Zaburi 91:1 - KITABU KITAKATIFU

¹ Uyu omenya isi wi likingwa lia Nyasaye oveeye Igulu Ligali, uyu omenyaa isi wi chiriri cha Yahova Wuvunyali,

Zaburi 91:1 ပူးပေါင်းရင်းမြစ်များ

Zaburi 121:5

Yahova alakulinda; aveeye ku lovega lulwo lulungi kukukinga.

Zaburi 17:8

Uniindi kuli unyala kulinda emoni yooyo mwene. Umbisi kuli engoko ivisaa ivimiinyu viayo isi wi zimbaha

Zaburi 25:13

Valagasizwa kazozo, avana vaavo valanyora miandu ji kivala.

Zaburi 27:5

Mu ing'inga yi kivi alakinga inzi. Yahova alambiika vulahi mu litembeli lilie. Nokongola singiri vudinyu igulu kulwanda.

Zaburi 31:20

Ivi uvavisaa havundu hi mirembe imbiri woovo, aha ivi mwene oveeye; ihale kutura ku vandu valohiza kuvakolera uvudamanu mu vwivisu. Uvavisaa mu mirembe, kutura ku manyego gavasigu vaavo.

Zaburi 32:7

O, Yahova Ivi oveeye havundu hange hu kwivisa, ulambonyia kutura mu vudinyu vwange vwosi. Ndimba vudinyu zinyimbu ziu kwizominya ovohonyi vuvwo kigira ukingaa inzi.

Zaburi 36:7

O, Nyasaye, vuyanzi vuvwo vutaveeye nekeheri voveeye vulahi ligali, ukingaa mu likingwa liilio, kuli engoko ikingaa viminyu mu zimbaha ziayo.

Zaburi 52:8

Navuzwa inzi mbeeye kuli Muzeituni gomeraa mu Litembeli lia Nyasaye; inzi suuviraa mu zimbavasi ziu vuyanzi vwivwe mihiga ni mihiga.

Zaburi 57:1

O, Nyasaye, ombere zimbavasi kigira nzizanga ku ivi osoore. Nzivisaa mu ivi kuli engoko ivisaa viminyu viayo isi wi zimbaha ziayo kuduuka lwa imbuza yi chihi elekela.

Zaburi 90:1

O, Yahova, ivi oveeye vomenyo vwitu mu makura goosi.

Lwimbu lwa Solomoni 2:3

Nindio aveveeye muyanze wange hagati ha vasaza vandi, oveeye kuli musaala gwa makuyu hagati hi misaala ju mulitu. Ndayaanza kwikala mu chiriri chagwo, kandi makuyu gagwo gaveeye amanolu ligali.

Isaya 25:4

Avadaka navatiinyalizaa virukiyi ku ivi na vahoni mu zing'inga ziuvudinyu. Uvahezaa likingwa kutura kumbula yi imbuza enene kandi ichiriri kutura ku vuhiu vwi liuva. Avandu valulu vatulira kuli imbuza enene yu vukindu,

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 8:14

Kigira litihiza liu vutakatifu vwange, mbeeye kuli ligina liavandu vikigitara ku; mbeeye kuli mutego guligumira avandu vamadala ga Ivuyuda na Isiraeli kandi na vandu va Jerusalemi.

Lisyoma lya Jeremia 4:20

Avasigu viitu vagumira uwaali kuli kisinukiru chi livamwoyo lietu, umwami wa Yahova yaali natovoye, kandi wakwali kwamusuvira alakukinga kutura ku avasigu viitu.

Ezekieli 11:16

“Kalunu ovoolere avandu vilihaminywa vache agambooraa. Ni inzi wavahila komenya mu zihiiri zie ihale kandi nimbasalanyira muvivala vindi. Nitali, ku ing'inga engekeeke ndava harara navo muvivala via vazia mu.

Vakalagi 9:15

Ulutavati lwavoolera imisaala, ‘Niiva mwenya Inzi mwamihi, nyenya munyi muuzi kwigama muchiriri change. Nigataveeye ndio, umuliru gwaduki mu lutavati lwange kandi gusambe imidalangwa ja Lebanoni.’