Zaburi 92:10 - KITABU KITAKATIFU

¹⁰ Ivi umali kokora inzi kuva nizinguru ligali kuli embogo; umali kuungasiza nuvusangali.

Zaburi 92:10 ပူးပေါင်းရင်းမြစ်များ

Zaburi 101:8

Ndadiviza avachamu vosi mu kivala chietu vuli lidiku. Ndakunga avandu vadamanu vosi vatuli mu lidaala linene lia Yahova.

Zaburi 112:9

Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Zaburi 125:5

Navuzwa lwa uhaana mageri ku avachamu, uhaane mageri kandi ku yavo avalekaa zinzira zizio. Mirembe jive ku Isiraeli.

Zaburi 132:17

Hene hano, ndakora mulala ku visukululwi va Daudi kuva mwami munene ligali; kandi ndalinda liamiiha liu mwami mutovole wange.

Zaburi 148:14

Amali kuha ihiiri yeeye zinguru, kunangwa avandu veve vosi vatakatifu vaduuki kumwizominya Avandu va Isiraeli vaveeye avayaanze ligali kuye. Mwizominye Yahova!

Zaburi 18:15

O, Yahova, ivi wakola luliva lwi inyanza kwuma, kandi imise ji lirova jakunulwa lwa wagondokera avasigu vovo, nufuumira mu vutima vuvwo vululu.

Zaburi 23:5

Ivi onomberaa viukulia imbiri wa vasigu vange; umbaki mutwi gwange na amaguta, kisanda change chizuuyi du.

Zaburi 45:7

Ivi uyaanzaa uvulungi, udunyiraa uvuchamu. Kigira yaga, yiki ni kigira Yahova, Nyasaye woovo umali kukotovola. Kandi umali kuzuka uvugasu vunyingi ku ivi kuvita mwami wundi woosi.

Zaburi 75:10

Nyasaye alavunanyia zinguru ku vandu vachamu, navuzwa zinguru zia vandu valungi zilanenehizwa ligali.

Zaburi 89:17

Ivi okohezaa liguuta linene; kandi mu vuyanzi vuvwo, okoheeza uvuguuti.

Zaburi 89:24

Ndamuyaanza kandi ndava musuuvirifu kuye, mihiga ni mihiga ndamukora kuva muguuti kazozo.

Livalidza 23:22

Nyasaye yavatuliza Egebeti; Avalwaaniraa kuli igiriki imbalava

Livalidza 24:8

Nyasaye yavatuliza Egebeti, Avalwaaniraa kuli igiriki imbalava vamilaa avasigu vaavo, vamenenaa vigumba viavo, kandi vavunanyia vuta vwavo.

Luka 1:69

Okoheeye muhonyi wi zinguru kutura mukisukululwi cha Daudi mutumikiri weve.

2 Vakorintho 1:21

Ni Nyasaye mwene okolaa kunyi harara ni munyi kusingira vudinyu mu lihambanywa harara na Kristo; ni Nyasaye mwene wakuviika halovega ukuvakaa maguta;

1 Yohana 2:20

Navuzwa munyi mumali konyoora Roho Mutakatifu watura ku Kristo, na mwosi mumanya agiligali.

Vakalagi 5:31

Avasigu vovo vakuze ndio, O, Yahova, navuzwa avalina vovo vang'ereng'ane kuli iliuva! Ni mirembe jaaliho mu kivala ku mihiga arubaini.

1 Samweli 2:1

Hana yasaala navoora: “Mwoyo gwange gusangalanga mu Yahova. Zinguru ziange zinenehiziywi mu Yahova. Munwa gwange gosekelizaa avasigu vange, kigira inzi sangaliraa mu vohonyi vuvwo. Mbeeye nuvusangali vonene kigira Nyasaye umali kongonya!

1 Samweli 2:10

Avasigu va Yahova valadivizwa; alahirigana kuli inguba kutura mwigulu kuvo. Yahova alakalagira lirova liosi; Alahaana zinguru ku mwami weve. Alakola mwami munene mutovole weve kuva ni liguuta.”