Zaburi 9:17 - KITABU KITAKATIFU

¹⁷ Avachamu valatura kuzia mu kihadisi, yavo avasuuraa Nyasaye valazia vosi mu kihadisi.

Zaburi 9:17 ပူးပေါင်းရင်းမြစ်များ

Ayubu 5:13

Agumiraa avageri mu vogeri vwavo; Kandi agayaa lilohiza liavo liu vugadi ma lihelizwa vwangu.

Ayubu 8:13

Yizi nizio zinzira zia vandu vosi aviviliraa Nyasaye; na lisuuvirizwa liu umundu utamanyi Nyasaye liladiva.

Zaburi 106:13

Navuzwa vivilira vwangu cha Yahova yaali naakori; na sivalindilira konyoora zing'anagani kutura kuye mba.

Zaburi 44:17

Vindu yivi viosi vimali kokoleka ku kunyi, kali ndio sikwakwivilira mba, anoho sikwaleka lilagana lia walomba ni kunyi mba.

Zaburi 44:20

Niiva kwaali nikwivilira kusigamira Nyasaye wiitu, nu kusaala ku avanyasaye vandi,

Zaburi 49:14

Vakalagirwa vakuzi kuli magondi, na likuza lilavahila kuli mwayi ahilaa amagondi geege; valiika vwangu mu kilindwa mulala sa mulala. Miviri jaavo jilagundira mu vilindwa, kihadisi kilava ovomenyo vwavo mihiga ni mihiga kutura yengo wavo.

Zaburi 50:22

“Muhuliri amakuva yaga, munyi avasuuraa inzi Yahova, ni gataveeye ndio, ndamudiviza ligali, kandi sialavaho kali mulala unyala kumuhonya mba.

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Tsing'ano 5:22

Uvwoni vwu mundu muchamu voveeye mutego. Agumililwa mu muluvu gwu vwoni vwivwe.

Isaya 3:11

Navuzwa avandu vadamanu valadivizwa; agavakolera avandi, navo kandi valakolerwa ndio.

Isaya 5:14

Kivala cha vakuzu keveeye ninzara. Chalaminyi munwa gwacho kuvamira. Kimiraa aviimiliri va Jerusalemi harara ni kiduma cha vandu vandi avakolaa liyoga.

Jeremia 13:25

Umali kovora ndi yiki kilava kivi chienyu. Yili nilio liamali kotovola akole ku munyi kigira mumali kumwivirira kandi musuuviraa muvanyasaye vuvugadi.

Jeremia 18:15

Navuzwa avandu vange vamali kunzivilira! Vahaana vihaanwa vie vimuli ku vifananyi. Vamali kwichigatira kuinzira yavaduukana kogenda ku, sivalonda muzinzira ziakale mba; vagenda kuzinzira zitaveeye zinungi.

Jeremia 2:32

Mukaana musoleri anyala kwivilira viukwisiaha vivie vie zahabu, anoho mukaana osererwa anyala kwivilira inguvu yeeye ye keserero? Navuzwa avandu vange vamali kunzivilira ku madiku manyingi agatavalizwa mba.

Jeremia 3:21

Liyoga lihulirika kutura kuzindongozi zie vigulu: navandu va Isiraeli avalira nokogoonya, kigira vamenya muvwoni kandi vayivilira Yahova Nyasaye wavo.

Ezekieli 22:16

Lwa namuve ni mumali kwonogonywa imbiri wi zihiiri, mwazamumanyirizi ndi Inzi mbeeye Yahova.”

Hosea 2:13

Ndahaana mageri kuye ku ing'inga ya yaanzivilira, lwa yasamba vimuli vifunya mwayu ku Baali, kandi niyivika zimingiri ziu mumatu kandi niviuma viuvuguli nokolondelera avasaza veve. Yahova umali kovora.

Likunula 20:15

Umundu woosi wi lieta liilieliavula kong'odwa mu kitabu chi livamwoyo, yasiuvwa munyanza yu muliru.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”