Zekaria 14:12 - KITABU KITAKATIFU

¹² Yahova alakaleete vulwaye vudamanu ligali ku zihiiri zilileta vulwani ku Jerusalemi. Miviri jaavo jilakagundi nivakikiri mwoyo; zimoni ziavo kandi zinimi ziavo zilakagundi.

Zekaria 14:12 ပူးပေါင်းရင်းမြစ်များ

2 Kyetsinyinga 21:15

Na ivi mwene ulalwaala vulwaye vukuzuuna vululu vwamala, uvumanya vukuzuni ligali munda vuli kazozo.”

Ayubu 18:13

Vulwaye vudamanu ligali vuuzi mu viungu viu muviri gwigwe, kandi vokoli amakono geege ni virenge vivie kuguunda.

Zaburi 90:11

Nivwaha umanya zinguru ziu vutima vuvwo vululu; Nivwaha umanya ni vutihizi ki vwu vutima vuvwo vunyala koleta?

Kyavalevi 26:16

Inzi ndamuha mageri. Ndaleta kivi kinene ku munyi kuli vulwaye vutahonaa mba kandi luhuuza lunyala kumukola muvakuli nokolomba livamwoyo lienyu kuva liavuzwa. Mulataga vitagwa vienyu, navuzwa sivilava novokonyi ku munyi mba, kigira avasigu vinyu valalia via mwatanga.

Kyavalevi 26:18

“Kali niiva inyima wa yaga goosi nimuva simulaambulira mba ndaameeda mageri ginyu haali saba kigira uvwoni vwinyu.

Kyavalevi 26:21

“Niiva mulazizagilira kuhing'ana ninzi kandi nimusuula kumbulira, ndaameeda kandi mageri ginyu haali saba.

Kyavalevi 26:24

maku ndagirung'ana mbing'aane ni munyi kandi ndamuha mageri haali saba kigira uvwoni vwinyu.

Kyavalevi 26:28

maku, mu vutima vwange, ndamugirung'ana kandi ndakora amageri ginyu kuva amadamanu ligali haali saba kuvita maziambiri.

Zekaria 1:15

Navuzwa mbeeye nu vutima vunyingi ligali ni zihiiri zisangaliraa vweremerizi ni mirembe. Lwa ndaali nengehizi vutima vwange ku vandu vange, zihiiri yizi ziameeda vusaliri ku vandu vange.

Zekaria 12:9

Ing'inga yene yeyo ndakadivizi vuli ihiiri ilakagelizi kwingilira Jerusalemi.

Zekaria 14:15

Vulwaye vudamanu ligali vulakaze ku zibarasi, zisukiri, zing'amia, kandi zibunda, kandi ku zinyama ziosi zia vasigu hokososa haavo.

Zekaria 14:18

Niiva vandu va Egebeti valasura kusangalira lisavo lia madiri, valakuywa nu vulwaye vwa Yahova alakatumi ku vuli ihiiri ilakasuuli kuzia mu lisavo yili.

Zekaria 14:3

Maku Yahova alakatuli nu kulwaana zihiiri yizio kuli yakola maziambiri.

Zekaria 2:4

Engelosi wukutanga yavolera engelosi ya kaviri, “Nyagura, ovoolere musoleri oveeye nu mugoye gwo kogera ndi kuziiza kuva na vandu vanyingi kandi ni mitugu minyingi mu Jerusalemi; kandi lidaala lilava linene ligali. Sinalive namadigi gu kulikinga mba.

Vikolwa 12:23

Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.

Kwidzulitsa 28:21

Yahova alamutumira zinguzu zindamanu kuduuka mudivizwi mwosi, mukiva cha wingira mu.

Kwidzulitsa 28:22

Yahova alamuleetera zinguzu zihambizanaa, mavimba no lodegela, kandi kemeyu nuvukindu vuhiu kudiviza vitagwa vienyu. Kivi yiki kilava harara ni munyi kuduuka lwa mukuza.

Kwidzulitsa 28:59

hene yaho, alatuma ku munyi kandi ku visukululwi vienyu amaduywa guvulwaaye vutahona kandi vulwaye vudamanu vuhambizana uvutanyala kwigalirwa.

Likunula 17:16

Izinziga likomi zia walola, kandi iking'ang'a valadunyira umukali liraya. Valavugula kindu choosi cha aveeye nacho nu kumuleka chahonyo. Valalia inyama yu muviri gwigwe kandi valamusaamba nu kumudiviza ligali nu muliru.