayiza, si munyala kokora yaga geng'ine agakoleywi ku mukuyu, navuzwa kali munyala kovoolera kiguru yiki, ‘Yigingi wisigisi mu inyanza,’ na galakolwa ndio.

Matayo 21:42

Yeso yavateva, “Si mwasoma likuva yili mu Mang'oda Matakatifu? ‘Ligina liavumbaki vasuura limali kokolwa ligina linene liu mukoona. Mwami niyie wakola yaga; na gaveeye gokogenyia mu zimoni zietu!’

Marko 12:10

Munyi mu kikiri kosooma Mang'oda Matakatifu yaga? ‘Ligina liavumbaki vasuura, liakolwa ligina linene liu mukoona.

Luka 20:17

Yeso yavuumika ma navateeva, “Amang'oda yaga gang'odwa ku kivuni ki? ‘Ligina liavumbaki vasuura kalunu likoleywe kuva ligina linene ligali liu musingi.’

Luka 3:5

Mavoona goosi gililizwi, vigulu viosi notugulu twosi twikizwi ahachama halungikizwi, zinzira zia magichi zileng'anywi.

Vikolwa 4:11

Yeso niyie wa Mang'oda Matakatifu gavoora, ‘Ligina lia munyi avumbaki mwasuura, kalunu liveeye ligina lie kivuni ku goosi.’

Varumi 11:6

Navuzwa litovola lilie liali ku zimbavasi zizie, sigaveeye kigira ku vikolwa viavo mba. Niiva litovola lia Nyasaye liakaveeye ku vikolwa via vandu, maku zimbavasi zizie si ziakaveeye zimbavasi ziagiligali mba.

Vafeso 2:20

Munyi kandi mwumbakiywi ku musingi ugwalombwa na avatumwa kandi avaporofeti, Kristo mwene naveeye ligina liu mukoona.

1 Petro 2:7

Ligina yili liveeye liu vuguli vonene ligali ku vandu avasuuviraa; navuzwa yavo avatasuuvira, “Ligina zana liavumbaki vasuura, kuli ilitaveeye novokoonyi, ligirung'ani kugwa ligina lie kivuni kenene ku goosi.”

Likunula 16:20

Ivisulu ni ivigulu viosi viagota.