Zekaria 14:17 - KITABU KITAKATIFU

¹⁷ Niiva ihiiri ilakasuuli kuzia kusigamira Yahova Wuvunyali kuli mwami, si valakanyore imbura mu kivala chavo mba.

Zekaria 14:17 ပူးပေါင်းရင်းမြစ်များ

Litanga 10:32

Avandu yava vosi vaveeye visukululwi via Nuhu, ihiiri ku ihiiri kolondekana ku zihiiri ziavo lugano na lugano. Inyima wi migelera jamazi zihiiri ziosi zie lirova ziatula ku avayaayi va Nuhu.

Litanga 12:3

Ndagasiza yavo avagasizaa ivi, Navuzwa ndalaama yavo avalaamaa ivi. Kandi kuvitira mu ivi, ndagasiza zihiiri ziosi.”

Litanga 28:14

Visukululwi vivio vilakave vinyingi kuli luguchi loveeye ku lirova. Valalanda kutura Ivugwi kuduuka Imadioli, kandi kutura Ivaale kuduuka Isavaalu. Kuvitira mu ivi ni visukululwi vivio, ndakagasizi zihiiri ziosi.

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 8:35

“Lwu ugumira imbura ivuli kukuba kigira vandu vovo vamali kokolera vwoni, ma kandi lwa viganira nokohenza Litembeli yili, nokokogonya nu mwoyo gwosi,

2 Kyetsinyinga 6:26

“Lwa ugumira imbura ivuli kukuba kigira avandu vovo vamali kokokolera uvwoni, ma kandi lwa viganiraa nokoheenza Litembeli yili, nivakusaala mu liegehiza,

2 Kyetsinyinga 7:13

Lwa ngumira imbura Ivuli kukuba anoho ninduma zisigi kulia vitagwa vienyu, anoho ninduma vulwaye vuhambizana uvwiti avandu vange,

Isaya 18:7

Ing'inga yiza lwa Yahova Wuvunyali alinyoora vihaanwa kutura ku vandu vi kivala yiki ichagavulanywa ni migera, kutura ku ihiiri eveeye indambi kandi yi ligodo lilahi, kandi avizingulu zinene ligali, avatiivwa mu kivala choosi. Vosi valaza ku kiguru cha Ziyoni, uwa Yahova Wuvunyali asigamirwa.

Isaya 45:23

Lisuuvirizwa liange liveeye lia agaligali, kandi silinyala kugirung'anywa mba. Inzi mali kumusuuviriza ndi, vuli mundu woosi alaza nu kusigama imbiri wange, kandi valisuuha kuva avasuuvirifu imbiri wange.

Isaya 5:6

Ndakeleka keve hazwa, kandi ndaleka indiva emere mu, sindakesemberera mba. Si ndahalurira zisia zie mizabibu mba, anoho si ndalima mu kandi mba. Navuzwa ndaleka amafwa kandi zindavati zimere mu nu kukunika kizabibu choosi! Kali ndigalila amalesi gavuli kukubiza imbura ku cho.”

Isaya 60:12

Navuzwa zihiiri anoho uvwami vuvura kumutumikira, vuladivizwa ligali.

Jeremia 10:25

Viika uvutima vuvwo kuzihiiri zitasigamira ivi, kandi ku avandu vakusuura. Vamali kwita avandu vovo; vamali kukudiviza ligali nokoleka kivala chietu kugwa mang'anye.

Jeremia 14:22

Siviveeye ho ni vifananyi vie zihiiri vinyala koleta imbura mba; Ligulu ku vwalio si linyala koleta lunyilira mba. Kunyi kwaavika lisuuvira lietu mu ivi, O, Yahova Nyasaye wiitu, kigira ivi niye okolaa vindu yivi.

Jeremia 14:3

Avandu vatugi vatuma avatumikiri vaavo kuzia kwenya amazi; vazinza kali mu madavalia, navuzwa si vanyoolanga amazi mba. Viranaa ni zindoho ziavo zinzere, nivakuzi mioyo jaavo kandi nivagoyani mu zisoni.

Jeremia 14:4

Kigira imbura sieveeye ho mba, kandi lirova liveeye iliumu, avalimi vasaalira mu mioyo; ma vava mu zisoni.

Amosi 3:2

“Kuzihiiri ziosi ziokulirova, munyi nivo mweng'ine avadamanya nukuvalinda. Yiki nicho kekolaa uvwoni vwinyu kuva vudamanu ligali. Yiki nicho kigira muhe amageri malulu ligali.”

Zekaria 14:16

Maku vosi avalihononoka kutura mu zihiiri zilikave ni zingiliye Jerusalemi, valakazie wene yeyo vuli muhiga kusigamira Yahova Wuvunyali kuli mwami. Valakave ni lisavo lia madiri.

Zekaria 14:9

Maku Yahova alakave mwami wi kivala choosi; vuli mundu alakamusigamiri kuli Nyasaye kandi nu kumanya lieta lilie.

Kwidzulitsa 11:17

Nimukora ndio, Yahova alavihirirwa nimunyi. Alahana ligulu imbura ivuli kukuba, nikivala kivuli kwama makuyu. Kunangwa mulakuzira yo vwangu kali kivala cha Yahova amuhezaa ni keveeye kilahi.

Yakobo 5:17

Elija yaali umundu wi liiva lilala liere kuli kunyi. Yasaala nu mwoyo gwosi ndi imbura ivuli kukuba, niimbura yavula kukuba ku lirova ku mihiga jivaga ni imieli sita.

Likunula 11:6

Avandu yava vaveeye ni zinguru ziu kuhana ligulu; kunangwa imbura ivuli kukuba mu madiku go voporofeti vwavo. Vaveeye ni zinguru kandi kugirung'anyia amazi kugwa amasahi, nukudiviza kivala nu vulwaye vudamanu zing'inga ziosi zia vayaanza.