Zekaria 12:6 - KITABU KITAKATIFU

⁶ “Ing'inga yene yeyo ndakakole zihiiri zie Vuyuda kuva kuli inyingu eveeye ku lomemo liumuliru hagati hu mulitu, anoho kuli muliru hagati hu mulimi gwu vuswage vwumu; muliru gulakadivizi zihiiri ziosi ziavakumberiza. Avandu va Jerusalemi valakamenye mu mirembe mu lidaala linene.

Zekaria 12:6 ပူးပေါင်းရင်းမြစ်များ

Isaya 54:3

Ulasunda zinzako zizio zivambuki ku zimbega ziosi; kisukururwi chicho kilirana kuvugura kivala, ichi zihiiri zindi zimenya mu kalunu. Madaala manene agaali nigang'anywa galizula avandu.

Isaya 9:20

Havundu hoosi mu kivala avandu vanuraa nukulia ichukulia choosi cha vanyara konyoora, navuzwa sivigutaa kali hakuzu mba. Kali valiza avana vaavo vene!

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Obadia 1:18

Avandu va Yakobo valakave kuli muliru, avandu va Josefu valakave kuli olomemo. Valakadivizi avandu va Esau kuli muliru gusambaa luvuva. Avandu va Esau si valakahoneku kali mulala mba. Inzi Yahova mali kovora.

Mika 4:13

Yahova avoora, “Avandu vi lidaala linene lia Jerusalemi, muzie ma muhaane amageri ku vasigu vinyu! Ndamukora muve ni zinguru kuli igiriki eveeye ni zinziga zie kivia ne zimbagayu zie migasa. Mulashonoranyia zihiiri zinyingi, na mulaleetera inzi Yahova wi lirova liosi uvutugi vwa vanyoola mulitumikira zinguru.”

Zekaria 1:16

Kunangwa inzi mali kwirana mu Jerusalemi no kovererera lidaala linene. Litembeli liange lilumbakwa vuhia. Lidaala linene lilumbakwa kandi.”

Zekaria 11:1

Mwiguli viliango vienyu, O, Lebanoni, kunangwa muliru guduuki kusamba ligali misaala ji midaragwa jinyu!

Zekaria 12:5

Maku zihiiri ziosi zie Ivuyuda zilakevoolere, ‘Yahova Nyasaye Wuvunyali ahaanaa zinguru ku vandu veve avamenyi mu Jerusalemi.’

Zekaria 2:12

Avandu vi Ivuyuda kandi valakave vatovole va Yahova mu kivala chiche kitakatifu. Jerusalemi lilakave lidaala linene lia nayaanze kuvita madaala gandi goosi.

Zekaria 2:4

Engelosi wukutanga yavolera engelosi ya kaviri, “Nyagura, ovoolere musoleri oveeye nu mugoye gwo kogera ndi kuziiza kuva na vandu vanyingi kandi ni mitugu minyingi mu Jerusalemi; kandi lidaala lilava linene ligali. Sinalive namadigi gu kulikinga mba.

Zekaria 9:15

Yahova Wuvunyali alakakingi avandu veve, kandi alakadivizi avasigu vaavo. Valakahanzuki mu liihi kuli vahambiku, kandi valakatahizi avasigu vaavo masahi, galakidoleke kuli masahi gi visiuviliru, gasundulwa ku vwali kutura ku ibakuli.

2 Vakorintho 6:7

Kwilwaza likuva lietu lia giligali mu zinguru zia Nyasaye. Koveeye nu vulungi kuli viugi viu kulwaanira kandi kwikingira.

Likunula 20:9

Vaasalana mu lirova liosi kandi nivakumbiriza amadara ga vandu va Nyasaye ni lidaala lia yayanza. Navuzwa umuliru gwatura mwigulu niguvadiviza.