Zefania 1:13 - KITABU KITAKATIFU

¹³ Vutugi vwavo vulavugulwa kandi zinyumba ziavo ziladivizwa. Sivalakamenye mu zinyumba zia vumbaka mba, anaho sivalakanwi iwaini kutura ku mizabibu jaavo ja vataga mba.’ ”

Zefania 1:13 ပူးပေါင်းရင်းမြစ်များ

Isaya 6:11

Ndaateva, “O, Yahova, yaga galava kuli ndi kuduuka ing'inga ki?” Yativura, “Kuduuka lwa madaala manene gadivizwa ligali nokokorwa hazwa, kuduuka lwi zinyumba zitigala vugira mundu, kandi kuduuka lwi kivala chene kidivizwa ligali.

Jeremia 15:13

Yahova yambolera, “Ndatuma avasigu kuzia kulanya uvutugi kandi amaviikiru ga vandu vange. Ndakora ndio kuhaana amageri kuvo kigira uvwoni vwa vamali kokora mu kivala choosi.

Jeremia 17:3

kandi ku vigulu viu mukivala kigalamu. Ndakora avasigu vinyu vavugura uvutugi kandi amaviikiru ginyu, kigira uvwoni vwosi vwa mumali kokora mukivala chiinyu choosi.

Jeremia 4:20

Ikivi kilala kelondekana nikindi; kivala choosi kimali kugwa mang'anye. Nonoho amahema giitu gononyiywi; zisuka ziago zitanduranyiywi muvidonye.

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 5:17

Valononyia vitagwa vienyu kandi viukulia vienyu; valiita avayaayi na avakaana vinyu. Valasinza mitugu jinyu kandi valononyia mizabibu ni mikuyu jinyu. Liihi liavo liladiviza amadara ginyu gizimbinga agamwasuuvira.

Jeremia 9:11

Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Jeremia 9:19

Hulira ilihulirika lielilira mu Ziyoni, “Kwadivizwa! Koveeye muzisoni ligali! Kuduuka kutuli mukivala chiitu; zinyumba zietu zimali kusambulwa.”

Lisyoma lya Jeremia 5:2

Miandu jietu jiveeye mumakono ga vandu avageni; avageni vamenyi muzinyumba zietu.

Ezekieli 22:31

Kunangwa muvutima vwange vululu, ndaaza mbane mageri ku vandu va Isiraeli ku aga vamali kokora, kandi navamanyirizi ndi inzi mbeeye nu vutima.” Yahova umali kovora.

Ezekieli 7:19

Navasiuvi zizahabu ni zifeza ziavo mu zinzira, nazive kindu kitaveeye kilahi. Izahabu ni feza yaavo sinivahonye mu lidiku liuvutima vwa Yahova vululu mba. Yivi viosi si vilavakola kwiguta mba, kigira izahabu ni ifeza yavo vimali kuvakola kwikigatira nukuzia mu vwoni.

Ezekieli 7:21

Yahova avoora, “Inzi ndaleka vageni vavalanye, kandi avavunanyi vamalago valavugula vutugi vwavo kandi valavwonogonyia.

Ezekieli 7:24

Inzi ndaleta zihiiri zindamanu ligali hano, kandi ndazileka zivuguli zinyumba zienyu. Avasaza vinyu vizingulu navave avadedekere lwa nandeke zihiiri kwononya havundu ha mwasigamiraa misambwa.

Amosi 5:11

Kunangwa mumali kudambiza avadaka nu kuvanura vuswage vwavo. Kigira yaga, simulamenya mu zinyumba zindahi zia magina gavazwa zia mwumbaka, kandi simulanwa iwaini kutura ku mizabibu milahi ja mwasimika mba.

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Mika 6:15

Mulataga vuswage, navuzwa simulakagese, mba mulamiina nukukamula amaguta kutura mu mizeituni, navuzwa simulanyora amaguta gu kwivaka mba. Mulamiina makuyu, navuzwa simulanwa iwaini mba.

Zefania 1:9

Ndakahaane mageri ku vosi avasigamiraa vifananyi kandi yavo avivaa nu kwiita kunangwa vaduuki kwizuliza zinyumba zia vami vaavo ni vindu via valanyi.”

Kwidzulitsa 28:30

“Mulahaamba vakana, navuzwa vasaza vandi valavaleeta. Mulumbaka zinyumba, navuzwa simulamenya mu mba, mulasimika vizabibu, navuzwa simulalia mazabibu gacho mba.

Kwidzulitsa 28:39

Mulasimika mizabibu minyingi nokugisembelera, navuzwa simulavungiza mazabibu gajo anoho kunwa iwaini yajo mba kigira zing'ende zilagalia.

Kwidzulitsa 28:51

Valalia mitugu jinyu kandi viamo vienyu na munyi mulava ninzara kuduuka lwa mukuza. Sivalamulekela vuswage ku iwaini, maguta ga mizeituni, anoho magondi mba, kuduuka lwa mukuza.