Zaburi 98:4 - KITABU KITAKATIFU

⁴ Mwimbiri Yahova kigira uvusangari, O, munyi vandu vosi vi lirova. Mumwizominyi ni zinyimbu kandi Isango yuvusangali!

Zaburi 98:4 ပူးပေါင်းရင်းမြစ်များ

Zaburi 100:1

Mwimbiri Yahova lwimbu lwu vusangali, O, munyi avandu vilirova liosi.

Zaburi 66:1

Avandu vosi, vizominye Nyasaye nu vusangali!

Zaburi 66:4

Avandu vosi ku lirova valakusigamira; valimba nu kwizominya ivi, valiimbi zinyimbu zie lizominya ku lieta lilio.”

Zaburi 67:4

Leka zihiiri ziosi zive nu vuyanzi kandi vimbi nuvusangali, kigira ivi ukalagiraa avandu nuvulungi; Kandi wimiliraa vuli ihiiri ku lirova.

Zaburi 71:22

Ndakwizominya ligali nuvukana; O, Nyasaye wange, ndizominya uvusuuvirifu vuvwo. Ndakubira ivi zinyimbu ziu kukwizominya ku lidungu liange. O, ivi Nyasaye Mutakatifu wa Isiraeli.

Zaburi 95:1

O, Hambi, gendi kwizominye Yahova! Gendi kwimbi nu vusangali ku Nyasaye ukukinga nokokohonyia.

Zaburi 95:2

Kandi kuzie imbiri weve nilisandiza; Gendi kumwimbiri zinyimbu ziesango yilizominya.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 42:11

Avandu vamenyi mu changarangwi, kandi avandu vamenyi mu madaala vizominye Nyasaye; avandu vamenyi mu madaala ga Kedari vamwizominye! Avandu vamenyi mu lidaala lia Sela vimbi ni vasaangala kutura kuzindongozi zie vigulu.

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Zefania 3:14

Mwimbi kandi musangare, munyi, avandu va Isiraeli! Musangare ni mioyo jinyu josi, Jerusalemi!

Matayo 21:9

Kiduma cha avandu valala vaamwimilira na avandi nivamulonda inyima. Vataanga kuhanzuka nivavoora, “Hosana ku Umwana wa Daudi! Agasizwi uyu uzaa mu Iieta liu Mwami! Yizominywi Nyasaye oveeye yigulu mwigulu!”

Likunula 19:1

Inyima wa yaga, ndaahulira umufumu gwu mwoyo munene gwi kiduma kenene cha avandu mwigulu, nivavoora, “Haleluya ovohonyi, nu vukumi, ni zinguru viveeye via Nyasaye wiitu!

Likunula 19:6

Ndaahulira kandi umwoyo gwi kiduma kenene, kandi kuli gwa amazi manene gafuumaa, kuli lihirigana linene lie inguba. Ndaahulira mioyo yijo nijivolaa, “Nyasaye yizominywe! Nyasaye wiitu Wuvunyali aveeye mwami.