Zekaria 14:20 - KITABU KITAKATIFU

²⁰ Ing'inga yeyo, kali zigengere zie lijamu lie zibarasi zilakang'odwe ku mang'oda yaga, “CHATAKASWA KU YAHOVA”. Zinyingu zio kodekera mu Litembeli zilakave zindakatifu kuli viju viveeye imbiri wu vwali.

Zekaria 14:20 ပူးပေါင်းရင်းမြစ်များ

1 Avami 7:50

vikombe, vindu viu kukalila zindambi zie zitaya, zibakuli, zisahani zie kimuli, kandi vifuria vitumikirwa kuginga amanda gu muliru; kandi uvubada vwi miliango ja Havundu Hatakatifu ligali kandi ji miliango jechova ji Litembeli. Viju yivi viosi vialombwa ku zahabu enzere.

2 Kyetsinyinga 4:8

Yalomba kandi zimesa 10, naziviika mu Litembeli, 5 kolovega lwi Ivaale na zitano kolovega lwi Isavaalu. Yalomba kandi zibakuli zie zahabu 100.

Zaburi 110:3

Ku lidiku lia uzia kulwaana vasigu vovo, avandu vovo valiihaana aveene. Avayaayi vovo valaza ku ivi ku vigulu vitakatifu kuli lime lia mugambazuri.

Kutwula 25:29

Olombe zisahani, vikombe, zijagi, ni vituva viduuki kutumikilwa ku vihaanwa vie iwaini. Yivi viosi vilombwe nizahabu indahi ligali.

Kutwula 37:16

Yalomba viju viezahabu indahi vio komesa; zisahani, vikombe, zijagi, kandi ni zibakuli ziukutumika kuhaanira ku iwaini.

Kutwula 39:30

Valomba isahani, itaji indakatifu kutura ku izahabu indahi, ni vang'oda ku amang'oda kuli gu muhuri, “Mutakatifu ku Yahova.”

Isaya 23:18

Likiranyia liu vutugi vwalio, vulatakaswa ku vutumiki vwa Yahova; uvutugi yivu si vulavikwa mukedeera mba, navuzwa vulatumika ku yavo avasigamiraa Yahova, kunangwa vaduuki konyoora viukulia kandi lieviika zinguvu kolondekana ni lienya liavo.

Isaya 52:1

Avandu va Jerusalemi, muve nizinguru zinene kandi! Lidaala litakatifu lia Nyasaye, mwiviki munyi aveene vukumi! Avandu vatamanyi Nyasaye, sivalingira mu virivwa vivio kandi mba.

Jeremia 31:40

Livona liosi, havundu havakuzu vaayavirwa kandi ahiligoke lisiuvwa, kandi imilimi jiosi igulu wu mugera gwa Kidironi kuduuka ivugwi wi kirivwa chi Barasi nahave hatakatifu hange. Lidaala yilio sililononywa anoho kudivizwa mba.”

Ezekieli 45:1

Lwamugavulanyia kivala cha Isiraeli, nukuhaana ku vuli ihiiri kidieli kilala kilaviikwa halovega kuva havundu hatakatifu ha Yahova. Kidieli yiki kilava zikilomita 12 ninusu uvutambi ku zikilomita 10 uvuvambalaru. Havundu yaaha hoosi halava Hatakatifu.

Kyavalevi 6:28

Inyingu yi vodohi yinyama zana edekerwa mu, kuduuka yaatanywe. Niiva edekerwa mu Inyingu yumugasa, gaduukaana ikulwi kandi yogizwi na mazi.

Kyavalevi 8:9

Yamuvika kelemba ku mutwi gwigwe, kandi imbiri wacho yavika ku mangirinya gi izahabu, eve kelolero kimanyia ligasizwa litakatifu; kuli Yahova yalaga Musa.

Obadia 1:17

“Navuzwa ku kiguru cha Ziyoni avandu valala valakahononoke, kandi halakave havundu hatakatifu. Avandu va Yakobo valakavuguli kivala keveeye chavo ku vulungi.

Zefania 2:11

Yahova alakavatiihizi. Alakalombe avanyasaye vaavo vi kivala kuva kindu vuzwa, maku zihiiri ziosi zilakamusigamiri muvivala viavo.

Zekaria 14:19

Yaga nigo amageri galiduuka ku vandu va Egebeti kandi ku zihiiri zilivula kuva ni lisavo lia madiri.

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Zekaria 9:15

Yahova Wuvunyali alakakingi avandu veve, kandi alakadivizi avasigu vaavo. Valakahanzuki mu liihi kuli vahambiku, kandi valakatahizi avasigu vaavo masahi, galakidoleke kuli masahi gi visiuviliru, gasundulwa ku vwali kutura ku ibakuli.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Livalidza 4:14

Valaviika ku vwali viju viosi vitumikaa: Vifuria, zibakuli, vijiko, uvwuma, kandi zibenzeni: maku valakunikaku kesero chi imburi, ma vaviiki ku misaala ju kugingilaku.

Livalidza 4:7

Valala komesa inguvu ya bulu kigira mugadi mutakatifu, ma vaviiki ku zisahani, viju vie vifunya mwayu, zibakuli zie sadaka kandi vikombe vie iwaini. Mugadi gulava komesa kazozo.

Livalidza 7:13

Yahaana isahani indala yi ifeza, yaali nu vulitu vwi kiloguramu 1.5, ibakuli indala yi ifeza ziguramu 800 kolondekana ni ligera lie lihema litakatifu, viombi vizura uvusie vwazuganywa maguta kuva kuli kihanwa chu vuswage.

Livalidza 7:19

Yahaana isahani ndala yi ifeza yuvulitu vwi kiloguramu 1.5 kandi ibakuli indala yi ifeza yu vulitu vwi ziguramu 800, kolondekana nilegera lie Lihema litakatifu. Viombi vizura uvusie vwazuganywa amaaguta kuva kuli kihanwa chu vuswage.

Luka 11:41

Navuzwa, muhaane vindu eveeye mugati mwi vikombe kandi mu zisahani ku ni ivindi viosi vilava vilahi ku munyi.

Vikolwa 10:15

Mwoyo yigwo gwahulirika kandi haali kaviri ni gumuvooleraa, “Vindu via Nyasaye yatakasa, ivi utavilanga vidamanu mba!”

Vikolwa 10:28

Petero yavavolera, “Munyi aveene mumanyi ndi Muyuda woosi yagaywa ni Lilaga lilie lie lisuuvira atahambana na avandu vi zihiiri zindi mba. Navuzwa Nyasaye umali kumanyia mburi kuganagana ndi mundu woosi kuva munifu anoho mudamanu mba.

Vikolwa 11:9

“Umwoyo yigwo gwahulirika kandi haali kaviri kutura mwigulu, ‘Vindu via Nyasaye yatakasa, utavilanga vidamanu mba.’

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Vakolosai 3:17

Ku viosi via mukoraa anoho mulivoola, mukore viosi mu lieta liu Mwami Yeso, musandizi Nyasaye Baba kuvitira mu uyu.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

Likunula 1:6

kandi umali kokolombera uvwami vwa avasaalisi vanene kutumikira Nyasaye weve, kandi Baba weve. Uvukumi ni zinguru vive ku Yeso Kristo imihiga ni imihiga. Amini.

Likunula 20:6

Vaveeye nuvugasu yavo avaveeye ni lisanga mu lisimugukizwa liu kutanga. Likuza lia kaviri siliveeye ni zinguru kuvo mba; valava avasaalisi va Nyasaye kandi ava Kristo, na valamiha harara naye ku mihiga elefu ndala.

Likunula 5:10

Ivi umali kuvakola vave vami kandi avasaalisi kutumikira Nyasaye wiitu, kandi valamiha ku lirova.”

1 Samweli 2:14

yazomaa lwuma yilwo mu inyingu edekaa, na choosi chu vwuma vwatulizaa, chaalange cha vasaalisi. Avaisiraeli vosi avaazaa ha Shilo kuhaana visiuviliru viavo, vakolerwa kuli ndi.