Zaburi 94:16 - KITABU KITAKATIFU

¹⁶ Nivwaha wasingira mu vogono vwange ukuhingira avachamu? Nivwaha wangonya kuhingira avakoli vuvudamanu?

Zaburi 94:16 ပူးပေါင်းရင်းမြစ်များ

2 Avami 10:15

Lwa Jehu yatura ho kandi, yagana na Jehonadabu, muyaayi wa Rekabu; uwaali ni yaazaa kumwaganira. Jehu yamucheliza navoora, “Ivi ninzi kuganaganaa kindu kilala ulanyunga umukono?” Jehonadabu yativura, “Yee, ndakora ndio.” Jehu yativura, “Niiva gaveeye ndio, mbe mukono gugwo.” Vaagumirana makono, na Jehu yamukonya kuniina mu ligare lilie,

2 Avami 9:32

Jehu ya henza igulu nahanzuka, “Nivwaha oveeye ku lovega lwange?” Vanene vaviri anoho vavaga vu munyumba yu vwami vamuhenzera mu lidirisha.

Nehemia 5:7

ma ndaganagana chokokola, ma ninzara avamihi na vanene va vandu. Na ndavavolera, “Munyi mudambiza avamwavo vinyu Vayuda!” Kunangwa ndalanga livugana lia avandu vosi harara kuduuki komoloma ku vudinyu yivwo.

Zaburi 118:6

Yahova aveeye harara ni inzi, kandi si nyara kutia mba. Mundu vuzwa anyala kongola kindiki?

Zaburi 17:13

O, Yahova, hing'ana na vasigu vange na uvaguute! Ombonyie kutura ku avadamanu nikivavi chicho.

Zaburi 59:2

Ombonyie ku yavo avakolaa uvudamanu. Ombonyie kutura ku yavo avalumindi!

Isaya 59:16

Yahova ogenyi kolola ndi si haali nu mulala okonyaa avadambi mba. Kunangwa alatumikira zinguru zizie kuvasoora kandi kuvaha iliguuta.

Isaya 63:5

Na ndaali niligenya lwa ndahenza nokolola ndi sihali nu mulala wokongoonya. Ndahuga nukutia ligali kolola ndi si haali ho nu mulala wukunyunga mukono. Kunangwa ndanyoora liguuta kuzinguru ziange umwene, na uvutima vwange vululu vwangonya.

Jeremia 5:1

Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Ezekieli 22:30

Ndahenza umundu kutura muvo uwaali unyala kwumbaka lidigi, uwaali anyala kusingira ha vundu hamadigi gamali kugwa nukukinga vandu lwa ndaali ahimbi kuvadiviza, navuzwa sindanyola mundu kali mulala mba.

Livalidza 10:35

Vuli ing'inga lwa vandu va Isiraeli vaatura kuzia ni lisandugu lie lilagana, Musa yavoola, “Yahova, singira usalanye vasigu vovo, kandi okole yavo avakudunyiraa viiruki!”

Matayo 12:30

“Ku vosi utahambana ninzi ahing'anaa ninzi; kandi ku vosi utavungizaa harara ninzi asalanyia ligali.

3 Yohana 1:8

Kunangwa kunyi Avakristayo, gakuduukiraa kokonye avandu vaveeye kuli yava, kunangwa kuduuki kusanga harara navo mu miyinzi mu giligali.

Vakalagi 5:23

“Engelosi wa Yahova yavoola, alaamwe Merozi; ikilaamo, ikilaamo kuyavo avamenyaa yo. Sivaaza kokonya Yahova mba, hambi kuli avuvulwani kumulwaniri.”