Zekaria 12:5 - KITABU KITAKATIFU

⁵ Maku zihiiri ziosi zie Ivuyuda zilakevoolere, ‘Yahova Nyasaye Wuvunyali ahaanaa zinguru ku vandu veve avamenyi mu Jerusalemi.’

Zekaria 12:5 ပူးပေါင်းရင်းမြစ်များ

Zaburi 144:1

Yahova mukingi wange yizominywe, aveeye mukingi wange. Yanzigiza kuli nyara kuzia mu liihe, kandi yanzetegekizaa kuzia mu vulwani.

Zaburi 18:32

Ni Nyasaye ongolaa mbe ni zinguru, kandi akolaa zinzira ziange kuva zindahi.

Zaburi 18:39

Ivi ombeye zinguru kulwaana na vasigu vange, kandi kuvaguuta ligali.

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Isaya 1:10

Jerusalemi, avamihi vovo na vandu vovo vaveeye kuli avandu va Sodoma na Gomora. Muhuliri aga Yahova amuvoleraa. Mutegize amatu ku aga Nyasaye wiitu amwigizaa.

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Isaya 1:26

Ndamuha avamihi na vahaani vi zing'anagani kuli yavo ava mwali navo maziambiri. Maku Jerusalemi, ilalangwa lidaala linene lirungi kandi lisuuvirifu.”

Isaya 28:5

Lidiku liizaa lwa Yahova Wuvunyali alakave kuli itaji yuvukumi vwikimuli kigira avandu veve avalihononoka.

Isaya 28:6

Alakahaane zing'anagani zie likalaga lirungi ku yavo avatumikaa kuli vakalagi, na uvuluviliri ku yavo avakingaa virivwa via madaala manene kutura ku lingilirwa.

Isaya 29:10

Yahova umali kumukola mutengeze kwetegeka kogona zindoolo zinene ligali. Avaporofeti vaduukana vave zimoni zia vandu, navuzwa Nyasaye uvavakurizi.

Isaya 32:1

Lidiku lilala alakaveho Mwami uliamiihi ni likalaga lirungi, kandi aviimiliri vizihiiri valakimiliri nu vulungi.

Isaya 45:24

“Vosi valavoora ndi, vulungi kandi zinguru vituraa ku inzi, navuzwa vosi avadunyiraa inzi, valaduuka mu zisoni.

Isaya 60:17

“Ndamuletera izahabu havogono vwu mugasa, kandi ndamuletera ifeza nu mugasa havogono hi kivia nu musaala, kandi ndamuletera ikivia havogono hi iligina. Avamihi vinyu si valamudambiza kandi mba. Ndavakora vamwamiihi nu vulungi kandi ni mirembe.

Jeremia 30:21

Aviimiliri vaavo valatura mukivala chavo chene, avanene vaavo valatura hagati ha avandu vaavo vene. Ndamugerihiza, na alisunda himbi ku inzi, nivwaha unyala kogeriza kuuza vugira kogenihizwa?

Jeremia 33:26

Ligali kuli mali kokora yaga, kunangwa ndadinyiriza lilagana liange ni visukululwi via Yakobo harara na Daudi mutumikiri wange. Ndatovora mulala ku visukululwi via Daudi kwamiiha visukululwi via Aburahamu, Isaka na Yakobo. Ndavera avandu vange zimbavasi kandi ndavagasiza ni miandu kuli vaali maziambiri.”

Joeli 3:16

Yahova ahuumaa kutura mu kiguru cha Ziyoni; mwoyo gwigwe gwatuluruka kutura mu Jerusalemi; lirova ni ligulu videgera. Navuzwa alakinga vandu veve.

Zekaria 10:12

Ndakahaane zinguru ku vandu vange; valakasigamiri kandi valakatie inzi.” Yahova umali kovora.

Zekaria 10:6

“Ndakahaane zinguru ku vandu vi Ivuyuda. Ndakasole avandu va Isiraeli. Ndakavaveere zimbavasi kandi ndakaviranye yengo. Valakave kuli avandu vandavula kusuura. Inzi ni Yahova Nyasaye wavo, ndakahaane mativuli ku lisaala liavo.

Zekaria 12:4

Ing'inga yeyo ndakakole zibarasi vaavo ziosi kuva nuvuti kandi ndakakole vahiri vazio vosi kuva valalu. Ndakalindi avandu vosi vi Ivuyuda, navuzwa ndakavakulizi zibarasi zia vasigu vaavo.

Zekaria 12:6

“Ing'inga yene yeyo ndakakole zihiiri zie Vuyuda kuva kuli inyingu eveeye ku lomemo liumuliru hagati hu mulitu, anoho kuli muliru hagati hu mulimi gwu vuswage vwumu; muliru gulakadivizi zihiiri ziosi ziavakumberiza. Avandu va Jerusalemi valakamenye mu mirembe mu lidaala linene.

Zekaria 14:14

Avasaza vi Ivuyuda valakalwaane no kosoola Jerusalemi. Valakavuguli vutugi vwi zihiiri zindi kuli vilaanye, vindu kuli izahabu, ifeza kandi zinguvu zinyingi.

Vakalagi 5:9

Umwoyo gwange goveeye na aviimiliri vu vulwani vwa Isiraeli, harara nayavo avituliza aveene, Yahova yizominywi!