Zaburi 9:9 - KITABU KITAKATIFU

⁹ Yahova aveeye uvuhaliru ku yavo avadambizwa, kandi imbinga enene muzing'inga ziu uvudinyu.

Zaburi 9:9 ပူးပေါင်းရင်းမြစ်များ

1 Kyetsinyinga 16:33

Misaala giveeye mu militu girasangala imbiri wa Yahova, lwa Yahova yaazaa kukalagira avilirova.

Zaburi 108:12

Okokonye, kuguuti avasigu viitu; ovokonyi vwu mundu sivoveeye kindu kali hakuzu mba.

Zaburi 142:4

Lwa mbenzaa ku lovega lwu mukono gwange mulungi, si ndolaa mundu unyala kongonya. Sihaveeye nu mundu unyala kosoola, kandi sihaveeye ho nu mundu unyala kuniinda mba.

Zaburi 18:2

Yahova aveeye mukingi wange, aveeye imbinga yange yizingulu. Nyasaye wange aveeye chu kwivisamu change; aveeye inguva yange, kandi aveeye zinguru zio vohonyi vwange nu munara gwange.

Zaburi 20:1

Yahova akutivuliri lwa oveeye mu kivi! Nyasaye wa Isiraeli akukingi!

Zaburi 32:7

O, Yahova Ivi oveeye havundu hange hu kwivisa, ulambonyia kutura mu vudinyu vwange vwosi. Ndimba vudinyu zinyimbu ziu kwizominya ovohonyi vuvwo kigira ukingaa inzi.

Zaburi 37:39

Yahova alahonyia avandu valungi, kandi alavasoola mu zing'inga ziu vudinyu.

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 46:7

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 48:3

Nyasaye alindaa zimbinga zizie; umali kwimanyia ndi aveeye mukingi wukusuuvirwa mugati mwizimbinga zie lidaala linene.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 62:8

O, munyi avandu vange, musuuviri mu Nyasaye zing'inga ziosi; mu muvoolere uvudinyu vwinyu vwosi Aveeye uvuhaliru vwitu vwi milembe.

Zaburi 67:5

O, Nyasaye, leka avandu vosi vakwizominye; leka avandu vosi vakwizominye!

Zaburi 7:9

Ivi Nyasaye oveeye mulungi, kandi umanya zing'anagani zietu ziosi ni likayirwa lietu. Heriza uvudamanu vwa vandu vadamanu kandi uhaane madanyi malahi ku valungi.

Zaburi 96:10

Muvoolere zihiiri ziosi, “Yahova aveeye mwami! Lirova liasingirizwa vudinyu mu vogono vwalio na silinyala kusundwa mba; alakalagira avandu nilikalaga lirungi.”

Zaburi 98:9

kigira Yahova yaazaa kwamiiha lirova. Alamiiha avandu vi lirova ni likalaga lirungi kandi nilikalaga lilahi vugira liyaanzilira.

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 8:14

Kigira litihiza liu vutakatifu vwange, mbeeye kuli ligina liavandu vikigitara ku; mbeeye kuli mutego guligumira avandu vamadala ga Ivuyuda na Isiraeli kandi na vandu va Jerusalemi.

Nahum 1:7

Yahova aveeye mulahi; akingaa vandu veve mu ing'inga yu vudinyu alindaa yavo avaazaa kuye.

Luka 13:34

“O, vayaye munyi avandu va Jerusalemi! Ivi Jerusalemi, wita avaporofeti, nulasa amagina avatumwa va Nyasaye atumaa ku ivi! Ndayeenyaa kuvungiza harara avana vovo kuli engoko ivungizaa viminyu viayo muzimbaha ziayo haali kanga, navuzwa munyi simwa mbugilira!

Kwidzulitsa 33:27

Nyasaye aveeza likingwa lienyu kazozo. Amakono geege gimihiga ni mihiga gaveeye vokonyi vwenyu. Yakunga avasigu vinyu lwa mwavingilira, kandi namuvolera muvadivizi vosi.

Vahebraina 6:18

Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.