Zaburi 90:2 - KITABU KITAKATIFU

² Imbiri wu waali nukikiri kolomba vigulu, anoho nukiri kolomba lirova na viosi viveeye mu, waali Nyasaye uhindiraa mihiga ni mihiga, kandi ulava Nyasaye mihiga ni mihiga.

Zaburi 90:2 ပူးပေါင်းရင်းမြစ်များ

Litanga 1:1

Mu litanga, Nyasaye yalomba ligulu ni lirova.

Ayubu 15:7

“Uganaganaa oveeye mundu wukutanga kwivulwa? Anoho waaliho mulitanga lwa Nyasaye yalomba vigulu?

Ayubu 36:26

Kunyi sikunyala kumanya ligali ovonene vwa Nyasaye; kandi sikunyala kuvaliza mihiga ji livamwoyo lilie mba.

Zaburi 102:13

Ivi ulasingira nokovererera Ziyoni zimbavasi; ing'inga iduuki yukulivera zimbavasi. Yiyi niyio ing'inga indahi idukanaa.

Zaburi 103:17

Navuzwa uvuyanzi vwa Yahova vuhindiraa mihiga ni mihiga ku yavo avamutizaa; kandi uvugasu vwivwe vuhindiraa ku makura goosi;

Zaburi 146:6

walomba ligulu, lirova kandi inyanza na viosi iviveeye mu. Adukizaa lisuuviriza lilie kazozo;

Zaburi 33:9

Lwa Yahova yamoloma likuva, lirova lialombwa. Ku lilaga lilie, vindu viosi vialoleka.

Zaburi 93:2

O, Yahova, endeve yooyo yu vwami yaasingirizwa vudinyu kutura mu litanga; kandi ivi waali ho kutura kale kuduuka mihiga ni mihiga.

Kutwula 8:6

Kunangwa Haruni yanyira imbimbu ku amazi ga Egebeti, na makere gaturaa ichova nigakunika kivala choosi.

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Danyeli 7:9

Lwa ndaali ningiheenza, zindeve ziu vwami ziavikwa hene yaho. Mundu waali namenyi mihiga ni mihiga yikala ku endeve indala. Zinguvu zizie ziali zindavu kuli likonza, kandi liisu lilie liali kuli ipamba indahi. Endeve yeeye yu vukumi yavofwa ku vilenge viu muliru, endeve yiyi yaduuka lomemo lwu muliru,

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.

Vahebraina 13:8

Yeso Kristo aveeye mulala mwere, mugolova, kalunu kandi kuduuka mihiga ni mihiga.

Likunula 1:8

Yahova Nyasaye Wuvunyali avoora “Inzi mbeeye Alufa kandi Omega, wukutanga kandi wukumaliriza oveeyo, waaliho kandi uzaa.”