Zaburi 91:13 - KITABU KITAKATIFU

¹³ Uladuvaga zisimba nizinzoka, uladuvulanyia avana vi zisimba kandi vihirigoma viuvusungu vululu.

Zaburi 91:13 ပူးပေါင်းရင်းမြစ်များ

Ayubu 5:23

Milimi ja mulimaa sijilava mu na magina mba; zinyama ziumbulimu sizilakwingilira kali hakuzu mba.

Zaburi 58:4

Vizuyi uvusungu kuli zinzoka, vahanyiaa amatu gaavo kuli kihiligoma chahana amatu;

Isaya 27:1

Lidiku yilio Yahova alakatumikiri kivavi chiche chugi chi zinguru kandi chukwita kuhaana mageri ku Leviazani, goyoka gwisiitasiitaa, ooveeye gunyama gonene gwukutihiza gomenyaa munyanza.

Danyeli 6:22

O, Mwami Nyasaye utumi engelosi yeeye kukunika minwa ji zisimba kunangwa zivuli kuusaliliza. Nyasaye okoli yaga kigira amanyi ndi inzi mbeeye vugira imbara kandi kigira si ndakokolera vudamanu vwosi mba.”

Marko 16:18

Niiva valagumira ku zinzoka anoho ni vanwa ikindu choosi chukwita, sikilavasaliriza mba. Valaviika amakono ku valwaye, navo valahona.”

Luka 10:19

Henza, inzi mali kumuha uvunyali kuduvagira hasi zinzoka ni zing'e, kandi uvunyali vwosi vwu kuguutira zinguru ziosi ziu musigu oyo. Sikeveeye ho kindu ku viosi ikinyala kumusaliriza kali hakuzu mba.

Varumi 16:20

Nyasaye wi mirembe sialalindagilira kusionolanyia Setani isi wi virenge vienyu mba. Zimbavasi ziu Mwami wiitu Yeso Kristo zive ni munyi.

Varumi 3:13

Amakuva gaavo gaizula uvugadi vwitaa ovovehi vuturaa vuzwa mu minwa jaavo, iminwa jaavo jivoolaa makuva gu kwita kuli vusungu vwenzoka.

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

1 Samweli 17:37

Yahova, uwahonyia inzi ku ving'ang'a ni zidubu alambonyia kutura ku Mufilisitia musiindi uyu.” Saolo yativura “Vulahi! Kazie, kandi Yahova ave harara niivi.”