Zekaria 3:1 - KITABU KITAKATIFU

¹ Maku Yahova yamanyia Joshua musaalisi munene nasingi imbiri we engelosi yeeye. Setani yaali nasingi ku mukono gwigwe mulungi ni yenya kumuyaara.

Zekaria 3:1 ပူးပေါင်းရင်းမြစ်များ

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Litanga 48:16

Engelosi yasoola kutura ku vudamanu vwosi, yaanza uvagaasizi! Lieta liange harara na mita ga vaguuga vange, Aburahamu na Isaka gagulikwi avayaayi yava! Vave ni zinzivulu zia vana vanyingi kandi visukululwi vinyingi!”

1 Kyetsinyinga 21:1

Setani yenya koleta kivi ku avandu va Isiraeli, kunangwa yazuva Daudi kuvaliza vandu.

2 Kyetsinyinga 29:11

Avayaayi vange, mutagotiza ing'inga mba; kigira Yahova umali kumutovola kusingira imbiri weve, muve avatumikiri veve, muduuki kumutumikira, nu kusamba vimuli imbiri weve.”

Ezara 10:18

Yaga na mita ga vasaza vaali na vakali avageni: Avasaalisi: Kutura mu ihiiri ya Joshua mwana wa Zadoku na vamwavo veve vaali: Maaseia, Elieza, Jaribu na Gedalia.

Ezara 2:2

Aviimiliri vaavo vaali harara na: Zerubabeli, Joshua, Nehemia, Seraya, Reelaya, Modekai, Bilishani, Misipa, Bigivai, Rehumu na Baana. Livaliza lia vasaza mu vandu va Isiraeli liali kuli ndi:

Ezara 5:2

Lwa Zerubabeli mwana wa Shealitieli na Joshua mwana wa Jehozadaki vahulira makuva ga vaporofeti yava, vatanga kwumbaka uvuhia Litembeli mu Jerusalemi. Avaporofeti vaviri yava vakonyana navo.

Zaburi 106:23

Lwa Nyasaye yavoola ndi aladiviza avandu veve, mutumikiri weve mutovole Musa yasingira kuhing'ana naye, kandi niyigalira uvutima vwa Nyasaye vuvuli kuviita.

Zaburi 109:6

Otovole mukalagi mudamanu ayaalizi musigu wange, na oleke mulala ku vasigu veve mwene amuyaale.

Jeremia 15:19

Kulwayago, Yahova yavoola, “Niiva ulirana ku inzi, ndakwiranyia kandi ulava mutumikiri wange. Niiva ulavoola amakuva gaveeye amalahi na oleke kovora amakuva amadamanu, hene yaho ulava muporofeti wange kandi. Avandu varirana ku ivi, navuzwa ivi si ulazia kuvo mba.

Ezekieli 44:11

Vanyara kundumikira mu Litembeli liange, nu kulinda mu virivwa vie Litembeli kandi nokokola miyinzi ji Litembeli. Vanyara kwita zinyama zia vandu vahaana kuva kuli vihaanwa viu kusambwa kandi visiuviliru. Kandi valava ku miyinzi nu kutumikira vandu.

Ezekieli 44:15

Yahova Wuvunyali yavoola, “Avasaalisi vaveeye vi hiiri ya Levi kandi avaveeye visukululwi via Zadoku, vazizagilira kundumikira nu vusuuvirifu mu Litembeli lwa vandu vosi va Isiraeli vaagirung'ana kutura ku Inzi. Kulwayago, yava nivo avisunda ahimbi ninzi nu kundumikira kuhaana zitinya kandi masahi gi zinyama zie visiuviliru ku Inzi.

Haggai 1:1

Mulidiku liu kutanga liu mweli gwa sitamu muhiga gwa kaviri gwi liamiiha liu mwami Dariasi wa Pasia, Yahova yamoloma kuvitira ku muporofeti Hagai, ku Zerubabeli mwana wa Shealitieli, mwamihi wivuyuda, kandi ku Joshua mwana wa Jehozadaki, musaalisi munene.

Haggai 1:12

Maku Zerubabeli, Joshua na vandu voosi vaali ni vakatula Babiloni mu vuhaambe, vakora cha Yahova Nyasaye wavo yavavolera. Vaali nu vuti kandi vaatia muporofeti Hagai mutumwa wa Yahova.

Haggai 2:4

Navuzwa kalunu kali mundu mulala ku munyi atakuza mwoyo mba. Mukore miyinzi kigira mbeeye harara na munyi.

Zekaria 1:13

Yahova yativulira engelosi makuva go koleminya mwoyo.

Zekaria 1:19

Ndateeva engelosi yaali nimolomangi ninzi, “Zinziga yizi zivoolaa ki?” Engelosi yativura nivoola, “Zinziga yizi ziveeye mu vogono vwi zihiiri ziasalanyia vandu vi Vuyuda, Isiraeli na Jerusalemi.”

Zekaria 1:9

Ndamuteva, “Mwami, zibarasi yizi zivoolaa ki?” Yativura navoora, “Ndakumanyia cha zivoolaa.”

Zekaria 2:3

Maku ndaalora engelosi waali namolomangi ninzi niyisunda hambiri, kandi engelosi wundi yaza kumwaganira.

Zekaria 3:8

Joshua huliriza, ivi oveeye musaalisi munene, kandi hulirizi munyi avasaalisi vache, avaveeye kimanyiru kilahi cha madiku gaaza. Ndakamuvuuliri mutumikiri wange wagulikwa ulusia!

Zekaria 4:14

Maku yavoola, “Yava na vasaza 2 va Nyasaye amali kotovola nu kuvavaka maguta vaduuki kutumikira Yahova wi kivala choosi.”

Zekaria 6:11

Olombe igudwa kutura ku ifeza ni zahabu yavamali kuhaana, ma uviiki kumutwi gwa Joshua musaalisi munene, muyaayi wa Jehozadaki.

Malaki 3:1

Yahova Wuvunyali yativura navoora, “Ndakatumi mutumwa wange konombera inzira. Maku Mwami wa mulindiliraa alakaze mu Litembeli lilie vwangu lwa mutamanyi; mutumwa wa mwegomba kolola alakaze kulandiza lilago liange.”

Luka 21:36

Mulindi, musaale kazozo muluhi muduuki konyoora zinguru kuvitira mu vindu yivio viosi ni mirembe, ivizizaa kwekoleka kandi muve avanyala kusingira imbiri wu Mwana wa Adamu.”

Luka 22:31

“Simoni, Simoni! Hulira, Setani ateevi munwa ku Nyasaye agerizi munyi vosi kwavukanyia vandu valala kutura ku vandu vadamanu, mulimi asesaa ingano.

Kwidzulitsa 10:8

Yahova yatovola avasaza vi ihiiri ya Levi, valindi Lisandugu lia malago ga Yahova, vamutumikiri kuli avasaalisi kandi kugasiza avandu mu lieta lilie. Yiji ni miyinzi jaavo kali kuduuka kalunu.

Kwidzulitsa 18:15

Muvogono yivwo Yahova Nyasaye winyu alamutumira muporofeti kuli inzi kutura mu vandu vinyu, na munyi kuduuka mumuhuliri.

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

1 Samweli 6:20

Kunangwa avasaza va Bezi-shemeshi vavoola, “Ni vwaha unyala kusingira imbiri wa Yahova, Nyasaye Mutakatifu uyu? Kunyala kumuhila hayi atuli ku kunyi?”