Zaburi 97:1 - KITABU KITAKATIFU

¹ Yahova aveeye mwami! Lirova, musangare! Musangare, O, munyi visulu vie inyanza.

Zaburi 97:1 ပူးပေါင်းရင်းမြစ်များ

Litanga 10:5

Vaali avaguuga va vandu vamenya ahimbi ku visulu vienyanza. Yivi nivisukululwi via Jafeza, ivimenyi muzihiiri nivivala viavo lugano na lugano vuli muganda nigumoloma lulimi lwagwo.

Zaburi 2:11

Mutumikiri Yahova nuvuti; mumutumikiri nilidegera;

Zaburi 93:1

Yahova, aveeye mwami. Wiviki uvukumi vonene ni zinguru zinene ligali. Usingirizi lirova vudinyu mu vogono vwalio kandi silinyala kusundwa kali hakuzu mba.

Zaburi 99:1

Yahova aveeye mwami; leka avandu vadegere. Yikalaa kondeve yeeye yu vwami igulu wi vilombe vie zimbaha, na lirova lidengeyaa!

Isaya 11:11

Lwa ilidiku yilio liduka, Yahova alakatumikiri zinguru zizie kandi koleta avandu veve yengo, avandu vaatigara mu kivala cha Asiria na Egebeti, kandi muvivala via Panzurosi, Ezopia, Elamu, Babiloni; Hamazi, kandi kutura mu visulu vie inyanza.

Isaya 41:5

“Avandu vamenyi ihale vamali kolola aga inzi ndaakola, vaveeye nu vuti kandi ni lidegera linene. Kunangwa vosi visunda ahimbi nu kuvugana harara.

Isaya 42:4

Sialakuza mwoyo mba, navuzwa alaleeta likalaga lirungi ku lirova. Avandu vamenyi mu visulu valindilira lilaga lilie.”

Isaya 49:1

Munyi zihiiri zimenyi mu visulu vie inyanza. Mumbulirizi, munyi avandu vamenyi ihale! Yahova yananga kandi nandovola kuva mutumikiri weve lwa ndaali ningikiri kwivulwa.

Isaya 49:13

O, ligulu liosi mwimbi! Kandi, lirova liosi mwimbi nimusangara! Vigulu viosi mwimbi zinyimbu! Yahova alaleminya avandu veve mioyo, kandi alavererera yavo avaveeye mu lidambizwa.

Isaya 51:5

Ndaaza vwangu nukuvahonyia; ing'inga yi liguuta liange eveeye ahimbi. Inzi mwene ndamiiha ku zihiiri. Vivala vie ihale vinindilira inzi nzize. Valalindilira ni lisuuvira ndi ndavahonyia.

Isaya 60:9

Vaveeye kuli zimeri zia Tarishishi izitulaa mu visulu vie inyanza, ziletaa avandu va Nyasaye kutura muvivala vie ihale. Valaleta ifeza kandi izahabu kuhaana luyali ku lieta lia Yahova, Nyasaye Mutakatifu wa Isiraeli, uwa lomba zihiiri ziosi kuhaana uluyali ku vandu veve.

Isaya 66:19

kandi valamanya ndi inzi Yahova mbana amageri kuvo. Navuzwa ndahonyia valala nukuvatuma ku zihiiri, ziveeye mu vivala vikagatanaa ni inyanza - Tarishishi, Libia, Lidia kivala keveeye na vasaza vaveeye ni limanya liu kulasa uvuta, Tubali kandi Ivuguriki. Avandu vakikiri kuhulira luyali lwange anoho avakikiri kolola ovonene kandi zinguru ziange, hagati hi zihiiri yizi, valalandiza ovonene vwange.

Obadia 1:21

Avasaza vaguuti kutura Jerusalemi valakazie kwingilira kivala cha Edomu nukuchamiiha. Yahova mwene alakave Mwami.”

Zefania 2:11

Yahova alakavatiihizi. Alakalombe avanyasaye vaavo vi kivala kuva kindu vuzwa, maku zihiiri ziosi zilakamusigamiri muvivala viavo.

Zekaria 14:9

Maku Yahova alakave mwami wi kivala choosi; vuli mundu alakamusigamiri kuli Nyasaye kandi nu kumanya lieta lilie.

Matayo 3:3

Yohana uyu niyie wu muporofeti Isaya yamoloma amakuva geege na avoora, “Umwoyo gwu Mundu guhanzukaa mwigendanyama: ‘Mulombe inzira yu Mwami, mulungikizi mihanda jije.’ ”

Matayo 6:10

Uvwami vuvwo vuuzi; uvulariri vuvwo vokolwi mu lirova kuli vokolwa mwigulu.

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Marko 11:10

Nyasaye agaasizi uvwami vwa Baba wiitu Daudi uvuzaa. Yizominywi Nyasaye, igulu mwigulu!”

Vakolosai 1:13

Nyasaye yakohonyia kutura mu Zinguru zie kisundi, nakoleeta mu mirembe mu Vwami vwu Mwana weve umuyanze;

Likunula 11:17

nivavoora: “Kusandizaa ivi O, Mwami Nyasaye Wuvunyali, oveeye ho na uwaali ho! Kukusandiza kigira uvuguyi izingulu zizio zinene ma wamihi!