Zaburi 95:6 - KITABU KITAKATIFU

⁶ Hambi, gendi kumwinamiri kandi kumusigamiri; gendi kusigame imbiri wa Yahova mulombi wiitu.

Zaburi 95:6 ပူးပေါင်းရင်းမြစ်များ

1 Avami 8:54

Inyima wa Solomoni yaali niyakamara lisaala kandi ligoonya yili liosi ku Yahova, yasingira imbiri wu vwali vwa Yahova, aha yaali nasigami, na gingi makono geege mwigulu.

2 Kyetsinyinga 29:28

Livugana liosi liasigamira Yahova, avimbi vimba zinyimbu, kandi visiriva nivikubwa. Yaga goosi gazizagilira kuduuka ku keheri chi kihanwa chu kusambwa.

2 Kyetsinyinga 29:29

Lwa vamala kuhaana kihanwa, mwami harara na yavo avaari ho harara naye viinama ma ni vasigamira Yahova.

2 Kyetsinyinga 29:30

Mwami Hezekia harara na aviimiliri vi zihiiri valaga vandu va Levi kwimba zinyimbu ziu kwizominya Yahova na makuva ga Daudi na Asafu muporofeti. Vosi viimba zinyimbu ziu vusangali nu kwizominya Yahova, ma viinama haasi ni vasigamira Yahova.

2 Kyetsinyinga 6:13

Solomoni yaali naalombi kitalazi chu mugasa nakiviiki hagati hu mugizi. Kitalazi chene yiki chaali uvutambi nu vugika zimita 2.2 zimbega ziosi, na kuzia igulu chaali zimita 1.3. Solomoni yanina ku kitalazi chene yiki, nasigama ku havundu hu mundu woosi yaali anyala kumulora, ma naginga makono geege mwigulu.

Ezara 9:5

Lwing'inga yaduuka yu kuhaana kisiuviriru cha mugorova, ndaasingira kutura handaali ninzikaye mu vovereri, kandi ndaali ningikiri ni zinguvu ziatanduka. Ndaasigama hasi mu lisaala kandi ning'inga makono gange ku Yahova Nyasaye wange.

Ayubu 35:10

Navuzwa sivagirung'ana koyeeka ku Nyasaye mulombi wavo mba; uvaheezaa lisuuvirizwa mu zing'inga ziavo zie kisundi kenene ligali.

Zaburi 100:3

Mumanye ndi Yahova aveeye Nyasaye. Yalomba kunyi na kunyi koveeye aveeve. Koveeye avandu veve kandi koveeye chayo cha magondi geege.

Zaburi 119:73

O, Yahova, ivi wanomba kandi waniinda vulahi; ombe limanyiriza kunangwa nduuki kwiga amalago googo.

Zaburi 139:13

Ivi walomba vivero viange viosi; ivi wanyung'anyia harara munda mwa mama wange.

Zaburi 149:2

Musangare O, Isiraeli kigira uyu wamulomba. Musangare munyi avandu va Ziyoni kigira mwami winyu!

Zaburi 72:9

Avasigu veve avamenyaa mwigendanyama valinama imbiri weve. Avahing'ani veve valagwa mam'mama imbiri weve.

Zaburi 95:1

O, Hambi, gendi kwizominye Yahova! Gendi kwimbi nu vusangali ku Nyasaye ukukinga nokokohonyia.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Kohelethu 12:1

Kunangwa wizulizi mulombi woovo nugikiri muyaayi, madiku gi kivi ni gagikiri kuduuka kigira mihiga gizaa novoole, “Sisangalira livamwoyo mba.”

Isaya 17:7

Lwi lidiku yilio liliduuka avandu valagirung'ana kwenya vokonyi kutura ku Mulombi wavo, Nyasaye Mutakatifu wa Isiraeli.

Isaya 44:2

Inze ni Yahova wamulomba; ndaamukonya kutura ing'inga ya mwivulwa. Utatia mba; Ivi oveeye mutumikiri wange, avandu vange vatovole ava inzi nyanza.

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Isaya 64:8

Yahova, ivi oveeye baba wiitu. Kunyi koveeye kuli ovodohi, na ivi oveeye kuli umulongi. Ivi wakolomba.

Danyeli 6:10

Lwa Danieli yahulira ndi mwami umali kuviika mukono ku lilago yili, yazia yengo. Munyumba yeeye yaali mu ne keng'oze chaali higulu na chaali ni lidirisia liahenza Jerusalemi. Hene yaho kuli yakola kazozo, yasigama hasi ha yaali yiguyi lidirisia nasaara ku Nyasaye haali kavaga ku lidiku.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Hosea 8:14

“Avandu va Isiraeli vamali kwumbaka zinyumba ziuvwami, navuzwa vayivilira mulombi wavo. Avandu vi Ivuyuda vamali kwumbaka madaala manene gi zimbinga. Navuzwa inzi ndasamba zinyumba ziavo ziu vwami kandi madaala gaavo manene.”

Matayo 4:2

Naye yaahonga lilia amadiku arubaini mbasu nu vudiku. Lwinyima, yaali ninzara.

Matayo 4:9

Na yamuvolera, “Vindu yivi viosi ndakuha, niiva ulagwa hasi ma usigamiri.”

Marko 14:35

Yisunda hambiri hakekeke, naagwa hasi, nasaara.

Luka 22:41

Yavaleka nazia kuli hanyala kulasa ligina, nasigama, nasaara.

Yohana 1:3

Nyasaye yalomba vindu viosi kuvitira muye. Sichaaliho ni kindu kali kilala ku vilombe viosi, ichalombwa vugira Ye.

Vikolwa 20:36

Lwa yamala kovora yaga, Paolo yasigama harara navo vosi, nasaalaa.

Vikolwa 21:5

Navuzwa madiku giitu lwa gaafwa, kwatula nikuzia kologendo lwiitu. Vosi harara vakali na vana vaavo, vakohereka kuduuka ichova wi lidaala. Lwa kwaduka ku lujinga, lwinyanza kwosi kwasigama nikusaala, ma nikusivulana;

Vikolwa 7:60

Yasigama, nahanzuka nu mwoyo munene na avoora, “Mwami! Utavaliza vwoni yivu kuvo mba.” Lwa yamala kovora yaga, yakuza.

1 Vakorintho 6:20

Yaagula ivi nu vuguli vonene. Kulwayago, mutumikiri miviri jinyu kulwu vukumi vwa Nyasaye.

Vafeso 3:14

Kigira yaga, sigamaa mu lisaala imbiri wa Baba,

Vafilipi 2:10

Kandi ndio, mu lihaana luyali ku lieta lia Yeso, ivilombe viosi mwigulu, ku lirova, nu mu lirova musi valagwa ku amalu gaavo,

1 Petro 4:19

Yavo avasaaliraa kigira uvulariri vwa Nyasaye, gavadukiraa vihaane ku mulombi wavo musuuvirifu kandi vazizagiliri kokora vulahi.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.

Likunula 22:8

Inzi Yohana, ndaamara kuhulira no kolola ivindu yivi viosi. Lwa ndaamara kuhulira nu kuvilola, ndaagwa hasi havirenge vie engelosi uwaali niyamanyii ivindu yivi, kandi ndaali ahimbi kumusigamira.