Zefania 3:6 - KITABU KITAKATIFU

⁶ Yahova avoora, “Inzi mali kutulizaho zihiiri ziosi, mali kudiviza madaala gaavo nokoleka madigi galio kandi minaara jalio kuva mang'anye. Madaala gamali kolekwa; zinzira ziago ziatigala hazwa si aveeyeho nu mundu uvitira muzio mba.

Zefania 3:6 ပူးပေါင်းရင်းမြစ်များ

Isaya 14:26

Yili ni lilohiza liange ku lirova liosi, kandi nanyiira mukono gwange kuhaana amageri ku zihiiri ziosi.”

Isaya 37:36

Engelosi ya Yahova yazia hokososa ha vandu va Asiria ma ni yita avasikari 185,000. Mugambazuri lidiku lialonda ku, vosi vaali avakuzu.

Isaya 6:11

Ndaateva, “O, Yahova, yaga galava kuli ndi kuduuka ing'inga ki?” Yativura, “Kuduuka lwa madaala manene gadivizwa ligali nokokorwa hazwa, kuduuka lwi zinyumba zitigala vugira mundu, kandi kuduuka lwi kivala chene kidivizwa ligali.

Jeremia 9:12

Inzi ndaateva, “Yahova, kigira ki kivala chasambwa kandi chayumba kuli changalangwi, kunangwa umundu kali mulala sianyala kuvitiramu mba? Nivwaha oveeye umugeri kumanyiriza yaga? Nivwaha wawavoolera yaga kunangwa aduuki kovoolera avandi?”

Kyavalevi 26:31

Ndakora madaala ginyu manene kugwa mang'anye, ndononyia havundu ahatakatifu hinyu hukusigamira vifananyi kandi ndasuura kuvugilira visiuviliru vienyu.

Zefania 2:5

Munyi avandu va Filisitia mwadiva! Munyi avandu vamumenyi ahimbi ni inyanza. Yahova umali ku mukalagiraa. Alakamudivizi kandi avulaho mundu kali mulala ku munyi ulitigara.

Zekaria 7:14

Ndavasalanyia kuli kiihi nimbahila komenya muvivala vio vogeni. Kivala kilahi yiki chaalekwa chere vugira mundu komenya mucho.”

Matayo 23:38

Kalunu henza, Litembeli liilio lilatigala mang'anye.

1 Vakorintho 10:11

Kunangwa vindu yivi viosi viekoleka kuvo niviva kuli chukwiganihiza ku kunyi. Kunyi komenyi mu ing'inga lwi keheri keveeye ahimbi kuduuka.

1 Vakorintho 10:6

Yaga goosi gaveeye ekelolero ku kunyi kukwiganihiza kunangwa kuvuli kwegomba kokora uvudamanu kuli yavo vaakora,

Joshua 23:4

Mali kuhaana ku zihiiri zienyu kivala choosi kuva miandu kutura ku mugera gwa Jorodani kolovega lwi Ivugwi kuduuka kunyanza nene ya Meditareniani kolovega lwi Imadioli. Kivala chi zihiiri ziosi icha mumali kuguuta mu vwimiliri vwange, kandi cha kukikiri kuguuta.