Zaburi 93:4 - KITABU KITAKATIFU

⁴ Yahova yamiha kuvindu viosi mwigulu. Yahova aveeye munene ligali kuvita lihuuma lienyanza. Aveeye wizingulu ligali kuvita viguvuli vienyanza.

Zaburi 93:4 ပူးပေါင်းရင်းမြစ်များ

Ayubu 38:11

ndaagevoolera, ‘Ivi inyanza hamba hano, na si ulavita ahene yaaha mba! Viguvuli vivio vie zinguru kuduuka vigalirwi hano.’

Zaburi 29:4

Mwoyo gwa Yahova goveeye ni zinguru, kandi gwizuye uvukumi ovonene ligali.

Zaburi 65:7

Ivi ohomatizaa lifuma lie zinyanza kandi ukiring'anyia liyoga lie viguvuli. Ukiring'anyia kandi kivihiri cha vandu.

Zaburi 89:6

O, Yahova, siaveeye ho nu mundu kali mulala mwigulu oveeye kuli ivi mba, anoho vilombe viosi viveeye mu ligulu sivinyala kweleng'anyia ku ivi mba.

Zaburi 89:9

Ivi wamihaa kunyanza yi zinguru ligali, ukiring'anyia viguvuli viayo viuvutima vonene.

Zaburi 92:8

O, Yahova, navuzwa ivi oveeye munene kuvita vosi mihiga ni mihiga.

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.