Zaburi 95:7 - KITABU KITAKATIFU

⁷ Yahova aveeye Nyasaye wiitu! Na kunyi koveeye avandu va adendaa, kuli mwayi alihizaa magondi geege; huliri kalunu ku cha avoora:

Zaburi 95:7 ပူးပေါင်းရင်းမြစ်များ

1 Kyetsinyinga 16:14

Aveeye Yahova Nyasaye witu; Likalaga lilie liveeye mu lirova liosi.

Zaburi 100:3

Mumanye ndi Yahova aveeye Nyasaye. Yalomba kunyi na kunyi koveeye aveeve. Koveeye avandu veve kandi koveeye chayo cha magondi geege.

Zaburi 115:3

Nyasaye wiitu aveeye mwigulu; akolaa choosi cha alalira.

Zaburi 23:1

Yahova aveeye mwayi wange; si nyara kudaka kindu mba.

Zaburi 48:14

“Nyasaye uyu aveeye Nyasaye wiitu mihiga ni mihiga; alakwimilira ku zing'inga ziosi izizaa.”

Zaburi 67:6

Lirova limali kwama ligesa lialio. Nyasaye, Nyasaye wiitu, umali kukugasiza.

Zaburi 74:1

O, Nyasaye, kigira ki okoleki ligali kuli ndi? Kigira ki usinyikiraa avandu vovo?

Zaburi 79:13

Maku kunyi avandu vovo, amagondi gi chayo chicho, kulakusaandiza mihiga ni mihiga, kandi kulakwizominya zing'inga ziosi.

Kutwula 15:2

Yahova aveeye mukingi wange wi zinguru; niyie yenyine umali kombonyia. Aveeye Nyasaye wange, nainzi ndamwizominya, aveeye Nyasaye wa vaguuga vange, kandi ndimba kigira ovonene vwivwe

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Tsing'ano 8:6

Hulira makuva gange gaveeye malahi ligali; goosi ga muvooleraa gaveeye malungi

Isaya 55:3

“Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Matayo 17:5

Lwa yaali nakemoloma, ililesi lilavu liavakunika, nu umwoyo gwahulirika kutura mu lilesi zana ni govoora, “ Uyu nu Umwana wange wandayanza, mumuhuliri.”

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vahebraina 11:16

Navuzwa kuli gaveeye, veegomba kivala kilahi ligali, nacho keveeye kivala chu mwigulu; kigira yaga, Nyasaye siaveeye esoni ku yavo kumulanga Nyasaye wavo, kigira uvalombeeye lidaala linene.

Vahebraina 3:13

Navuzwa mulala ku munyi avuli kugadwa nu vwoni kandi agwi mwigingiri. Kuduuka mukonyane aveene naveene vuli lidiku, ku lohono lwi likuva “Kalunu” mu Mang'oda Matakatifu limolomaa ku kunyi.

Vahebraina 3:15

Mang'oda Matakatifu gavoora: “Niiva muhulira mwoyo gwa Nyasaye kalunu, mutadinyia mioyo jinyu, kuli avaguuga vinyu vaali, lwa vibaara ku Nyasaye mba.”

Vahebraina 4:7

Yaga gamanywa ni kivuni ndi Nyasaye aviikaa ho lidiku lindi, lilangwa “Kalunu.” Inyima wi mihiga minyingi, yamoloma kugo kuvitira mu Daudi mu Mang'oda Matakatifu kovora, “Kalunu ni muhulira mwoyo gwa Nyasaye, mutadinyia mioyo jinyu mba.”

1 Petro 2:25

Mwali ni mwagota kuli amagondi, navuzwa kalunu mumali kwilanywa muduuki kolonda umwayi oveeye umulindi wi mioyo jinyu.

Likunula 3:20

Henza, singiyi ha kiliango nzigulihizaa. Umundu woosi naava naahulira mwoyo gwange nukunzigulira kiliango, ndingira munyumba yeeye, nduuki kulia harara naye kandi naye alie harara ninzi.