Zaburi 9:16 - KITABU KITAKATIFU

¹⁶ Yahova umali kwiivula umwene ku likalaga lilie lirungi, na avachamu vamali kuhambwa mu vikolwa viavo vidamanu.

Zaburi 9:16 ပူးပေါင်းရင်းမြစ်များ

2 Avami 19:19

Kalunu, Yahova Nyasaye witu, ukosoole kutura ku Avasiria, kunangwa izihiiri ziosi zie lirova ziduuki kumanya ndi ivi weng'ine, O, Yahova, oveeye Nyasaye.”

Ayubu 18:9

mutego gulagimira lichi lie kerenge chiche, muveto gumuhambi.

Zaburi 11:6

Yahova atumaa amanda gu muliru, ni kibiriti kisambaa ku vachamu vosi. Ahaanaa amageri kuvo ni kihuzuzi kisambaa.

Zaburi 140:9

Utaleka vasigu vange vave avaguuti mba; kola litihiza liavo ku inzi livagwiri aveene.

Zaburi 19:14

Makuva gange kandi zing'anagani ziange zivugiriki ku ivi, imbiri woovo, O, Yahova, uvuhaliru kandi mutungiri wange.

Zaburi 48:11

Leka avandu va Ziyoni vasangale! Ivi uhaanaa likalaga liveeye lirungi; Leka have uvusangari mu madaala manene gi Ivuyuda.

Zaburi 5:1

Uhuliri lisaala liange, O, Yahova, na uhuliri likenya liange.

Zaburi 7:16

Kunangwa vahevangwa mageri malulu kigira uvudamanu vwavo aveene, kandi vasalirizwa nu vutindi vwavo aveene vwa vakolera avandi.

Zaburi 92:3

nizinyimbu ziukwimbira ku viju vie lidienyi, kandi zinyimbu zindahi ziuvusangali ku vukana.

Kutwula 14:10

Lwa avandu va Isiraeli valora Mwami wa Egebeti harara niliihi linene lilie nivaazaa kuvo, vaadegera ligali nivaanira ku Yahova nu mwoyo gwosi avakonye.

Kutwula 14:31

Lwa vandu va Isiraeli valora zinguru zinene zia Yahova yaguutira vandu va Egebeti, vaatia ligali, kandi vaali nilisuvira mu Yahova kandi mu mutumikiri weve Musa.

Kutwula 14:4

Ndadinyia mwoyo gwigwe naye alamulonderera; Lwa akola ndio, kandi liguuta liange ku Mwami harara ni liihi lilie lilakahaane ku inzi luyali. Maku avandu va Egebeti valakamanye inzi mbeeye Yahova.” Avandu va Isiraeli vaakora kuli Musa yavavolera.

Kutwula 7:5

Maku vandu va Egebeti valamanya ndi inzi mbeeye Yahova, lwa mbana mageri kuvo kandi ndulizi vandu va Isiraeli mu kivala chavo.”

Tsing'ano 12:13

Mundu muchamu ategwa magumilwa na makuva geege mwene, navuzwa mundu musuuvirifu yituliza mu vudinyu.

Tsing'ano 6:2

maku umali kwevoha na makuva googo umwene, kandi umali kwivika mumutego kigira lilagana liilio.

Isaya 28:13

Yicho nicho kivuni kigira Yahova azizaa kumwigiza induguta ku induguta, luvaso ku luvaso, liegizu ku liegizu. Maku mulikigitala ku vuli kika cha muduukaku; mulaatwa zing'oma, mulahambwa mu mitego, kandi mulahilwa mu vuhambe.

Isaya 8:15

Avanyingi valakikigitale; valagwi haasi nukusionolanywa. Valakagumilwi nu mutego.”

Danyeli 6:25

Maku mwami Dariasi yang'odera vivala viosi, zihiiri ziosi ni zinimi ziosi navoora, “Mirembe!

Vakalagi 1:7

Adonibezeki yavoola, “Avami sabwini ni vatemeeywi videte viavo vinene, ni vino viavo vinene vamali kolola madanye isi wemesa yange; Nyasaye umali kongolera aga ndavakolera.” Vamuhira Jerusalemi ma nakuzira yo.

1 Samweli 17:46

Lidiku lia lero yili Yahova alaviika ivi hasi hi zinguru ziange. Ndakuguuta kandi ndatema mutwi guugwo gutuli. Ndahaana miviri ja vasikari Vafilisitia ku manyonyi kandi zinyama zilie. Ahene yaho avandu vosi mu lirova valamanya ndi Isiraeli vaveeye na Nyasaye.