Zekaria 14:10 - KITABU KITAKATIFU

¹⁰ Losoma lwosi kutura Geba kolovega lwi Ivaale wa Rimoni kolovega lwi Isavaalu vilakaleng'anywe. Jerusalemi ilakave igulu wi kivala cha kikumbeliza; lidaala liene yili lilakatuli mu kirivwa cha Benjamini kuduuka ha kirivwa chu mukoona, hi kirivwa kindi chaalange; kandi hu munara gwa Hananeli kuduuka ha vaminiraa iwaini yu vwami.

Zekaria 14:10 ပူးပေါင်းရင်းမြစ်များ

1 Avami 15:22

Maku mwami Asa yatuma lilago mu kivala choosi chi Ivuyuda niyenyaa avandu vosi, vugira koleka mundu kali mulala, kuzia kokonyana kuginga amagina ya Rama, kandi zimbaho zio mwami Baasha yaali natumikira kuliumbakira lidaala yilio imbinga. Mwami Asa yatumikira vindu yivi kwumbaka imbinga ya Mizipa na Geba, lidaala linene mu kivala cha Benjamini.

2 Avami 14:13

Jehoashi yavugula Amazia kuli muhambe, nazia naye kuduuka Jerusalemi, kandi nasambura lidigi lie lidaala linene kutura mu kirivwa cha Efuraimu kuduuka ku kirivwa cha Korine, uvutambi vwi zimita ahimbi zimia ziviri.

1 Kyetsinyinga 4:32

Kandi vamenya mu madaala gandi gatano: Etamu, Aini, Rimoni, Tokeni, na Ashani,

1 Kyetsinyinga 6:77

Vi kiliango cha Merari yiki avatigara vahevwa madaala yaga harara ni vivala viu vwayiru via ga kumbiriza: Mu kivala cha Zabuloni, Rimono na Tabori.

2 Kyetsinyinga 25:23

Jehoashi yagumira Amazia ma na muhiraa mu Jerusalemi. Hene yaho yaduya lidigi lie lidaala linene nilivunguguka kutura ku kirivwa cha Efuraimu kuduuka ku kirivwa cha Kona, ahimbi uvutambi vwi zimita 200.

2 Kyetsinyinga 26:9

Uzia yadinyiriza liumbakwa lie imbinga ya Jerusalemi ku liumbaka minaara ha kirivwa cha Kona, ha kirivwa chi livona, kandi hi lidigi liegoda.

Nehemia 12:39

na kutura hene yaho, kwazia ni kuvitaa kirivwa cha Efuraimu, kirivwa cha Jeshana, kirivwa chi Zisuzi, munara gwa Hananeli, kandi munara gwa miamoja kuduuka ku kirivwa cha magondi. Kwalekera ligenda liitu ahimbi ni kirivwa chi Litembeli.

Nehemia 3:1

Lidigi lie lidaala linene liumbakwa kuli ndi: Eliashibu musaalisi munene navasaalisi vache veve vumbaka vuhia Kirivwa cha Magondi, nivakitakasa, nukuviika viliango mu vwiyangu vwavio. Vatakasa lidigi kuduuka hu Munara gwa Mia kandi hu Munara gwa Hananeli.

Isaya 10:29

Vamali kwambuka inyambuku, na vaziiye konyoora lisosa lia vudiku ha Geba! Avandu mu lidaala lia Rama vaveeye nu vuti, kandi avandu mu lidaala lia Gibea liu mwami Saolo vamali kwiluka.

Isaya 2:2

Mu madiku gaaza, kukigulu kwi Litembeli lia Yahova liumbakwa kilava igulu ligali kuvita vigulu vindi viosi. Na zihiiri zinyingi valagenda kuzia kucho.

Jeremia 20:2

yalaga inze kugumirwa, kukuywa kandi nukumbika mu ijera ahimbi ni kirivwa cha Benjamini mu Litembeli lia Yahova.

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Jeremia 37:13

Navuzwa lwa ndaaduuka mu kirivwa cha Benjamini, umundu walangwa Irija, mwana wa Shelemia mwisukulu wa Hanani, munene ulindaa avasikari vaaliho ku miyinzi, yasingiriza navoora, “Ivi ung'anyaa kuzia mu vandu va Babiloni!”

Jeremia 38:7

Lwa Ebedimeleki kutura Ezopia, uwakola miyinzi munyumba yu vwami, yahulira ndi vamali kumbika mu vogo, ing'inga yu mwami yaali ni yikaye ha kirivwa cha Benjamini,

Amosi 9:11

Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Mika 4:1

Mu madiku gaaza mukigulu chi Litembeli liumbakwa, kilakave kiguru kitambi ligali kuvita vigulu vindi viosi. Zihiiri zinyingi zilangunyana kuzia mu kiguru yiki,

Zekaria 12:6

“Ing'inga yene yeyo ndakakole zihiiri zie Vuyuda kuva kuli inyingu eveeye ku lomemo liumuliru hagati hu mulitu, anoho kuli muliru hagati hu mulimi gwu vuswage vwumu; muliru gulakadivizi zihiiri ziosi ziavakumberiza. Avandu va Jerusalemi valakamenye mu mirembe mu lidaala linene.

Zekaria 2:4

Engelosi wukutanga yavolera engelosi ya kaviri, “Nyagura, ovoolere musoleri oveeye nu mugoye gwo kogera ndi kuziiza kuva na vandu vanyingi kandi ni mitugu minyingi mu Jerusalemi; kandi lidaala lilava linene ligali. Sinalive namadigi gu kulikinga mba.

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Joshua 15:32

Lebaozi, Shilihimu, Aini, na Rimoni; madaala goosi manene harara nu tudaala twago twosi twalikumberiza sirini na tisa.

Joshua 21:17

Vahevwa kandi madaala manene gane kutura mu kivala cha Benjamini. Madaala yaga gaali: Gibeoni, Geba,

Vakalagi 20:45

Avandu vandi viiruka ni vazia mukiguuti kuduuka ku Lwanda lwa Rimoni. Avandu va Benjamini izielefu zitano viitirwa kuzinzira. Avandu va Isiraeli valondelera ligali avaari nivatigaaye kuduuka ha Gidomu, nukwita avandu izielefu ziviri.

Vakalagi 20:47

Navuzwa avandu 600 vanyaliza kohononoka mukiguuti kuduuka ku Lwanda lwa Rimoni, kandi vamenya mu mieli gine.

Vakalagi 21:13

Maku ilivugana liosi liatumana makuva ku vandu va Benjamini avaari nivivisi mu Lwanda lwa Rimoni kandi nivavugirizana kolekera uvulwani.