Zaburi 91:5 - KITABU KITAKATIFU

⁵ Utatia uvuhimwa vwukutihiza mu ing'inga yuvudiku, anoho lingilirwa lia nonoho mu ing'inga ya mbasu;

Zaburi 91:5 ပူးပေါင်းရင်းမြစ်များ

2 Avami 7:6

Yahova yaali naakori Vasiria vahuliri ichahulilika kuli muliviti gwi lingilira lie liihi linene ligali, ni zibarasi kandi na magare gu vulwani. Vasiria vaganagana ndi mwami wa Isiraeli yaali kulaga kutunga avami va Egebeti na Vahiti harara na amahi gaavo ukuuza kwingilira nu kulwaana navo.

Ayubu 6:4

Nyasaye Wuvunyali umali kundumita ni mivano juvuta; kandi vuziva vwi mivano yijo vumali kusalana mu muviri gwange. Nyasaye umali kutihiza inzi.

Zaburi 112:7

Siaveeye nuvuti konyoora amakuva madamanu mba; Lisuuvira lilie liveeye liezingulu kandi asuviraa mu Yahova.

Zaburi 46:2

Kunangwa, sikulatia kindu kali hakuzu, kali niiva lirova liladengeyizwa, kandi niiva vigulu vilagwa mu luliva lwinyanza.

Tsing'ano 28:1

Avandu vachamu virukaa lwu mundu atavakunga, navuzwa vandu valungi vaveeye valuviliri kuli isimba.

Lwimbu lwa Solomoni 3:8

vosi vaveeye nu vusiza vwu kutumikira kivavi mu liihi. Valuviliri kandi vasiza vu vulwani vuli mulala kuvo yiyavaye viugi. Vaveeye ku vulindi vwa vudiku.

Isaya 21:4

Mutwi gwange govodong'ana, kandi ndegeraa nuvuti. Nzegomba umugolova guduuki, navuzwa mugolova zana si gondeteye kindu mba, nitali litihiza.

Isaya 43:2

Lwa muvitiraa mu mazi manene gululiva, inzi ndava harara nimunyi; nimuvitira mu migera ja mazi manene simuliiyina mba kali nimuvitira mu madinyu kuli muvitiraa mu migera minene simulaguutwa kuli avamazi gimigera giinaa. Lwa mugendaa kuvitira mu muliru simulahia mba; magerizu madinyu agamugwiraa sigalamusaliriza mba.

Matayo 8:26

Yeso yavateva, “Kigira ki munyi muveeye ni lisuuvira likekeeke?” Kunangwa, yasingira naagondokera imbuza ni nyanza, ma gwaali umulengera umunene.

Luka 12:20

Navuzwa Nyasaye yamuvolera, ‘Musiru ivi vudiku vwa kalunu ndatuliza livamwoyo liilio. Kunangwa vindu via wavika vilava via vwaha?’ ”

Luka 12:39

Muve na agiligali ndi, niiva mwene inyumba yakamanyi ing'inga yumwivi yaazaa, ngano siyakaleki inyumba yeeye ivunagwi mba.

Vahebraina 13:6

Kunangwa leki kuluviliri, ma kovoole, “Mwami aveeye mukonyi wange; sindatia mba. Mundu alangola ki?”