Zaburi 96:10 - KITABU KITAKATIFU

¹⁰ Muvoolere zihiiri ziosi, “Yahova aveeye mwami! Lirova liasingirizwa vudinyu mu vogono vwalio na silinyala kusundwa mba; alakalagira avandu nilikalaga lirungi.”

Zaburi 96:10 ပူးပေါင်းရင်းမြစ်များ

Zaburi 126:2

Kwaaseka nikwiimba ligali kigira uvusangari! Maku avandu vi zihiiri zindi vavoola: “Yahova uvakoleeye vindu vinene ligali.”

Zaburi 18:49

Kigira yaga, ndakwizominya ivi O, Yahova hagati hi zihiiri. Ndakwimbira zinyimbu zie lizominya.

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Zaburi 46:6

Zihiiri zihumaa mu vuti, zitihizwa nu vwami vodengeyizwa; Nyasaye amolomaa nu mwoyo kuli gwi inguba yatulukaa, lirova lisalulukaa.

Zaburi 58:11

Avandu valavoora, “Ligali avalungi valaheevwa madanyi; ligali aveeye ho Nyasaye ukalagiraa lirova.”

Zaburi 59:13

uvadivize mu vutima vuvwo vululu; uvadivize ligali. Maku avandu vosi valamanya ndi, ivi Nyasaye wamihaa mu Isiraeli, ndi uvwamihi vwivwe vulandaa kuduuka ku lirova liosi.

Zaburi 67:4

Leka zihiiri ziosi zive nu vuyanzi kandi vimbi nuvusangali, kigira ivi ukalagiraa avandu nuvulungi; Kandi wimiliraa vuli ihiiri ku lirova.

Zaburi 7:9

Ivi Nyasaye oveeye mulungi, kandi umanya zing'anagani zietu ziosi ni likayirwa lietu. Heriza uvudamanu vwa vandu vadamanu kandi uhaane madanyi malahi ku valungi.

Zaburi 9:8

Yamiha lirova nu vulungi; akalagira zihiiri ziosi ni likalaga lirungi.

Zaburi 9:9

Yahova aveeye uvuhaliru ku yavo avadambizwa, kandi imbinga enene muzing'inga ziu uvudinyu.

Zaburi 93:1

Yahova, aveeye mwami. Wiviki uvukumi vonene ni zinguru zinene ligali. Usingirizi lirova vudinyu mu vogono vwalio kandi silinyala kusundwa kali hakuzu mba.

Zaburi 96:13

lwa Yahova yaza kwamiiha lirova. Alamiiha avandu vi lirova ni likalaga lirungi kandi nagiligali.

Zaburi 98:9

kigira Yahova yaazaa kwamiiha lirova. Alamiiha avandu vi lirova ni likalaga lirungi kandi nilikalaga lilahi vugira liyaanzilira.

Isaya 49:8

Yahova avooreraa avandu veve ndi, “Lwi ing'inga iduuka yu kumuhonyia, ndamanyia liyaanzilira liange ku munyi, kandi ndahaana amativuli ku lianira lienyu lio vokonyi. Ndamulinda kandi ndamukinga, kandi ndalomba lilagana liange na ivi kulwa vandu vosi. Ndamukora mumenye kandi mu kivala chiinyu kalunu ichalekwa vuzwa.

Isaya 52:7

Gaveeye gukuyaanziza ligali, kolola mutumwa naatuliyi mu vigulu, naletaa makuva malahi, makuva malahi gimirembe! Nalandizaa uvuguuti kandi avoleraa lidaala linene lia Ziyoni, “Nyasaye woovo aveeye Mwami!”

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Malaki 1:14

Kilaamo keveeye ku oyo mugaadi uhaanaa kisiuviriru chu mutugu mudamanu ku inzi, lwaveeye nu mutugu mulahi muchayo chiche gwayalaga kuhaana ku Inzi! Kigira mbeeye mwami munene, navandu vi zihiiri ziosi vaatia Inzi.”

Matayo 3:2

“Mwiganiri, kigira Uvwami vwu mwigulu voveeye ahimbi.”

Vikolwa 17:31

Kigira umali kotovola lidiku lia alikalagira kivala nu vulungi, kuvitira ku mundu mulala wa yatovola. Yahaana ku avandu vosi lisuuviriza lwa lisimugukiza kutura mu vakuzu!”

Vagalatia 1:16

kuvuula Mwana weve ku inzi, kunangwa nduuki kwilwaza Ivangeri yeeye ku vandu vizihiiri, si ndaazia ku mundu woosi kwenya zing'anagani mba;

Vakolosai 2:7

musingiri vudinyu, kandi mwumbakwe muye, nu kuvikwa zinguru mu lisuuvira lienyu, kuli mwigizwa. Muve kandi ni lisandiza linyingi.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 19:6

Ndaahulira kandi umwoyo gwi kiduma kenene, kandi kuli gwa amazi manene gafuumaa, kuli lihirigana linene lie inguba. Ndaahulira mioyo yijo nijivolaa, “Nyasaye yizominywe! Nyasaye wiitu Wuvunyali aveeye mwami.