Zaburi 95:3 - KITABU KITAKATIFU

³ Yahova aveeye Nyasaye munene ligali; aveeye mwami munene ligali igulu ku vanyasaye vosi.

Zaburi 95:3 ပူးပေါင်းရင်းမြစ်များ

Nehemia 8:6

Ezira yavoola, “Yahova Nyasaye umunene!” Avandu vosi vaginga makono gaavo igulu nivavoora, “Amini! Amini!” Maku vinaminya mitwi jaavo hasi kandi nivasigamira Yahova, mmoni mwavo nimudiiyi hasi.

Zaburi 104:1

Nzizominyaa Yahova Nyasaye nu mwoyo gwange gwosi! O, Yahova Nyasaye wange, ivi oveeye munene ligali! Oveeye wu vukumi kandi wu luyali;

Zaburi 135:5

Inzi manya ligali ndi Yahova wiitu aveeye munene, aveeye munene ligali kuvita avanyasaye vosi.

Zaburi 145:3

Yahova aveeye munene, kandi uwukwizominywa ligali; ovonene vwivwe vuviti limanyiriza lietu.

Zaburi 47:2

Mutie Yahova, oveeye igulu ligali kuvita aveeye mwami umunene ligali, uwamihaa ku lirova liosi.

Zaburi 47:3

Yahaana liguuta ku vandu vosi. Yakokola kwamiihi ku zihiiri ziosi,

Zaburi 96:4

Yahova aveeye munene ligali kandi yizominywa ligali. Kuduuka avandu vamusigamiri kuvita avanyasaye vandi vosi.

Zaburi 97:9

Yahova Nyasaye Wuvunyali, oveeye mwamihi wi Lirova liosi; Ivi oveeye munene ligali kuvita avanyasaye vandi vosi.

Kutwula 12:12

“Vudiku yivwo ndavitira mukivala cha Egebeti, nukwita kindu kisaza choosi chukutanga mu liivulwa, ku vandu kandi ku mitugu, nukuhaana mageri ku vanyasaye va Egebeti. Inzi mbeeye Yahova.

Kutwula 18:11

Kalunu inzi manyi ndi Yahova aveeye munene kuvita avanyasaye vosi, kigira yakola yaga lwa vandu va Egebeti vadambiza vandu va Isiraeli nilielora kuli yili.”

Isaya 44:8

Avandu vange, mutatia mba! Munyi mwamanya yaga kutura zing'inga zia kale kuduuka lero inzi ndaamara kuvuula goosi agazizaa kwekoleka, na munyi muveeye avaloli vange. Haveeye ho na nyasaye wundi lugano ku inzi? Haveeye ho na nyasaye wundi wizingulu wa inzi ngikiri kumuhulira kali hakuzu?”

Jeremia 46:18

Inzi, Yahova Wuvunyali, mbeeye mwami. Inzi ni Nyasaye oveeye mwoyo. Kuli Kiguru cha Tabori keveeye igulu mu vigulu, kandi kiguru cha Karimeli kisingila igulu ku inyanza, kunangwa zilakave ndio zinguru zia oyo ulikutulira.

Jeremia 48:15

Kivala cha Moabu harara na amadara gacho gamali kudivizwa, avasoleri vaavo avalahi vamali kusinzwa. Inzi mbeeye umwami, Yahova Wuvunyali, kandi inzi mali kovora.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Malaki 1:14

Kilaamo keveeye ku oyo mugaadi uhaanaa kisiuviriru chu mutugu mudamanu ku inzi, lwaveeye nu mutugu mulahi muchayo chiche gwayalaga kuhaana ku Inzi! Kigira mbeeye mwami munene, navandu vi zihiiri ziosi vaatia Inzi.”

Matayo 5:35

anoho ku lirova, kigira; liveeye ho viika virenge; anoho ku Jerusalemi, kigira ni lidaala liu Mwami Munene.

Kwidzulitsa 7:21

Kunangwa mutatia avandu yava mba. Yahova Nyasaye winyu aveeye harara ni munyi; aveeye Nyasaye munene kandi mulala wukutivwa.