Zaburi 96:8 - KITABU KITAKATIFU

⁸ Mwizominye lieta lia Yahova liuvukumi. Muleete kihanwa na mwingiri mu Litembeli lilie.

Zaburi 96:8 ပူးပေါင်းရင်းမြစ်များ

Zaburi 100:4

Mwingiri mu virivwa vie Litembeli ni lisandiza. Muzie mu migizi jalio ni lizominya; Mumusandizi kandi mumwizominye.

Zaburi 111:9

Yaavoholora avandu veve kandi nalomba lilagana navo liukuhindira mihiga ni mihiga. Aveeye mutakatifu kandi wizingulu.

Zaburi 116:19

mu migize ji Litembeli lilie litakatifu, kandi hagati hi lidaala linene lia Jerusalemi. Mwizominye Yahova!

Zaburi 29:2

Mwizominye lieta lia Yahova liu vukumi, musigamire uyu umutakatifu lwa alolekaa.

Zaburi 45:12

Avandu kutura mu kivala cha Tiro valakoletera vihaanwa; avandu vatugi valageriza kwenya liyanzilira liilio.

Zaburi 72:10

Avami va Sipeini na vivisulu valamuha vihaanwa; avami va Sheba na Seba valamuleetera vihaanwa.

Ezekieli 46:3

Vuli Lisabato kandi vuli lisavo liu Mweli Muhia vandu vosi kuduuka viname hasi kandi vasigamiri imbiri wi kirivwa.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 15:16

nduuki kuva mutumikiri wa Yeso Kristo ku vandu vizihiiri. Ndumikaa kuli musaalisi mu lilwaza makuva malahi kutura ku Nyasaye, ku vandu vizihiiri vaduuki kuva isadaka ivugilirwa na Nyasaye, kandi kihanwa chatakaswa na Roho Mutakatifu.

Vafilipi 2:17

Hawundi amasahi gi livamwoyo liange gaduukanaa gasundulwi kuli kihanwa ku kisiuviriru chi lisuuvira lienyu lihaana ku Nyasaye. Niiva gaveeye ndio, inzi nyanza, kandi sangala harara ni munyi mwosi.

Vafilipi 4:18

Yee, mali konyoora ivindu viosi viamumali kuhaana ku inzi, kandi ni ivinyingi kuvita lienya liange. Mali kuvinyoora kuvitira mu amakono ga Epafurodita. Vihaanwa yivi viveeye kuli kihanwa kifunyaa umwayu umulahi ku Nyasaye; kandi viveeye isadaka indahi ivugilirwa nu kuyaanziza Nyasaye.

Vahebraina 13:13

Kunangwa kalunu gendi kuzie kuduuki kuye ichova wa hokososa ma kusange mu linyegwa lilie.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

Likunula 15:4

Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”