Zekaria 12:10 - KITABU KITAKATIFU

¹⁰ “Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Zekaria 12:10 ပူးပေါင်းရင်းမြစ်များ

Litanga 45:1

Josefu siyaali anyala kwigalira liiva lia yaali mu imbiri wa vatumikiri veve mba. Kunangwa yavavolera vosi kuzia ichova. Si yaliho nu mundu kali mulala lwa Josefu yivuula ku vamwavo veve mba.

Litanga 45:2

Yalira nu mwoyo munene, kali kuduuka vandu va Egebeti nivahulira, kandi makuva gaduukaa munyumba yu vwami.

Zaburi 51:12

Unzilanyili uvusangari uvutulaa ku vohonyi vuvwo, na ongole mbe ukuhulilaa.

Tsing'ano 1:23

Muhuliri lieganihiza liange. Inzi ndahaana zing'anagani zindahi ku munyi, kandi ndamuha vogeri vwange.

Tsing'ano 4:3

Lwa ndaali ningikiri muyaayi musoleri, mwana mudelwa ku vivuli vange,

Isaya 32:15

Navuzwa ing'inga yindi kandi Nyasaye alakuhanira Roho viamo. Kivala chi changarangwi kilava mulimi mugunamu gwi viavo.

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Jeremia 31:19

Kunyi kwasuula ivi, navuzwa nulwazana kwenya kwirane kuive. Inyima lwa waari nuwakakuha amageri, kwinaminya mitwi jiitu mu vovereri. Kwali muzisoni, kigira kwakora uvwoni nikuveeye avasoleri.’

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Jeremia 50:4

Yahova avoora, “Lwing'inga yeyo iliduuka, avandu vombi va Isiraeli ni Ivuyuda valakaze nivalira, nivenya inzi, Nyasaye wavo.

Jeremia 6:26

Yahova avooreraa avandu veve, “Mwiviki zinguvu ziamagunia na mugalagale muligoke. Musiome vululu kuli unyala kusioma mwana muderwa, kigira oyo uzaa kudiviza munyi nonoho alamwingiira.

Ezekieli 20:43

Maku mulakizulizi vindu viosi vie zisoni via mwakora kandi kuli mweyonogonyia. Mulakave ni livihiririzwa aveene kigira vindu vidamanu viosi via mwakora.

Ezekieli 37:14

Ndakahuuzi mwika gwange muvo, na mbakole navave mwoyo, kandi ndavaleka vamenye mu kivala chavo aveene. Maku navamanye ndi, inzi mbeeye Yahova. Mali kulaga ndi ndakora yaga, kandi ndakora. Inzi, Yahova, mali kovora.”

Ezekieli 39:29

Ndaviika Roho gwange ku vandu va Isiraeli, kandi sindagirung'ana kutura kuvo mba. Inzi Yahova Wuvunyali mali kovora.”

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Livalidza 21:9

Maku Musa yalomba enzoka yu mugasa na viika kumusaala. Mundu woosi waali nalumiywi niyaheenzaa konzoka yu mugasa yiyi, yahona.

Matayo 24:30

Maku kelolekizu chu Umwana wa Adamu kilakaloleke mwigulu, na ahene yaho zihiiri ziosi zie lirova zilakaliri, lwa valilola Umwana wa Adamu ni yazaa ku malesi ni zinguru nu vukumi vonene.

Matayo 26:75

na Petero yizuliza amakuva ga Yeso yamuvolera, “Idaywa nikikiri kulagula, ivi ulanyambakana haali kavaga.” Yatura nazia ichova nalira ligali no vovereri.

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

Vikolwa 10:45

Avayuda vandu avasuuviraa, avaazaa harara na Petero kutura Jopa, vagenya kolola ndi Nyasaye uviiki kihanwa cha Roho Mutakatifu ku avandu vi zihiiri zindi kandi;

Vikolwa 11:15

Lwa ndatanga komoloma kuvo, Roho Mutakatifu yika kuvo kuli yika ku kunyi mulitanga.

Vikolwa 2:17

‘Mu madiku ge keheri, Nyasaye avoora: Ndazuka Roho wange ku avandu vosi. Avana vinyu, avayaayi na vakana, valaporofeta makuva gange; vasoleri vinyu valalola malola, na vasakulu vinyu valalota maloto.

Vikolwa 2:33

Yeso umali konenehizwa kuduuka ha mukono mulungi gwa Nyasaye, Baba weve, kandi umali konyoora Roho Mutakatifu kutura kuye, kuli yaali niyasuuviriza. Icha munyi muloraa kandi muhulira kalunu keveeye kihanwa chiche ichamali kuzuka ku kunyi.

Vikolwa 2:37

Lwa avandu vahulira yaga, vatumitwa mu mioyo jaavo, nivateeva Petero na avatumwa vandi, “Avaamitu, kokora ki?”

Varumi 8:15

Roho wa Nyasaye umali kuhona ku munyi siamukolaa vatugwa kandi kumukola muve nuvuti mba. Mu vogono yivwo, Roho amukolaa muve avana va Nyasaye; na kuzinguru zia Roho uyu, kwanira ku Nyasaye, “Abba, Baba” iliveeye kovora, Baba! Baba wange!

Varumi 8:26

Munzira ndala nzere Roho yazaa akokonyaa mu vodedekere vwitu, kigira sikumanyi kuli gakuduukiraa kusaala mba. Navuzwa Roho mwene akusaaliraa ku Nyasaye mu likenya lietu linene litanyala kutivulwa mu makuva ga kazozo.

Vafeso 6:18

Musaale zing'inga ziosi kuli Roho amwimilira; nimusavaa vokonyi ku Nyasaye, kigira yaga goosi mwetegeke kandi mutakuzi mioyo mba. Muhongere mu lisalira vandu va Nyasaye kazozo.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Yudasi 1:20

Navuzwa munyi, avalina vange avayaanze, muzizagiliri kwiyumbaka aveene ku ilisuuvira lienyu litakatifu ligali. Musaale mu zinguru zia Roho Mutakatifu.

Likunula 1:7

Henza! Yazaa mu amalesi kandi avandu vosi valamulola, harara na yavo vosi avamwita. Avandu vosi vi lirova valakasiomere kuye kigira agavamukolera. Nindio galiva Amini.

1 Samweli 7:2

Lisandugu lie Lilagana lia Yahova liamenya mu Kiriazi-Jearimu ku ing'inga indambi, ahimbi mihiga sirini. Ing'inga yiyi yoosi, Avaisiraeli vosi vanira ku Yahova avakonye.