Zefania 1:12 - KITABU KITAKATIFU

¹² “Ing'inga yeyo ndakavuguli itaya nu kwenyeleriza Jerusalemi. Ndakahaane mageri ku vandu visuuvirizaa vene kandi avaluviriri, avevoora ndi, ‘Yahova siakolaa kindu choosi kilahi anoho kidamanu mba.

Zefania 1:12 ပူးပေါင်းရင်းမြစ်များ

Ayubu 21:15

Wuvunyali nivwaha, kuduuki kumutumikira? Kulanyoola vukala ki ni kusaala kuye?

Zaburi 10:4

Mundu muchamu siahendera Yahova mwoyo mba; mu liegingira lilie, umudamanu aganagana ndi, “Nyasaye siaveeye ho.”

Zaburi 14:1

Avandu vasiru vavola mu mioyo jaavo ndi, “Nyasaye siaveeye ho mba.” Vosi vaveeye avadamanu, kandi vamali kokora agukuvihiririza; sihaveeye ho nu mundu kali mulala okolaa agaveeye malungi mba.

Zaburi 94:7

Vavoola: “Yahova sialola cha kunyi kokoraa mba; Nyasaye wa vandu va Isiraeli siamanyi kindu mba.”

Isaya 5:19

Vavoola, “Leki Yahova akole vwangu nokokola ichaavoolaa alakola, mbula kuduuki kukelora. Leka Nyasaye Mutakatifu wa Isiraeli adukize lilalira lilie. Leki kolole aveeye na lilohiza ki mu zing'anagani zizie.”

Jeremia 10:5

Ivifananyi kuli yivi viveeye kuli ivifananyi viukutihiza mu mulimi gwi zindaange; sivinyala komoloma mba, kuduuka vigingwi kigira sivinyala kogenda mba. Mutavitia mba: Sivinyala kumusaliriza mba, kandi sivinyala kumukolera uvulahi mba.”

Jeremia 48:11

Yahova avoora ndi, “Avandu va Moabu vamenya mu likingwa kazozo, na sivahilwaku mu vuhambe mba. Vaveeye kuli iwaini iviikiywi mu kiju kilala vujira kwituruka kutura mu kiju kilala kuzia mu kiju kindi. Ovonolu vwayo si vwayononywa mba, kandi lizazama liayo liveeye lilahi kazozo.

Ezekieli 8:12

Maku Nyasaye yambolera, “Mwana wu Mundu, ololaa agaviimiliri va Isiraeli vakora mu vwivisu? Vosi vaveeye mukeng'oze chizuuyi vifananyi kandi vavisigamiraa. Vavola ndi, Yahova akolola mba! ‘Yahova umali koleka kivala.’ ”

Ezekieli 9:4

“Zia mu lidaala linene lia Jerusalemi liosi na uviiki kelolero ku vweni vwa vuli mundu overeraa kandi usiomaa kigira vindu viosi viu kuvihiliriza vikoleka mu lidaala yili.”

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Obadia 1:6

Munyi visukululwi via Esau, amaviikiru ginyu gamali kulanywa.

Malaki 2:17

Munyi mwageliza Yahova na makuva ginyu. Navuzwa muteeva ndi “Kwa mugerizaa ndi?” Kunyi kovora ndi “Vuli mundu woosi okolaa vudamanu aveeye mulahi imbiri wa Yahova, kandi Yahova yavayanza.” Kandi kovora ndi, “Nyasaye wi likalaga lirungi aveeye hayi?”

2 Petro 3:4

valateeva, “Yalaga ndi alaza; na kalunu aveeye haliha? Avaguuga viitu vamala kukuza, navuzwa ivindu viosi vikiri vuzwa vilala viele kuli viali kutura lwe lirova lialombwa!”

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.