Zekaria 14:11 - KITABU KITAKATIFU

¹¹ Avandu valakamenye wene yeyo mu lielemeriza, sivalakatihizwi kandi ni lidivizwa mba.

Zekaria 14:11 ပူးပေါင်းရင်းမြစ်များ

Isaya 26:1

Lidiku liizaa lwa vandu valakimbi lwimbu yilu mu kivala chi Ivuyuda: Lidaala linene lietu liveeye lie zinguru! Nyasaye mwene akingaa madigi galio nizimbinga zialio!

Isaya 60:18

Mwoyo gwa vikilage sigulahulika mu kivala chiinyu kandi mba. Lidiviza anoho kwononyia si vilavaho mu kivala chiinyu kandi mba. Ndamukinga kandi ndamusoola kuli lidigi, mulahaana lizominya ku inzi kigira mali kumuhonyia.

Isaya 66:22

“Avandu vange harara ni visukululwi viavo valamenya mihiga ni mihiga, kuli ligulu lihia kandi lirova lihia via ndilomba vilakamenye mihiga ni mihiga.

Jeremia 31:40

Livona liosi, havundu havakuzu vaayavirwa kandi ahiligoke lisiuvwa, kandi imilimi jiosi igulu wu mugera gwa Kidironi kuduuka ivugwi wi kirivwa chi Barasi nahave hatakatifu hange. Lidaala yilio sililononywa anoho kudivizwa mba.”

Jeremia 32:37

Inzi ndaleta avandu vosi harara kutura muvivala viosi via ndaavahilamu muvutima vwange kandi mu livihirirwa liange, ndavilanyia havundu hano na ndavakora vamenye nimirembe.

Ezekieli 37:26

Inzi ndakalombe lilagana harara navo liukuvasuuviliza mirembe mihiga ni mihiga. Inzi ndakavasingilizi kandi ndakameede ulwivulu lwavo, kandi ndakaviiki Litembeli liange mu kivala chavo uwa lilakamenye mihiga ni mihiga.

Joeli 3:17

“Maku, munyi Isiraeli mulamanya ndi inzi mbeeye Yahova Nyasaye winyu. Menyaa mu Ziyoni, kiguru change Kitakatifu. Jerusalemi lilava lidaala Litakatifu; avageni sivalaliguuta kandi mba.

Joeli 3:20

Navuzwa avandu valamenya Ivuyuda mihiga ni mihiga na Jerusalemi lilavaho ku makura goosi.

Amosi 9:15

Ndiranyia avandu vange Isiraeli mu kivala cha ndaavaha, na sivalatulizwa mu kandi mba.” Yahova Nyasaye winyu umali kovora.

Zekaria 12:6

“Ing'inga yene yeyo ndakakole zihiiri zie Vuyuda kuva kuli inyingu eveeye ku lomemo liumuliru hagati hu mulitu, anoho kuli muliru hagati hu mulimi gwu vuswage vwumu; muliru gulakadivizi zihiiri ziosi ziavakumberiza. Avandu va Jerusalemi valakamenye mu mirembe mu lidaala linene.

Zekaria 2:4

Engelosi wukutanga yavolera engelosi ya kaviri, “Nyagura, ovoolere musoleri oveeye nu mugoye gwo kogera ndi kuziiza kuva na vandu vanyingi kandi ni mitugu minyingi mu Jerusalemi; kandi lidaala lilava linene ligali. Sinalive namadigi gu kulikinga mba.

Zekaria 8:13

Avandu vi Ivuyuda kandi avandu va Isiraeli! Mumadiku gaavita vageni vaalaamana ni vavoola, ‘Kivi kilala chere chaduuka ku vivala vie Ivuyuda na Isiraeli kimuduukili.’ Navuzwa ndakamuhonye, maku vageni yavo valakavoolerane, ‘Mwaza nyora vugasu vwi Ivuyuda na Isiraeli vanyoola!’ Kunangwa muve avaluviriri kandi mutatia mba.”

Zekaria 8:4

Vasakulu harara na vakeele vuli mulala valakikale mu viguuti via Jerusalemi naveeye ni mbimbu yu vusakulu.

Zekaria 8:8

kandi ndakavilanyie kutura Ivugwi kandi Imadioli vaze komenya mu Jerusalemi; valakave vandu vange, na inzi ndakave Nyasaye wavo. Ndakavamiihi mu vusuuvirifu kandi mu vulungi.

Livalidza 21:3

Yahova yavahulira kandi navakonya kuguuta avandu va Kanaani. Maku avandu va Isiraeli vavita vosi kandi nivavugura madaala gaavo goosi, nivalanga havundu yaho Horima.

Kwidzulitsa 33:28

Kunangwa visukululwi via Yakobo viamenya mu mirembe vilava nu vweremerizi mu kivala ichizula uvuswage ni iwaini, lime kutura muvwerefu liletaa amazi ku lirova!

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”

Likunula 22:3

Sihalava ho kandi ni kindu choosi ichalaamwa na Nyasaye mu lidaala linene yilio mba. Navuzwa endeve yu uvwami vwa Nyasaye ni yu Mwana wi Ligondi zilakave mu lidaala yilio kandi avatumikiri veve valakamutumikiri.