Zekaria 1:15 - KITABU KITAKATIFU

¹⁵ Navuzwa mbeeye nu vutima vunyingi ligali ni zihiiri zisangaliraa vweremerizi ni mirembe. Lwa ndaali nengehizi vutima vwange ku vandu vange, zihiiri yizi ziameeda vusaliri ku vandu vange.

Zekaria 1:15 ပူးပေါင်းရင်းမြစ်များ

Ayubu 30:13

Vononya inzira yange yokohona kandi vameda ikivi ku kivi change, sihaliho nu mundu kali mulala wu kuvagaya mba.

Zaburi 123:4

Kumali kokolerwa kehenyahenye ku ing'inga indambi ligali na vatugi. Kumali kolegerizwa ligali na vadambizi avelori.

Zaburi 137:7

O, Yahova, wizulizi aga vandu va Edomu vaakora ku lidiku lia Jerusalemi liagumirwa. Wizulizi kuli vavoola, “Mu livululi lidaala linene lia Jerusalemi yilio! Muyavugululi kali mise jalio!”

Zaburi 69:26

Vadambizaa oyo wa ivi umali kuha amageri, vameeda uvusaaliri ku yavo ava ivi umali kwata ologoma.

Isaya 54:8

Ndaagirung'ana kutura ku ivi mu vutima vonene ku ing'inga engekeeke, navuzwa kalunu ndakumanyia uvuyanzi vwange vutali nekeheri. Nindio Yahova ohonyiaa.

Jeremia 30:16

Navuzwa kalunu, vosi avamudiviza navo kandi ndavadiviza, kandi avasigu vinyu vosi valahirwa ihale kuli vahambe. Vosi avamudambizaa navo kandi valadambizwa, kandi vosi avamuranya navo valaranywa kandi.

Jeremia 50:33

Yahova Wuvunyali avoora, “Avandu va Isiraeli na vandu vi Vuyuda vadambizwa. Vosi avavagumila vavalinda vudinyu ligali kandi sivanyala kuvavoholola mba.

Jeremia 51:24

Yahova avoora, “Mulalora inzi nimbanza kisaalia ku Babiloni harara na vandu valio kigira uvwoni vwosi vwa vaakora ku Jerusalemi.

Ezekieli 26:2

Yavoola, “Mwana wu Mundu,” Yiki nicho kigira vandu va Tiro vasangala. Vahanzuka nivavoora, “Jerusalemi imali kudivizwa! Likiranyia lialio lie zinguru limali kohera! Si valahingana kandi nikunyi mba.”

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Habakuk 3:12

Ugendaa mu kivala nu vutima, waduvaga zihiiri nu vutima vululu.

Zekaria 1:11

Zibarasi ziavoolera engelosi ya Yahova waali nasingiyi hagati hi misaala ndi, “Kumali kogenda mu kivala choosi kandi konyooye lirova liosi liveeye nu vweremerizi kandi liveeye ni mirembe.”

Zekaria 1:2

Yahova Wovunyali yavolera Zakaria avolere avandu ndi, “Inzi Yahova, ndaali nu vutima vunyingi ligali na vaguuga vinyu,

Zekaria 14:12

Yahova alakaleete vulwaye vudamanu ligali ku zihiiri zilileta vulwani ku Jerusalemi. Miviri jaavo jilakagundi nivakikiri mwoyo; zimoni ziavo kandi zinimi ziavo zilakagundi.

Zekaria 6:8

Maku engelosi yambanzukira, “Zibarasi ziziyi Ivaale wa Babiloni zia homatiza vutima vwa Yahova.”