Zekaria 14:7 - KITABU KITAKATIFU

⁷ anoho kisundi mba. Muvasu gulakave ho ing'inga yoosi kali ing'inga yu vudiku. Yahova weng'ine niye umanyi lwa yaga galakekoleke.

Zekaria 14:7 ပူးပေါင်းရင်းမြစ်များ

Zaburi 37:18

Yahova alindaa livamwoyo lia yavo avamuhulira. Kandi miandu ji lirova jilava jaavo mihiga ni mihiga.

Isaya 11:9

Ku Ziyoni, kiguru kitakatifu cha Nyasaye, sihalava nikindu chukusaliriza anoho kidamanu. Kivala kilizula limanya lia Yahova kuli zinyanza zizura amazi.

Isaya 24:23

Umweli gulamwama tititi, kandi liuva sililaaka kandi mba, kigira Yahova Wuvunyali alava mwami. Alamiiha mu Jerusalemi, ku kiguru cha Ziyoni, kandi aviimiliri va vandu valalola uvukumi vwivwe.

Isaya 30:26

Uvulavu vwu mweli vulakave kuli uvulavu vwi liuva, na uvulavu vwi liuva vulakamedeke haali saba kuvita kazozo, kuli uvulavu vwa amadiku saba mu lidiku lilala. Yaga goosi galakekoleke lwa Yahova avoheleraa nokohonyia zing'oma ziamali kuha avandu veve.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Isaya 58:10

nimuhaana viukulia ku avinzara nuvuhaani vwosi, nukwigutiza lienya lia yavo avaveeye mu kivi, hene yaho uvulavu vonene vulamwakira mu zing'inga zie kisundi, kisundi chienyu kilava kuli mbasu hagati.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 30:7

Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Danyeli 12:4

Yamuvolera, “Danieli kunika kitabu, kandi ukevohe vudinyu ligali kandi uviiki ku muhuri, kuduuka ing'inga yi keheri chi lirova. Avandu vanyingi valakanyaguli yiyi ni yiyi kandi limanya lilakameedeke.”

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Amosi 8:9

Yahova Nyasaye Wanyala Viosi avoora, “Lidiku lizaa lwa ndikola iliuva koyeera mu zisa zia mbasu hagati, na ndaleta kisundi ku kivala ing'inga ya mbasu.”

Matayo 24:36

“Navuzwa lidiku yilio ni ing'inga yeyo sihaveeyeho nu mundu umanyi kali zingelosi vu mwigulu, kali Umwana, navuzwa Baba yenyine.

Marko 13:32

“Navuzwa sihaveeyeho nu mundu umanyi lwi lidiku yilio anoho ing'inga yeyo iliduuka mba kali zingelosi vu mwigulu, anoho Mwana, natali Baba yenyine niyie umanyi.

Vikolwa 1:7

Navuzwa Yeso yavavolera, “Sigaveeye aginyu munyi kumanya zing'inga anoho madiku ga Baba yavika ho mwene mu zinguru zizie.

Vikolwa 15:18

Nindio Mwami, uwakola vindu yivi vimanyikane kutura kale, avoora ndio.’

Vikolwa 17:26

Yalomba zihiiri ziosi kutura ku mundu mulala, naziviika komenya ku lirova liosi. Yatovola no kolomba kale ligali zing'inga kandi keheri chi vivala via zilimenya mu.

Vikolwa 17:31

Kigira umali kotovola lidiku lia alikalagira kivala nu vulungi, kuvitira ku mundu mulala wa yatovola. Yahaana ku avandu vosi lisuuviriza lwa lisimugukiza kutura mu vakuzu!”

1 Vatesalonike 5:2

Munyi aveene mumanya vulahi ndi Lidiku liu Mwami lilakaze kuli mwivi yaazaa vudiku.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 14:6

Ndaalora kandi engelosi yindi nibulukaa hagati hu uvwerefu, na yaali ni Ivangeri yi mihiga ni mihiga ya Nyasaye kwilwaazira vandu avamenyaa mu lirova ku vuli zihiiri, ni zinimi, kandi avandu va amagondo vosi.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.

Likunula 21:25

Ivirivwa vialio sivilahanwa mbasu gwosi kigira sihalava nu uvudiku mba.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.

Likunula 22:5

Uvudiku sivulakave ho mba, kandi sivalakenye uvulavu vwi itaya, anoho vwi liuva mba kigira Mwami Nyasaye alakave uvulavu vwavo, navo valakamihi mihiga ni mihiga.